ບໍ່ມີການອຸທອນໃຫ້ ກຸ່ມຄາຕກອນ

ສານ ປະຊາຊົນ ຈີນ ເຫັນພ້ອມ ໃຫ້ລົງໂທດ ປະຫານ ຊີວິດ ພວກທີ່ສັງຫານ ລູກເຮືອຈີນ 13 ຄົນ ໃນເຂດ ແມ່ນໍ້າຂອງ ເມື່ອປີກາຍ.
ຈໍາປາທອງ
2012.12.26
F-Nokham ຈາຍ ໜໍ່ຄໍາ ຫົວໜ້າ ຄ້າຢາເສພຕິດ ໃນລາວ
Asia News

ສານປະຊາຊົນ ແຂວງ ຍຸນນ່ານ ຂອງຈີນ ປະຕິເສດ ຄໍາອຸທອນ ຂອງ ນັກໂທດ 6 ຄົນ ທີ່ສັງຫານ ລູກເຮືອຈີນ ຈໍານວນ 13 ຄົນ ຢູ່ເຂດ ແມ່ນໍ້າຂອງ ເມື່ອປີກາຍ.

ສານເຫັນພ້ອມນໍາ ຄໍາຕັດສິນ ລົງໂທດ ປະຫານຊີວິດ ເຈົ້າພໍ່ ຢາເສພຕິດ ໜໍ່ຄໍາ ແລະ ມືຂວາຂອງເຂົາ ອີກ 3 ຄົນ. ພ້ອມດຽວກັນ ທາງສານ ຍັງເຫັນພ້ອມ ນໍາການລົງໂທດ ປະຫານຊີວິດ ຊາວພະມ້າ ທີ່ກະທໍາຜິດ ໃນກໍຣະນີ ດຽວກັນນັ້ນອີກ 2 ຄົນ ໂດຍເຍື້ອນເວລາ ປະຫານ ຜູ້ນຶ່ງອອກໄປ 2 ປີ ແລະ ອີກຜູ້ນຶ່ງ 8 ປີ.

ທັງ 6 ຄົນ ຖືກສານຕັດສິນ ເມື່ອເດືອນ ພຶສຈິກາ ຂອງປີ ຜ່ານມາວ່າ ໄດ້ກະທໍາ ຄວາມຜິດ ຂ້າຜູ້ອື່ນ ໂດຍເຈຕນາ ຄ້າຢາເສພຕິດ ລັກພາຕົວ ແລະປຸ້ນຊັພ. ທ້າວໜໍ່ຄໍາ ເປັນຫົວໜ້າ ແກ້ງຄ້າຢາເສພຕິດ ປະກອບອາວຸດ ຢູ່ເຂດ ແມ່ນໍ້າຂອງ ທີ່ຖືກຈັບໄດ້ ໃນຕົ້ນປີນີ້ ໂດຍການ ປະຕິບັດ ການຮ່ວມ ຂອງຕໍາຣວດ ຈາກ ປະເທດຈີນ ລາວ ພະມ່າ ແລະໄທ ພາຍຫລັງ ການສັງຫານ ລູກເຮືອຈີນ ຢ່າງໂຫດຫ້ຽມ ຢູ່ໃນເຮືອ ຂົນສິນຄ້າ ຂອງຈີນ ໃນແມ່ນໍ້າຂອງ ໃກ້ເຂດ ສາມຫລ່ຽມຄໍາ. ການປະຕິບັດການ ຮ່ວມກັນ ທີ່ວ່ານັ້ນ ເຮັດໃຫ້ ການຈໍາກັດ ອາສຍາກັມ ທີ່ມີຫລາຍ ຢູ່ເຂດຊາຍແດນ ດັ່ງກ່າວ ງ່າຍຂຶ້ນ.

ສານເມືອງຄຸນມິງ ປະຕິເສດ ຄໍາອຸທອນ ເມື່ອວັນທີ 20 ທັນວາ 2012 ຄໍາອຸທອນໂທດ ປະຫານຊີວິດ ເຈົ້າພໍ່ ໜໍ່ຄໍາ ແລະ ລູກນ້ອງ ຂອງເຂົາ 3 ຄົນ ຈະສົ່ງເຖິງ ສານປະຊາຊົນ ສູງສຸດ ທີ່ກຸງປັກກິ່ງ ເພື່ອໃຫ້ທົບທວນ ກ່ອນການ ປະຫານ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.