ປະຊາຄົມແມ່ນໍ້າຂອງ ຍັງຕໍ່ສູ້ແລະຮຽກຮ້ອງ

ເຄືອຂ່າຍ ປະຊາຊົນ ແມ່ນ້ຳຂອງ ໄດ້ຮຽກຮ້ອງ ໃຫ້ອົງການ ກັມມາທິການ ແມ່ນ້ຳຂອງ ສືກສາ ເຂື່ອນ ໄຊຍະບູຣີ ເພີ້ມຕື່ມ ໃນກອງປະຊຸມ ທີ່ ພູເກັດ.
ສິດນີ
2012-05-01
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
F-Neewat-Roykeo2
ທ່ານນິວັດ ຣ້ອຍແກ້ວ ແກນນໍາ ຂອງເຄື່ອຂ່າຍ ປະຊາຊົນ ຈາກ 8 ແຂວງລຸ່ມ ແມ່ນ້ຳຂອງ ຂອງໄທ ກໍາລັງຍື່ນ ໜັງສື ເຖີງນາຍປຣີຊາ ເຣັ່ງສົມບູນສຸຂ ຣັຖມົນຕຣີ ວ່າການກະຊວງ ຊັພຍາກອນ ທັມມະຊາດ ແລະ ສີ່ງແວດລ້ອມ ຜ່ານທາງ ທ່ານສັກດາ ນົພສິທ ເລຂານຸການ ຣັຖມົນຕຣີ.
Puket-post

ກົດຟັງສຽງ

ໃນເວລາ 9 ໂມງເຊົ້າ ຂອງວັນທີ 1 ພຶສພາ ປີ 2012 ເຄື່ອຂ່າຍ ປະຊາຊົນ ຈາກ 8 ແຂວງ ລຸ່ມ ແມ່ນ້ຳຂອງ ຂອງໄທ ຈຳນວນນື່ງ ໄດ້ເດີນທາງ ໄປຍັງໂຮງແຮມ ເວທີ ກອງປະຊຸມ ແມ່ນ້ຳຂອງ ທີ່ພູເກັດ ເພື່ອຮຽກຮ້ອງ ໃຫ້ຄນະ ກັມມະທິການ ແມ່ນ້ຳຂອງ ທົບທວນ ໂຄງການ ສ້າງເຂື່ອນ ໄຊຍະບູຣີ ແລະ ແກ້ໄຂ ຜົລກະທົບ ທີ່ຈະເກີດຂື້ນ. ດັ່ງທ່ານ ນິວັດ ຣ້ອຍແກ້ວ ແກ່ນນຳ ຂອງກຸ່ມ ເປີດເຜີຍວ່າ:

"ຍື່ນຫນັງສືແລ້ວ ທີ່ພວກເຮົາ ມານີ້ ກໍເພື່ອຍື່ນ ຫນັງສື ໃຫ້ກັບກຸ່ມຜູ້ ບໍຣິຫານ ຂອງຄນະ ກັມມະທິການ ແມ່ນ້ຳຂອງ ໃຫ້ແສດງບົດບາດ ອັນຊັດເຈນ ໃນເຣື່ອງການ ກຳກັບ ດູແລ ຂໍ້ຕົກລົງ ຂອງ ແມ່ນ້ຳຂອງ ກ່ຽວກັບ ການເລື່ອນເວລາ ການສືກສາ ເຂື່ອນ ໄຊຍະບູຣີ ອີກຕໍ່ໄປ".

ແກນນໍາຂອງກຸ່ມ ຖແລງ ຕໍ່ໄປວ່າ ຫລັງຈາກ ໄດ້ຕິດຕາມ ໂຄງການສ້າງ ເຂຶ່ອນໃສ່ ແມ່ນ້ຳຂອງ ມາຕຣອດ ໂດຍສະເພາະ ເຂື່ອນ ໄຊຍະບູຣີ ກຸ່ມດ່ັງກ່າວ ກໍມີຄວາມ ກັງວົນໃຈ ຢ່າງຍີ່ງ ທີ່ອົງການ ແມ່ນ້ຳຂອງ ບໍ່ເອົາ ໃຈໃສ່ພຽງພໍ ໃນການປົກປ້ອງ ແລະ ຮັກສາ ຂໍ້ຕົກລົງ ທີ່ປະເທດລຸ່ມ ແມ່ນ້ຳຂອງ ໄດ້ປະກາດໃຊ້ ໃຫ້ມີການ ສືກສາ ຜົລກະທົບ ຕໍ່ສີ່ງແວດລ້ອມ ກ່ອນຈະສ້າງ ໃນກອງປະຊຸມ ຄນະກັມມະການ ແມ່ນ້ຳຂອງ ໃນເດືອນ ທັນວາ ປີ 2011.

ທ່ານ ນິວັດ ກ່າວວ່າ ກຸ່ມຂອງທ່ານ ຢາກຮຽກຮ້ອງ ໃຫ້ ຄນະກັມມະທິການ ແມ່ນ້ຳຂອງ ເຮັດຫນ້າທີ່ ຂອງຕົນ ຕາມທີ່ ປະຊາຊົນ ເຂດລຸ່ມ ແມ່ນ້ຳຂອງ ໄດ້ມອບໝາຍໃຫ້  ເພື່ອປົກປ້ອງ ວິຖີຊິວິດ ແລະ ການເປັນຢູ່ ຂອງ ພວກຂະເຈົ້າ ພົ້ນຈາກ ການທຳລາຍ ຂອງໂຄງການ ສ້າງເຂື່ອນ ໄຊຍະບູຣີ.

ຄໍາເຫັນ (1)
  • ພິມ
  • ໃຊ້ຮ່ວມກັນ
  • ອີແມວລ໌

ຜູ້ອ່ານທີ່ບໍ່ອອກຊື່

ປະຊາທິປະໄຕ,ທຸກຄົນມີສິທໃຊ້ ຜົົລປະໂຍຊນ໌ສ່ວນຕົວຕ້ອງຂຶ້ນກັບສ່ວນລວມ ດ້ວຍເຫດນີ້ບັນຫາໄດກໍ່ດີ ຕ້ອງເບິ່ງຄວາມຕ້ອງການ ຂອງສ່ວນລວມເປັນລັກ ເພາະແຕ່ລະຄົນກໍ່ຢູ່ພາຍໃນ ຂອບເຂດຂອງສັງຄົມ,ສັງຄົມດີ ສ່ວນຕົວກໍ່ດີໄປດ້ວຍ.ຄະຕິບູລານເຕືອນວ່າ: ຫລາຍຄົນດີ,ຫລາຍຜີແກມໄກ່,ຫລາຍໄມ້ໃຫ່ຍເຮັດເຮືອນງາມ.

May 02, 2012 02:37 PM