ສປປລບໍ່ສາມາດ ປາບຕັດໄມ້ເຖື່ອນໄດ້

ເຈົ້າໜ້າທີ່ ທ້ອງຖິ່ນ ຂອງລາວ ເວົ້າວ່າ ການລັກຕັດໄມ້ ຢູ່ລາວ ຍັງມີຫລາຍ ເຖິງວ່າຈະມີ ເຈົ້າໜ້າທີ່ ຄວບຄຸມ ກວດກາ ປານໃດ ກໍຕາມ.
ອະວາຣີ
2012-05-23
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
F-illegal-logs
ຣົດບຸນທຸກໄມ້ ຈາກ ແຂວງຄໍາມ່ວນ ໄປວຽດນາມ ຈະເປັນໄມ້ເຖື່ອນ ຫຼືບໍ່ເຖື່ອນ ກໍບໍ່ຄວນ ປະຕິບັດກັນ
RFA

ໃນແຕ່ກ່ອນ ແຂວງອັດຕະປື ເປັນແຂວງນຶ່ງ ທີ່ມີຕົ້ນໄມ້ ຫຼາຍທີ່ສຸດ ໃນລາວ ແຕ່ປັດຈຸບັນ ປ່າໄມ້ ແລະ ຕົ້ນໄມ້ ໜ້ອຍລົງ ຢ່າງໜ້າວິຕົກ ເພາະຍັງມີການ ລັກຕັດຕົ້ນໄມ້ ໂດຍສະເພາະ ໄມ້ແຂງ ດີໆງາມໆ ຢູ່ຫລາຍ. ທ່ານ ຄຳພັນ ພົມມະທັດ ເຈົ້າແຂວງ ແຂວງອັດຕະປື ກ່າວວ່າ:

“ກໍຍັງມີຢູ່ ສ່ວນໃຫຍ່ທີ່ເຂົາ ລັກກໍເປັນໄມ້ ທີ່ມີຣາຄາ ເຊັ່ນໄມ້ຂະຍູງ ໄມ້ດູ່ບໍ່ ສ່ວນໃຫຍ່ ຈຳນວນນຶ່ງ ໄມ້ດູ່ນີ່ ກໍຜລິດ ຢູ່ພາຍໃນນີ້ ກໍມີ ແລະກໍສົ່ງ ອອກໄປຕ່າງ ແຂວງ ແລະຕ່າງປະເທດ ສ່ວນນຶ່ງ ເຂົາລັກລອບ ນະແຫລະ ທາງແຂວງ ກໍພຍາຍາມ ໃຊ້ກຳລັງ ທຸກຢ່າງ ມັນກໍຄຸ້ມຄອງຍາກ ຈະໃຫ້ ສະກັດກັ້ນ ໄດ້ໝົດກໍຍາກຢູ່”.

ເມື່ອ 30 ປີກ່ອນ ແຂວງຄຳມ່ວນ ກໍເປັນແຂວງນຶ່ງ ທີ່ອຸດົມສົມບູນ ໄປດ້ວຍປ່າໄມ້ ແລະຕົ້ນໄມ້ ແຕ່ປັດຈຸບັນ ຕົ້ນໄມ້ ທີ່ອ່າວໃຫຍ່ແດ່ ຫາຍາກ ເພາະມີການຕັດໄມ້ ສົ່ງອອກໄປ ວຽດນາມ ຢ່າງບໍ່ຢຸດຢັ້ງ. ຜ່ານມາ ຣັຖບານ ແລະອຳນາດການ ປົກຄອງແຂວງ ກໍໄດ້ຈັດຕັ້ງ ຫລາຍອົງການ ເພື່ອຄວບຄຸມ ແລະກວດກາ ການຕັດໄມ້ ແຕ່ໃນພາກ ປະຕິບັດນັ້ນ ລົ້ມເຫລວ ບໍ່ໄດ້ຜົນເລີຍ. ດັ່ງເຈົ້າໜ້າທີ່ ຂັ້ນສູງຂອງ ແຂວງຄຳມ່ວນ ໄດ້ກ່າວວ່າ:

“ການຄຸ້ມຄອງ ປ່າໄມ້ ໃນທີ່ຜ່ານມາ ຖືວ່າແຕ່ງຕັ້ງ ຫລາຍອົງການ ຜູ້ໃດກໍໄປ ຄຸ້ມຄອງ ແຕ່ການຕັດ ການລັກ ກົກໄມ້ກົກດຽວ ຫລາຍອົງການ ໄປຄຸ້ມຄອງ ແລະສຸດທ້າຍ ສົ່ງອອກ ພວກເຮົາບໍ່ໄດ້ ຄຸ້ມຄອງ ແຕ່ວ່າສຸດທ້າຍ ກໍລົ້ມເຫລວ ຄືພວກເຮົາຮູ້ ຢູ່ໃນ ປັດຈຸບັນ ນີ້”.

ອົງການສືບສວນ ສິ່ງແວດລ້ອມ ຂອງອັງກິດ ຣາຍງານ ເມື່ອປີກ່ອນວ່າ ຕົ້ນໄມ້ ຢູ່ລາວ ດັບສູນ ກໍຍ້ອນ ກອງທັບ ວຽດນາມ ຕັດແລະຂົນອອກ ໄປວຽດນາມ ຢ່າງຫລວງຫລາຍ ໃນຣະຍະ ຫລາຍສິບປີ ທີ່ຜ່ານມາ ເມື່ອສອງ ອາທິດກ່ອນ ກໍມີຂ່າວວ່າ ຊາວບ້ານ ໃນເຂດ ເມືອງຄຳເກີດ ແຂວງ ບໍຣິຄຳໄຊ ເຫັນຣົດບັນທຸກ ປະມານ 20 ຄົນ ຂົນໄມ້ທ່ອນ ອອກໄປວຽດນາມ.

ຄໍາເຫັນ (3)
  • ພິມ
  • ໃຊ້ຮ່ວມກັນ
  • ອີແມວລ໌

ກອນ

ຈາກ ເມືອງແກ່ນທ້າວ

ຖ້າພວກກຳອຳນາດ ບໍ່ລວຍໝົດ ຄືຊິປາບຍາກ

May 30, 2012 02:43 AM

ວັນທອງ

ຈາກ ວຽງຈັນ

ຄວບຄຸມປານໃດກໍ່ບໍ່ໄດ້ດ໋ອກ ເພາະວ່າເຈົ້າໜ້າທີ່ກິນສິນບົນນຳນາຍທຶນ. ຢ້ານແທ້ໆ ວ່າຈະມີໄພພິບັດອັນໃຫຍ່ເກີດ ຫຼັງຈາກຕົ້ນໄມ້ໃຫຍ່ ກຳລັງໃກ້ຈະໝົດ ແລະ ອີກສ່ວນໜຶ່ງກໍ່ແມ່ນຖືກທຳລາຍຈາກການສ້າງເຄື່ອນນັບຫຼາຍສິບແຫ່ງ.

May 24, 2012 11:10 AM

ຄວາມຈິງ

ຈາກ ສວັນນະເຂດ

ລາວເຮົາຈະບໍ່ມີໂອກາດຈະປາບການລັກລອບຕັດໄມ້ເຖື່ອນໃນປະເທດຂອງຕົນເອງໄດ້ເພາະບໍ່ມີຜູ່ໃດຈະປາບໂຕເອງໄດ້ຈັກເທື່ອ ການໄມ້ເຖື່ອນຢູ່ລາວນັ້ນຈະປາບໄດ້ກໍຕໍ່ເມື່ອປາບລັຖບານເຖື່ອນຊຸດປະຈຸບັນນີ້ກ່ອນ ນີ້ຄືຄວາມຈິງ.ກ

May 24, 2012 04:29 AM