ຣັຖມົນຕຣີ ກະຊວງ​ແຮງ​ງານ ​ແລະ ສວັດ​ດີກາ​ນ ສັງຄົມ ຂອງ​ໄທ ຍານາງ ອຸ​ໄລ​ວັນ ທຽນ​ທອງ ​ໄດ້​ບອກ​ກັບ ຄູ່​ຕຳ​ແນ່​ງ ຝ່າຍ​ລາວ ຍານາງ ອ່ອນ​ຈັນ ທັມມະ​ວົງ ທີ່​ນະຄອນຫຼວງ​ວຽງ​ຈັນ ​ໂດຍ​ທັງ​ສອງ​ຝ່າຍ ​ໄດ້​ເຊັນ​ ສັນຍາ​ຮ່ວມ​ກັນ ກ່ຽວ​ກັບ ​ເຣື້ອງ​ນີ້ ​ໃນ​ບັນທຶກ ຊ່ອຍ​ຄວາມ​ຈຳ.

ກະ​ວ່າ ມີ​ຄົນ​ງານ ​ຈາກລາວ ​ຢູ່​ປະ​ເທດ​ໄທ ປະມານ 96 ພັນ​ຄົນ. ຈຳນວນ 56 ພັນ​ຄົນ ​ໄດ້​ມີ ​ການ​ພິສູດ ​ສັນຊາດ​ແລ້ວ ​ແລະ ຍັງ​ເຫຼືອ​ຢູ່ 40 ພັນ​ຄົນ ທີ່​ຍັງ​ບໍ່​ໄດ້ ພິສູດ​ເທື່ອ. ​ໃນ​ບັນດາ ​ແຮງ​ງານ ຊາວ​ລາວ ​ທີ່​ຜ່ານ​ ການ​ພິສູດ​ແລ້ວ ມີ​ຈຳນວນ 28 ພັນ​ກວ່າຄົນ ​ໄດ້​ຮັບ ​ໃບ​ອະນຸຍາດ ​ໃຫ້​ເຮັດ​ວຽກ ​ໃນ​ປະ​ເທດ​ໄທ ກັບ​ອີກ​ ປະມານ 20 ພັນຄົນ ​ໄດ້​ຮັບ ​ອະນຸຍາດ​ ຊົ່ວຄາວ ​ຈາກທາງ​ການ​ລາວ ​ໃຫ້​ເດີນທາງ​ ກັບ​ໄປ ​ເຮັດວຽກ ​ຢູ່​ໄທ​ໄດ້.

ສ່ວນ​ຈຳນວນ ​ທີ່​ເຫຼືອ​ນັ້ນ ໜ່ວຍ​ງານ ​ທີ່​ກ່ຽວ​ຂ້ອງ ທັງ​ສອງ ​ປະ​ເທດ ກຳລັງ ​ເຮັດ​ຕາມ ​ຂັ້ນ​ຕອນ ​ເພື່ອ​ໃຫ້​ແລ້ວ​ພາຍ​ໃນ 2 ປີ. ຍານາງ ອຸ​ໄລ​ວັນ ​ໄດ້​ນຳພາ​ ເຈົ້າ​ໜ້າ​ທີ່ ​ຝ່າຍ​ໄທ ປະຊຸມ​ ຫາລື ​​ເຣື້ອງນະ​ໂຍບາຍ ​ແຮງ​ງານ ກັບ ຍານາງ ອ່ອນ​ຈັນ ຫົວໜ້າ​ ຝ່າຍ​ລາວ. ທັງ 2 ຝ່າຍ​ໄດ້​ແລກປ່ຽນ ​ຂໍ້​ມູນ ກ່ຽວ​ກັບ ​ບັນຫາ ຄວາມ​ຄືບ​ໜ້າ ​ແລະ ຜົນ​ ໃນ​ການ​ດຳ​ເນີນ​ງານ ດ້ານ​ແຮງ​ງານ ຣະຫວ່າງ 2 ປະ​ເທດ.