ໜັງສືພີມຣາຍວັນ ກຸງເທພທຸຣະກິຈ ສະບັບ ວັນທີ່ 10 ເມສານີ້ ແຈ້ງວ່າ: ພາຄສ່ວນອຸຕ ສາຫະກັມ ທົ່ວແຂວງຂອນແກ່ນ ຂອງໄທຽ ຍັງຂາດແຄນຄົນງານ ບໍ່ຕໍ່າກວ່າ 5,000 ຄົນ ໂດຽສະເພາະ ໂຮງຈັກໂຮງງານ ທີ່ຜລິຕເສື້ອຜ້າ ແພ່ນແພ ຫລື ຜລິຕຖົງຕີນ ຕ່າງໆ ຊື່ງຊາວໄທຽ ບໍ່ຄ່ອຍ ຈະນິຍົມວຽກງານ ປະເພດນີ້ ເຮັດໃຫ້ຜູ້ປະກອບກາຣ ຕ້ອງໄດ້ອາສັຍຄົນງານ ຕ່າງດ້າວ ຈາກປະເທດເພື່ອນບ້ານ ໃກ້ຄຽງ.

ທາງໜັງສືພີມ ໄດ້ແຈ້ງເພີ່ມ ວ່າ: ຫວ່າງມໍ່ໆມານີ້ ທາງການແຂວງຂອນແກ່ນ ໄດ້ລົງນາມ ໃນຂໍ້ຕົກລົງ ກັບທາງກາຣ ສປປລາວ ເພື່ອຈັດຫາຄົນງານໃຫ້ ແລະ ປັຈຈຸບັນນີ້ ກໍມີ ຄົນງານ ຊາວລາວ ທີ່ມີອະນຸຍາດ ຖືກຕ້ອງຕາມກົດໝາຍ ຮວມທັງໝົດ 827 ຄົນ. ໃນ ຂະນະດຽວກັນ ກໍວ່າທາງບໍຣິສັທ ຍັງໄດ້ຈ້າງຄົນງານຕ່າງດ້າວ ຜິດກົດໝາຍ ທີ່ໄດ້ຮັບ ກາຣຜ່ອນສັ້ນຜ່ອນຍາວ ຈາກທາງກາຣໄທຽ ອະນຸຍາດ ໃຫ້ເຮັດວຽກໄດ້ ອີກ 514 ຄົນ ຊື່ງໃນນັ້ນ ເປັນຊາວລາວ 129 ຄົນ ຊາວພະມ້າ 366 ຄົນ ແລະ ຊາວກັມພູຊາ ອີກ 19 ຄົນ.