ຮອຍແຜ່ນດິນແຫງ ສ້າງຄວາມວິຕົກ

ບັນດາ ນັກຊ່ຽວຊານ ຂອງໄທ ເປັນຫ່ວງ ກ່ຽວກັບ ຮອຍແຜ່ນດິນແຕກ ທາງພາກເໜືອ ຂອງໄທ.
ຈະເຣີນສຸກ
2012-11-13
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
F-burma-quake
ຄວາມເສັຍຫາຍ ຈາກແຜ່ນດິນໄຫວ ໃນພະມ້າ ຢູ່ທີ່ຂົວ Kyauk Myaung , Sa Gaing division
AFP

ເຫດການ ແຜ່ນດິນໄຫວ ທີ່ມີຄວາມແຮງ ເຖິງ 6.8 ຣິກເຕີ ແລະ ແຮງສັ່ນສະເທືອນ ພາຍຫລັງ ແຜ່ນດິນໄຫວ ທີ່ພະມ້າ ໃນມື້ວັນອາທິດ ທີ 11 ຜ່ານມາ ເກີດຄວາມຢ້ານກົວ ຂຶ້ນມາອີກ ໃນປະເທດໄທ ກ່ຽວກັບ ຄວາມປອດພັຍ ຈາກການສັ່ນສະເທືອນ.

ເຈົ້າໜ້າທີ່ ກົມຊັພຍາກອນ ບໍ່ແຮ່ ຂອງໄທ ກ່າວໃນວັນທີ 12 ພຶສຈິກາ ຜ່ານມາ ວ່າ ພວກທ່ານ ຕ້ອງກວດສອບ ຄວາມສ່ຽງ ຂອງແຕ່ລະ ອາຄານ ແລະ ຕຣຽມພ້ອມ ມາຕການ ເພື່ອຮັບມື ກັບ ແຜ່ນດິນໄຫວ.

ດັ່ງນັ້ນ ໃນມື້ວັນທີ 12 ພຶສຈິກາ ທາງກົມ ຊັພຍາກອນ ບໍ່ແຮ່ ຂອງໄທ ໄດ້ນັດປະຊຸມ ກັບ 5 ອົງການ, ຮວມທັງ ສູນເຕືອນພັຍ ພິບັດ ແຫ່ງຊາດ, ແລະ ຄະນະບໍຣິຫານ ເທສບານ ກຸງເທບ, ພ້ອມກັບ ບັນດານັກຊ່ຽວຊານ ເພື່ອຫາລື ກ່ຽວກັບ ບັນຫາ ດັ່ງກ່າວ.

ແຜ່ນດິນໄຫວ ທີ່ພະມ້າ, ຊຶ່ງເຮັດໃຫ້ 10 ກ່ວາຄົນ ເສັຍຊີວິດ ແລະ ອີກຫລາຍສິບຄົນ ໄດ້ຮັບບາດເຈັບ, ນອກຈາກນັ້ນ ການສັ່ນສະເທືອນ ຍັງໄດ້ໄປເຖິງ ປະເທດໄທ. ແຕ່ວ່າ ແຜ່ນດິນໄຫວ ເທື່ອນີ້ ບໍ່ໄດ້ສະເທື່ອນເຖິງ ປະເທດລາວ. ດັ່ງຊາວ ຫລວງນໍ້າທາ ທ່ານນຶ່ງ ເວົ້າວ່າ:

”ບາ... ຄື ບໍ່ຮູ້ສຶກຫຍັງນ໋າ ຢູ່ຫລວງນໍ້າທານິ ບໍ່ໄດ້ຍິນໄຫວ ແນວນັ້ນແນວນີ້ ດົນໆມາແລ້ວ ກໍໄຫວ ຢູ່ ໄຫວ ກໍໄຫວແຮງ ຢູ່ແລ້ວ.”

ໃນຂະນະດຽວກັນ ເຈົ້າໜ້າທີ່ ໄທ ກ່າວເຕື່ອນ ປະຊາຊົນ ເພື່ອຫລີກລ້ຽງ ອັນຕະຣາຍ ວ່າ ໃນເວລາ ທີ່ອາຄານ ເຣີ່ມສັ່ນ, ປະຊາຊົນ ຄວນຮີບເຂົ້າໄປ ລີ້ໃນກ້ອງໂຕະ ເພື່ອຫລີກລ້ຽງ ການຖືກສິ່ງຂອງ ຫລື ສິ້ນສ່ວນ ຂອງບ້ານ ແລະ ອາຄານ ລົ່ນລົງທັບ.