ເຂື່ອນໄຊຍະບູຣີ ມີຜົນຮ້າຍແນ່ນອນ

ສະມາຊິກ ສະພາສູງ ຂອງໄທ ຖແລງວ່າ ເຂື່ອນ ໄຊຍະບູຣີ ຈະສົ່ງ ຜົລກະທົບ ຕໍ່ການປະມົງ ຕາມລຳ ແມ່ນ້ຳຂອງ ຢ່າງແນ່ນອນ.
ສິດນີ
2012-11-09
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
F-thai-senators
ທ່ານ ປະສານ ມະຣືຄະພິທັກ ສະມາຊິກ ວຸດທິ ສະພາໄທ ຄນະກັມມະການ ຊັພຍາກອນ ທັມມະຊາດ ກໍາລັງໃຫ້ ສັມພາດ ຕໍ່ຜູ້ສື່ຂ່າວ
RFA/Nontarat

ໃນຖແລງຂ່າວ ຄັດຄ້ານ ການສ້າງເຂື່ອນ ໄຊຍະບູຣີ ແລະ ຮຽກຮ້ອງ ໃຫ້ຣັຖບານ ໄທ ຍົກເລີກ ສັນຍາ ຊື້ໄຟຟ້າ ຈາກໂຄງການ ເຂື່ອນ ໄຊຍະບູຣີ ທ່ານ ສຸຣະຈິດ ຊີຣະເວດ ແລະ ທ່ານ ປະສານ ມະຣືຄະພິທັກ ທີ່ເປັນ ສະມາຊິກ ວຸດທິສະພາໄທ ຄະນະກັມມະການ ຊັພຍາກອນ ທັມມະຊາດ ກ່າວວ່າ ຈາກການ ສຶກສາ ຫລາຍ ສະບັບພົບວ່າ ເຂື່ອນ ດັ່ງກ່າວ ຈະສົ່ງຜົລ ກະທົບ ຕໍ່ພັນປາ ແລະ ການປະໂມງ ຕາມລຳ ແມ່ນ້ຳຂອງ ຢ່າງແນ່ນອນ. ດັ່ງທ່ານ ປະສານ ກ່າວ ໃນຕອນນື່ງວ່າ:

"ໃນຄຳໃຫ້ການ ຂອງ ຣັຖມົນຕຣີ ກະຊວງ ຕ່າງປະເທດ ຂອງໄທ ບອກວ່າ ຣັຖບານລາວ ທຳການ ສຶກສາແລ້ວ ຫລາຍສະບັບ ທີ່ສະແດງ ໃຫ້ເຫັນວ່າ ບໍ່ມີ ຜົລກະທົບ ຕໍ່ການປະມົງ ນັ້ນແມ່ນຜິດ ຢ່າງສິ້ນເຊີງ ນະ ຜົລກະທົບ ຕໍ່ການປະມົງ ນີ້ ມີຢ່າງ ມະຫາສານ ພັນປາ ຈະຫາຍໄປ ວິທີຖີວີດ ການຂື້ນລົງ ຂອງປາ ຕາມທັມມະຊາດ ກໍຈະຫາຍໄປ ນັ້ນກໍຄື ຜົລກະທົບ".

ຈາກຂໍ້ມູນ ຂອງອົງການ ຟື້ນຟູນິເວດ ໃນພູມີພາກ ແມ່ນ້ຳຂອງ ຫລື Terra ພົບວ່າ ການຂື້ນລົງ ຂອງຣະດັບນ້ຳ ປ່ຽນແປງ ຕໍ່ການຈະເຣີນ ເຕີບໂຕ ແລະ ການວາງໄຂ່ ຂອງພັນປາ ໂດຍສະເພາະ ໃນປະເທດ ກຳພູຊາ ທີ່ປະຊາຊົນ ສ່ວນໃຫຍ່ ມີອາຊີພ ການປະມົງ ທັງນັ້ນ ທ່່ານ ສຸຣະຈີິດ ກ່າວວ່າ ເຖິງວ່າ ກຸ່ມຜູ້ກໍ່ສ້າງ ເຂື່ອນ ໄຊຍະບູຣີ ຈະໃຫ້ການ ຢືນຢັນວ່າ ຈະສ້າງບັນໃດ ເພື່ອໃຫ້ປາ ສາມາດຂື້ນລົງ ໄປວາງໄຂ່ ໄດ້ນັ້ນ ແຕ່ຈາກຕົວຢ່າງ ເຂື່ອນ ປາກມູນ ທີ່ປະເທດໄທ ພົບວ່າ ບັນໃດ ສຳລັບປາ ຜ່ານນັ້ນ ບໍ່ໄດ້ຜົລ:

"ທາງປາຜ່ານ ບັນໃດປາໂຈນ ຫລືປາກມູນ ມັນຢືນຢັນ ແລ້ວວ່າ ມັນຫລົ້ມເຫລວ ເຂື່ອນ ໄຊຍະບູຣີ ເຂົາປັບຈາກ ເດີມທີ່ ເປັນບັນໃດປາໂຈນ ເປັນທາງ ປາຜ່ານ ແຕ່ທາງປາຜ່ານ ອັນນີ້ ມັນຄົດລ້ຽວ ຫລາຍ ຕາມຄວາມເປັນຈີງ ມັນຈະຕັດ ຊີວີດການ ໂຄຈອນ ຂອງປາໃນ ຫລາຍພັນ ພວກເຮົາ ຕ້ອງຄິດວ່າ ສອງຝັ່ງ ແມ່ນ້ຳຂອງ ປະຊາຊົນ ສອງຝັ່ງ ອາສັຍ ການປະມົງ ເປັນຊິວີິດ ຂອງເຂົາ ຖ້າເຮົາບໍ່ ສາມາດ ຮັບຜິດຊອບ ເຂົາໄດ້ ກໍຄືດັ່ງ ເຮົາຖີ້ມ ການປະມົງໄປ ເຮົາຈະ ເຮັດຢ່າງໃດ ຕາມກົດຫມາຍໄທ ການປ້ອງກັນ ມາກ່ອນ ການປິ່ນປົວ ຢຽວຢາ".

ທັງສອງທ່ານ ຢາກສເນີແນະ ໃຫ້ຜູ້ທີ່ມີ ສ່ວນກ່ຽວຂ້ອງ ກັບໂຄງການ ເຂື່ອນ ໄຊຍະບູຣີ ຄືຣັຖບານ ທັງສອງ ປະເທດ ແລະ ກຸ່ມນັກລົງທືນ ຜູ້ຮັບເຫມົາ ກໍ່ສ້າງ ຮ່ວມທັງ ທະນາຄານ ທີ່ໃຫ້ເງີນກູ້ ໃນໂຄງການ ຄວນທົບທວນ ຄືນອີກວ່າ ຜົລທີ່ໄດ້ ຈະຄຸ້ມຄ່າ ກັບຄວາມ ເສັຽຫາຍ ຫລືບໍ່?

ຄໍາເຫັນ (4)
  • ພິມ
  • ໃຊ້ຮ່ວມກັນ
  • ອີແມວລ໌

(

Mon vieux buffle!tu la fermes.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 14, 2012 11:05 AM

ປານ້ອຍ

ຈາກ ວຽງຈັນ

ທາງຜ່ານປາ ທີ່ເຮັດຢູ່ ໄຊຍະບູລີ ບໍ່ຮູ້ຊິເປັນຄືແນວໃດ໋. ປາທໍາມະຊາດ ມັນໄຕ່ຂື້ນຂັນໃດ໋ ທ່ານເຮັດໄດ້ບໍ່ນໍ ທ່ານເຮັດເປັນ ບັນໄດລິບໄຕ່ຂື້ນບາງທີ. ເຫັນແຕ່ເວົ້າວ່າ ສຶກສາແລ້ວ ບໍ່ຮູ້ວ່າຄິດເອົາເອງບໍ. ຫລືເຮັດພໍຄື ເພາະຢ້ານເປືອງງົບ. ມີເອກະສານສຶກສາ ເອົາມາສະເໜີ ໃຫ້ແດ່ບໍ່ຮູ້. ໄດ້ຍິນແຕ່ວ່າ ແກ້ໄຂແລ້ວ ສອດຄ່ອງແລ້ວ. ຜິດພາດ ຂໍອະໄພເດີ້


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 12, 2012 04:56 PM

Xayabouly people

ຈາກ Paklay

Construction of any things has the positive & negative impacts. xayabouly dam has a huge positive benefit rather than the impact.




[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 10, 2012 10:05 AM

ທອງວິນ

ຈາກ ໄຊຍະບູລີ

ຂໍສະນັບສະຫນູນ ເປັນຄຳເຫັນທີ່ບໍ່ເຂົ້າຂ້າງອອກຂາ ດີທີ່ສຸດຖ້າທຸກຄົນ ຫາກຄິດໄດ້ແບບນີ້, ເພາະມັນເປັນ ຜົລປະໂຍຊນ໌ສ່ວນລວມ ໃນໄລຍະຍາວນານ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 10, 2012 10:01 AM