ທ້າວ ລາວ​ເປົາ ​ຊົ່ງ ພໍ່ບ້ານ ບ້ານຜາ​ຫລັກ ​ເວົ້າວ່າ ບ້ານ​ຜາ​ຫລັກ ​ເປັນ​ບ້ານ​ ພັດທະນາ ​ໃນ​ແຂວງ​ວຽງຈັນ ​ເປັນ​ບ້ານ ທີ່​ຕັ້ງຂື້ນ​ໃໝ່ ​ເພື່ອ​ຮອງ​ຮັບ ​ເອົາ​ຊາວ​ລາວ ​ເຜົ່າ​ມົ້ງ ທີ່​ຖືກ​ສົ່ງ ມາ​ຈາກ ​ບ້ານ​ຫ້ວຽນ້ຳຂາວ ປະ​ເທດ​ໄທ. ​ແຕ່​ກໍ​ມີ​ ຫລາຍ​ຄອບຄົວ ທີ່​ຍົກຍ້າຍ ມາ​ຈາກ​ແຂວງ​ອື່ນ​ ເຂົ້າມາ​ຢູ່​ນຳ. ລາວ​ວ່າ ​ໃນ​ຂະນະ​ນີ້ ມີ​ຢູ່​ນຳ​ກັນ ​ທັງ​ຫມົດ 54 ຄອບຄົວ. ​ແຕ່​ລະ ​ຄອບຄົວ ​ໄດ້​ຮັບ ​ທີ່​ດິນ ​ເພື່ອ​ປູກຝັງ 2 ​ເຮັກຕາ.

“ເຈົ້າ ​ແບ່ງ​ແລ້ວ ​ປັດຈຸບັນ ມີ​ຢູ່ 54 ຄອບຄົວ ແລະ​ ໄດ້​ທຳ ​ການ​ຜະລິດ​ ແລ້ວ ​ແລະ​ ປູກ​ເຂົ້າ ປູກ​ສາລີ ​ໄປ​ແລ້ວ ​ແລະ​ ຍັງ​ຈຳ ນວນ 11 ຄອບຄົວ ທີ່​ເຂົາ​ເຈົ້າ ມາ​ຫລ້າ ຍັງ​ບໍ່ທັນ​ໄດ້​ ຈັດ​ສັນ​ໄຫ້​ ພວກ​ເຂົາ​ເຈົ້າປູກ​ພືດ ​ເທື່ອ.”

ຕາມ​ຄຳ​ບອກ​ເລົ່າ ​ຂອງ​ບຸກຄົນ ​ໃນ​ພື້ນທີ່ ນັ້ນວ່າ ຊາວ​ລາວ​ເຜົ່າ​ມົ້ງ ທີ່​ຖືກ​ສົ່ງ ​ຈາກ​ບ້ານ​ຫ້ວຍ​ນ້ຳຂາວ ບາງ​ສ່ວນ​ ໄດ້​ຍ້າຍ ​ອອກ​ຈາກ​ ບ້ານ​ຜາ​ຫລັກ ​ໄປ​ຢູ່​ແຂວງ​ອື່ນ ​ແລ້ວ.

​ໃນ​ຂະນະ​ນີ້ ຢູ່​ບ້ານ​ຜາ​ຫລັກ ​ມີ​ບາງ​ຄອບຄົວ ທີ່​ມາ​ຈາກ ​ບ້ານ​ຫ້ວຍ​ນ້ຳຂາວ ​ແລະ

ຄອບຄົວ​ ຊາວ​ເຜົ່າ​ມົ້ງ ຊຶ່ງ​ມັກ​ຈະ​ເປັນ ​ຍາດ​ພີ່ນ້ອງ​ກັນ ທີ່​ມາ​ຈາກ​ ແຂວງ​ວຽງຈັນ ຫລວງ​ພະ​ບາງ ແລະ​ຊຽງຂວາງ ຍັງ​ລໍ​ ການຈັດ​ສັນ ​ທີ່​ດິນ​ທຳ​ກິນ ​ແລະ​ ອາຫານ​ແຫ້ງ ​ຈາກຣັດຖະບານ ​ນັ້ນຢູ່. ທ້າວ ລາວ​ເປົາ​ຊົ່ງ ວ່າ:

“ ປັດຈຸບັນ​ນີ້ ຄື​ວ່າ ມີ 2 ຣະບົບ ມີ​ທີ່​ດິນ​ເຮັດ​ນາ ​ແລະ​ທີ່​ດິນ​ເຮັດ​ສວນ ປະມານ 2 ​ເຮັກຕາ ​ແລະ​ຄາດ​ວ່າ ​ເດືອນ 8 ​ເດືອນ 9 ນີ້ ​ແມ່ນ​ສຳ​ເຣັດ ຈະ​ຈັດ​ສັນ​ທີ່​ດິນ​ໃຫ້​ເຂົາ​ເຈົ້າຕື່ມ​ອີກ.”