ສະພາວຽດນາມຈະຕັດສິນ ໂຄງການບ໊ອກໄຊທ໌

ສະພາວຽດນາມ ລົງຄະແນນສຽງ ວ່າຈະ ສນັບສນູນ ໂຄງການ ຂຸດຄົ້ນແຮ່ທາດ ບ໊ອກໄຊທ໌ ຫລືບໍ່.
ສົມເນ
2010-11-05
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌

ກົດຟັງສຽງ

ກອງປະຊຸມ ສະພາ ວຽດນາມ ໃນວັນທີ 2 ພືສຈິກາ ຜ່ານມານີ້ ຜູ້ແທນ ໄດ້ຖົກຖຽງ ກ່ຽວກັບ ໂຄງການຂຸດຄົ້ນ ແຮ່ທາດບ໊ອກໄຊທ໌ ຢ່າງດຸເດືອດ ຈົນຕ້ອງໄດ້ ລົງຄະແນນ ສຽງກັນວ່າ ຈະສນັບສນູນ ໂຄງການ ດັ່ງກ່າວນີ້ ຫລືບໍ່. ສະມາຊິກ ສະພາຜູ້ແທນ ຈໍານວນນື່ງ ມີຄວາມ ເປັນຫ່ວງວ່າ ໂຄງການຂຸດຄົ້ນ ແຮ່ທາດບ໊ອກໄຊທ໌ ໃນພູເຂົາພຽງ ພາກກາງຂອງ ວຽດນາມ ຈະສົ່ງຜົນ ສະທ້ອນໜັກ ຕໍ່ສິ່ງແວດລ້ອມ ເພາະວ່າການ ຂຸດຄົ້ນ ຕ້ອງໄດ້ເອົາ ແຮ່ທາດ ຫລາຍລ້ານໂຕ້ນ ອອກຈາກພື້ນທີ່ ແລ້ວມັນ ຈະເຮັດໃຫ້ ດິນແລະແຫ່ລງນໍ້າ ເຊື່ອມເສັຽ.

ການຂຸດຄົ້ນ ແຮ່ທາດນີ້ ຈະຕ້ອງສ້າງອ່າງ ເກັບຂີ້ຕົມແດງ ໃນພື້ນທີ່ ປະມານ 50 ha. ຜູ້ແທນວ່າ ຖ້າຫາກວ່າອ່າງ ເກັບຂີ້ຕົມແດງ ແຕກ ມັນກໍຈະເກີດ ຄວາມຫາຍນະ ແລະ ປະເທດຊາດ ຈະສູນເສັຽ ເງິນທີ່ລົງທືນ ໄປເຖິງ 4,000 ລ້ານໂດລາ ສະຫະຣັຖ. ສະມາຊິກ ສະພາ ຈໍານວນນື່ງ ສະເໜີໃຫ້ ທາງການ ສະພາເປີດເຜີຽ ລາຍຊື່ຜູ້ແທນ ທີ່ປ່ອນບັດ ສນັບສນູນ ແລະບໍ່ ສນັບສນູນ ໂຄງການ ເພື່ອໃຫ້ ປະຊາຊົນ ຮູ້ນໍາ.