ຣັຖ ອະນຸຍາດ​ ໂຄ​ຕ້າ ​​ໃຫ້​ຕັດ​ໄມ້​ຕາມຈໍານວນ​ ທີ່​ຖືກຕ້ອງ​ ກັບ​ລະບຽບ​ກົດໝາຍ ​ການ​ຕັດ​ໄມ້, ​ແຕ່​ເມື່ອ​ເວລາ ​ໄປ​ຕັດ ​ເຂົາ​ກໍ​ຕັດ ​ເກີນກໍານົດ ​ທີ່​ທາງ​ການ​ອະນຸຍາດ​ໃຫ້, ຕາມ​ທີ່​​ເຈົ້າ​ໜ້າ​ທີ່ ອົງການ​ເອກະ​ຊົນ ​ຂອງ​ໄທ ຢູ່​ຕາມ​ຊາຍ​ແດນ ​ໄດ້​​ເປີດ​ເຜີຽ.

ທ່ານ​ວ່າ ມີ​ຂະ​ບວນການ ກໍ​ຄື ​ເວົ້າ​ງ່າຍໆ​ວ່າ ມີ​ການຮ່ວມ​ມື​ ລະຫ່ວາງ​ ເຈົ້າ​ໜ້າ​ທີ່ ​ຂອງຣັຖ ກັບ​ເອກະ​ຊົນ. ​ເວົ້າ​ງ່າຍໆ ​ກໍ​ຄື​ວ່າ ​ໄດ້​ໂຄຕ້າ ​ຢ່າງ​ນື່ງ ພັດ​ໄປ​ຕັດ ​ອີກ​ຢ່າງ​ນື່ງ. ​ໄດ້​ໂຄ​ຕ້າ 500 ​ແມັດ​ກ້ອນ ພັດ​ໄປ​ຕັດ 1,500 ​ແມັດ​ກ້ອນ. ທີ່​ຜ່ານ​ມາ ​ໃນ​ລາວ​ ກໍ​ເປັນ​ຈັ່ງ​ຊີ້ ຕລອດມາ. ດຽວ​ນີ້ ພໍ່ຄ້າ​ຄົນ​ໄທ ຫລື ​ຄົນ​ວຽດນາມ ຄົນ​ຈີນ ທີ່​ເຂົ້າ​ໄປ ​ຮູ້ຈັກ​ເຣື້ອງນີ້ ​ແລ້ວ ​ເຂົາ​ກໍ​ເປັນ ​ນາຍ​ທືນ​ໃຫ້.”

ກ່ຽວ​ກັບ ​ເຣື້ອງນີ້ ​ເຈົ້າ​ໜ້າ​ທີ່ ​ຈາກ​ອົງການ ​ອະນຸຮັກ​ ປ່າ​ໄມ້ ກະຊວງ​ ກະສິກໍາ ​ແລະ ​ປ່າ​ໄມ້ ​ໃນ​ນະຄອນຫລວງ ​ວຽງ​ຈັນ ​ອະທິບາຍ​ວ່າ:

“ມັນ​ເວົ້າ​ເຣື້ອງ ການ​ກວດກາ ທໍາ​ມະ​ດາ ​ເຮົາ​ເຮັດ​ໄປ​ແລ້ວ ​ມັນ​ຕ້ອງ​ ໄດ້​ກວດກາ ​ໄປ​ພ້ອມ ​ເພື່​ອຮັກສາ ​ໂຕ​ເລກ​ໄວ້ ​ບໍ່​ໃຫ້​ມັນ​ເກີນ. ອັນ​ທີ່​ວ່າ ​ເຈົ້າ​ໜ້າ​ທີ່ ​ຮູ້​ເຫັນ ທັງ​ສອງ​ ກໍ​ຣະ​ນີ ຈະ​ແມ່ນ​ຫລື​ບໍ່​ແມ່ນ ຕ້ອງ​ກວດກາ​ອີກ.”

ທ່ານ​ວ່າ​ ບັນຫາ ​ການ​ລັກລອບ​ຕັດ​ໄມ້ ​ເກີນ​ໂຄຕ້າ ມີ​ນ້ອຍ, ສ່ວນ​ບັນຫາ​ ທີ່​ເກີດ​ຂື້ນ ​ເລື້ອຍໆ ​ແມ່ນ​ການ​ລັກລອບ ​ເຂົ້າ​ໄປ ​ໃນ​ປ່າ​ສງວນ ​ເພື່ອ​ຕັດ​ໄມ້. ​​ເຖິງ​ຢ່າງ​ໃດ​ກໍ​ດີ ​ແຕ່​ລະ​ຄັ້ງ ​ທີ່​ມີ​ກອງ​ປະຊຸມ ສະ​ໃໝ​ສາມັນ​ສະພາ​ ແຫ່ງຊາດ​ລາວ ສະມາຊິກ​ ສະພາ ​ຜູ້​ແທນ ມັກ​ຈະ​ນໍາ​ເອົາ​ເຣື້ອງ ການ​ຕັດ​ໄມ້​ ເກີນ​ໂຄ​ຕ້າ ທັງ​ຢູ່​ໃນ​ເຂດ​ ສ້າງ​ເຂື່ອນ​ ຜລິດ​ກະ​ແສ​ໄຟຟ້າ ​ແລະ ​ນອກ​ເຂດ​ສ້າງ​ເຂື່ອນ ມາ​ຖົກ​ຖຽງ​ກັນ​ ​ເພາະ​ຖື​ວ່າ ເປັນ​ບັນຫາ​ສໍາຄັນ​ ຂອງ​ຊາດ. ​​ສະມາຊິກ​ ສະພາ​ ເຫັນ​ວ່າ ​ເຈົ້າ​ໜ້າ​ທີ່ ​​ໃນພາກສ່ວນ ​ປະຕິບັດ​ ບໍ່​ປະຕິບັດ​ຕາມລະບຽບ ​ວິ​ໃນ ​ຂອງຣັຖ.

ຄວາມເຫັນ

ທ່ານສາມາດອອກຄວາມເຫັນໄດ້ໂດຍຂຽນຂໍ້ຄວາມໃສ່ຂ້າງລຸ່ມນີ້. (ໃຊ້ຮູປແບບທັມມະດາ).ຄວາມເຫັນທັງໝົດຕ້ອງຜ່ານການກວດກາແລະຈະບໍ່ອອກໃຫ້ເຫັນໃນປັດຈຸບັນ. ກະຣຸນາກວດເບິ່ງໃໝ່ໃນອີກບໍ່ດົນ ບາງທີຄວາມເຫັນຂອງທ່ານໄດ້ຂື້ນຕິດໄວ້ແລ້ວ.