ອອສເຕຣເລັຽໃຫ້ທຶນ ກູ້ຣະເບີດ

ອອສເຕຣເລັຽ ໃຫ້ທຶນ ຊ່ວຍເຫລືອ ໂຄງກາຣ ເກັບກູ້ ຣະເບີດ ທີ່ບໍ່ທັນແຕກ UXO ໃນລາວ ຕື່ມອີກ ໃນມູລຄ່າ 1 ລ້ານ ດອລລາຣ໌ ສະຫະຣັຖ ແລະ ໄດ້ມີກາຣ ລົງນາມ ໃນວັນພຸທ ທີ່ 4 ເມສາ ຕາມຂໍ້ສັນຍາ ໃນໂຄງກາຣ ພັທນາ ແລະ ກາຣຮ່ວມມື ຣະຫວ່າງ ປະເທສ.
ຫວາດ ສີມູນ
2012-04-05
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
F-UXO
ໂຄງການ ເກັບກູ້ ຣະເບີດ ທີ່ບໍ່ທັນແຕກ ໃນແຂວງ ຊຽງຂວາງ
AFP File photo

ກົດຟັງສຽງ

Mme Lynda Worthaisong ເອກອັຄຣາຊທູຕ ອອສເຕຣເລັຽ ປະຈຳລາວ ໄດ້ກ່າວ ໃນພິທີ ເຊັນສັນຍາ ວ່າທາງກາຣ ອອສເຕຣເລັຽ ໄດ້ສືບຕໍ່ ໃຫ້ກາຣ ສນັບສນູນ ໂຄງກາຣ ເກັບກູ້ ຣະເບີດ ທີ່ບໍ່ທັນແຕກ ຊຶ່ງກໍ ຮວມທັງ ໂຄງການ ຝຶກອົບຮົມ ໃຫ້ຄວາມຮູ້ ແກ່ ເຈົ້າໜ້າທີ່ ພ້ອມດ້ວຍ ກາຣຊ່ວຍເຫລືອ ຕ່າງໆ ແກ່ຜູ້ທີ່ ໄດ້ຮັບເຄາະຮ້າຍ ຈາກຣະເບີດ ແຕກໃສ່ ມາໂດຽຕລອດ ຊື່ງບໍ່ຕໍ່າ ກວ່າ 24 ລ້ານ ດອລລາຣ໌ ແຕ່ປີ 1996 ມາຈົນເທົ່າ ປັຈຈຸບັນນີ້.

ໃນຂນະດຽວກັນ ທ່ານບຸນເຮືອງ ດວງພະຈັນ ປະທານ ຂອງອົງກາຣ ເກັບກູ້ ຣະເບີດ ບໍ່ທັນແຕກ ໃນລາວ ກໍແສດງຄວາມ ຍິນດີນຳ ກາຣຊ່ວຍເຫລືອ ຈາກທາງກາຣ ອອສເຕຣເລັຽ ຄັ້ງໃໝ່ນີ້ ພ້ອມກັບໄດ້ ເນັ້ນວ່າ ໂຄງກາຣ ເກັບກູ້ຣະເບີດ ໃນລາວ ເປັນສິ່ງທີ່ ທ້າທາຍ ສຳລັບ ໂຄງກາຣ ພັທນາ ເພື່ອໃຫ້ ປະຊາຊົນ ໃນເຂຕຊົນບົທ ມີຊີວີຕ ກາຣເປັນຢູ່ ດີຂຶ້ນ ກວ່າເກົ່າ ໃນຂັ້ນຕໍ່ໆໄປ.

ເປັນທີ່ຄາດ ກັນວ່າ ຈໍານວນ ລູກຣະເບີດ ທີ່ກໍາລັງ ທະຫາຣ ສະຫະຣັຖ ນໍາໄປຖີ້ມ ເພື່ອທໍາລາຍ ເສັ້ນທາງ ຍຸທສາຕ ຜ່ານລາວ ໄປຍັງ ວຽຕນາມໃຕ້ ໃນປາງ ສົງຄາມນັ້ນ ແລະ ສ່ວນທີ່ບໍ່ ທັນແຕກ ປະມານ 30% ຍັງເປັນ ອັນຕຣາຍ ຈົນເທົ່າ ປັຈຈຸບັນ ມີປະຊາຊົນ ຕາມເຂຕ ຊົນບົທ ໄດ້ຮັບບາດເຈັບ ຫລື ເສັຽຊີວີຕ ໄປຍ້ອນ ປະມານ 300 ຄົນ ໃນແຕ່ລະປີ.

ຄໍາເຫັນ (1)
  • ພິມ
  • ໃຊ້ຮ່ວມກັນ
  • ອີແມວລ໌

ຜູ້ອ່ານທີ່ບໍ່ອອກຊື່

ຄວາມຮ່ວມມືຂອງອອສເຕຣເລັຍກໍ່ຄືສາກົນ,ເພືອຊ່ວຍ ເຫລືອເພື່ອນມະນຸຕສ໌ດ້ວຍກັນໃນໂຄງການເກັບກູ້ລະເບີດ ບໍ່ທັນແຕກ,ເມື່ອສ່ວນຕົວສ່ວນລວມຫລອມເປັນນຶ່່ງ ບໍ່ຄວນຖ່ວງດຶງດ້ວຍ,ດີ,ຊົ່ວ,ຖືກຫລືພິດ;ໂລກບໍ່ອາຈ ປ່ຽນແປງດ້ວຍແຄ່...ນັ່ງຄິດນັ່ງທັມແບບຈຳສິລແຄ່...ເກີດລິທແທ້ ຄື ປະຕິບັດ...ທ່ານທັງຫລາຍເອີຍ!

Apr 06, 2012 11:48 AM