ທາງການລາວວ່າ "ເປັນຫ່ວງນໍາ" ທ.ສົມບັດ

ຣັຖບານ ສປປ ລາວ ໃຫ້ຄໍາຊີ້ແຈງ ເຣື່ອງການ ຫາຍຕົວໄປ ຂອງ ທ່ານ ສົມບັດ ສົມພອນ.
ມະນີຈັນ
2013-01-04
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
F-Rupert
ໃນວັນທີ 21 ທັນວາ 2012 ທ່ານ Rupert Colville ໂຄສົກ ປະຈໍາ ຫ້ອງການ ກັມມາທິການ ສູງສຸດ ດ້ານ ສິທທິມະນຸດ ຂອງ ສະຫະປະຊາຊາດ ກ່າວຕໍ່ ນັກຂ່າວ ທີ່ນະຄອນ ເຈນີວາ ວ່າ "ພວກທ່ານ ມີຄວາມ ເປັນຫ່ວງ ໃນການ ຫາຍໂຕໄປ ໃນລັກສນະ ບີບບັງຄັບ ຂອງ ທ່ານ ສົມບັດ ສົມພອນ"
UN Photo/Jean-Marc

ທ່ານ ຢົ້ງ ຈັນທະລັງສີ ຜູ້ຕາງໜ້າ ຖາວອນ ຂອງ ສປປລາວ ປະຈໍາ ສະຫະປະຊາຊາດ ທີ່ ນະຄອນ Geneva ປະເທດ Switzerland ໄດ້ ສົ່ງຈົດໝາຍ ເພື່ອໃຫ້ຄວາມ ກະຈ່າງແຈ້ງ ກ່ຽວກັບ ການ ຫາຍຕົວໄປ ຂອງ ທ່ານ ສົມບັດ ສົມພອນ ທີ່ມີການຍົກ ຄໍາຖາມ ຂຶ້ນມາ ໂດຍຄະນະ ປະສານງານ ກົນໄກພິເສດ ສະພາ ສິດທິມະນຸດ ສະຫະປະຊາຊາຊາດ ເມື່ອວັນພຣະຫັດ ຜ່ານມານີ້.

ອີງຕາມຂ່າວ ຂອງ ວຽງຈັນທາມສ໌: ໃນ ຈົດໝາຍ ຂອງ ທ່ານ ຢົ້ງ ຈັນທະລັງສີ ເວົ້າວ່າ ຣັຖບານລາວ ມີຄວາມເປັນຫ່ວງ ຢ່າງຍິ່ງ ໃນເຣື່ອງການ ຫາຍຕົວໄປ ຂອງ ທ່ານ ສົມບັດ ສົມພອນ ແລະ ໃຫ້ຄວາມສໍາຄັນ ໃນການ ສືບສວນ ສອບສວນ ເພື່ອຄົ້ນຫາ ຄວາມຈິງ ກ່ຽວກັບ ເຫດການ ທີ່ເກີດຂຶ້ນນີ້. ຕາມຂໍ້ມູນ ຈາກ ເຈົ້າໜ້າທີ່ ທີ່ກ່ຽວຂ້ອງ ໂດຍອ້າງອີງຕາມ ກ້ອງວົງຈອນປິດ ໃນມື້ທີ່ ເກີດເຫດ ຢູ່ປ້ອມຍາມ ຕໍາຣວດ ຖນົນທ່າເດື່ອ ເຂດບ້ານ ວັດນາກ ເມືອງ ສີສັຕຕະນາກ ນະຄອນຫລວງ ວຽງຈັນ ນັ້ນໄດ້ມີການ ປະຕິບັດ ງານ ກວດກາ ຍວດຍານ ພາຫະນະ ຕາມ ປົກກະຕິ ຂອງຕໍາຣວດ ຈະຣາຈອນ. ໃນເວລາ 6 ໂມງແລງ ເຈົ້າໜ້າທີ່ ຕໍາຣວດ ຈະຣາຈອນ ໄດ້ຢຸດຣົດ jeep ຂອງ ທ່ານ ສົມບັດ ເພື່ອກວດ ໃບຂັບຂີ່ ແລະ ເອກກະສານ ປະຈໍາຣົດ ຂອງທ່ານ ຊຶ່ງເປັນ ການກວດ ຕາມຂັ້ນຕອນ ປົກກະຕິ.

ເມື່ອຖືກຢຸດຣົດ ທ່ານສົມບັດ ກໍອອກຈາກຣົດ ແລ້ວຍື່ນ ເອກກະສານ ໃຫ້ ເຈົ້າໜ້າທີ່. ເຫດການ ດັ່ງກ່າວນີ້ ແມ່ນ ກົງກັນຂ້າມ ກັບຂໍ້ມູນ ທີ່ ຄະນະ ປະສານງານ ກົນໄກພິເສດ ສະພາ ສິດທິມະນຸດ ສະຫະປະຊາຊາຊາດ ໄດ້ຮັບ, ທ່ານ ສົມບັດ ບໍ່ໄດ້ຖືກ ເຈົ້າໜ້າທີ່ ນໍາໂຕໄປ ໃນປົດຕໍາຣວດ. ພາຍຫລັງທີ່ ທາງ ເຈົ້າໜ້າທີ່ ໄດ້ກວດ ເອກກະສານ ຮຽບຮ້ອຍແລ້ວ ກໍສົ່ງຄືນໃຫ້ ທ່ານ ສົມບັດ ແລະ ທາງເຈົ້າໜ້າທີ່ ກໍ ປະຕິບັດ ງານກວດກາ ຣົດຄັນອື່ນ ຕໍ່ໄປ.

ໃນເວລາຕໍ່ມາ ກໍມີຜູ້ຊາຍ ຂີ່ຣົດຈັກ ເຂົ້າມາຈອດ ຂ້າງທາງ ໃກ້ກັບຣົດ Jeep ຂອງ ທ່ານ ສົມບັດ ແລະ ກໍຍ້າຍອອກໄປ ໂດຍໄວ ຕາມສັນຍານ ຂອງຕໍາຣວດ ຈະຣາຈອນ. ຕໍ່ມາ ບຸກຄົນ ຜູ້ດຽວ ກັນນັ້ນ ກໍຍ່າງໄປຫາຣົດ ຂອງ ທ່ານ ສົມບັດ ແລ້ວ ກໍຂັບໜີໄປ.

ອີກປະມານ 10 ນາທີ ຕໍ່ມາ ມີຣົດກະບະ ເຄື່ອນເຂົ້າມາ ພ້ອມກັບເປີດໄຟ ເຕືອນມິບມັບ ແລ້ວກໍຈອດ ຢູ່ໃກ້ກັບ ປົດຕໍາຣວດ. ມີຊາຍຄົນນຶ່ງ ເຂົ້າໄປໃນ ຣົດກະບະນັ້ນ ແລະ ອີກບຶດນຶ່ງ ກໍມີອີກ ຄົນນຶ່ງ ເຂົ້າໄປ ໃນຣົດນັ້ນ, ແລ້ວກັບ ອອກມາຄືນ ແລະ ກັບເຂົ້າໄປ ໃນຣົດກະບະ ນັ້ນອີກ ແລະ ແລ້ວຣົດ ຄັນດັ່ງກ່າວ ກໍແລ່ນອອກໄປ ໂດຍບໍ່ຮູ້ ຈຸດໝາຍ.

ພາບຈາກກ້ອງ ວົງຈອນປິດ ບໍ່ສາມາດ ຢືນຢັນໄດ້ວ່າ ແມ່ນ ທ່ານ ສົມບັດ ທີ່ເຂົ້າໄປໃນ ຣົດກະບະ ນັ້ນ. 2 ຄົນ ທີ່ເຂົ້າໄປ ໃນຣົດກະບະ ກໍບໍ່ໄດ້ ຖືກບັງຄັບ. ຄວາມຈິງນີ້ ແຕກຕ່າງ ໄປຈາກຂໍ້ມູນ ທີ່ ຄະນະ ປະສານງານ ກົນໄກພິເສດ ສະຫະປະຊາຊາດ ໄດ້ຮັບ ທີ່ກ່າວອ້າງວ່າ ທ່ານ ສົມບັດ ຖືກບັງຄັບ ໃຫ້ຂຶ້ນ ຣົດກະບະ ຄັນນັ້ນ.

ຄໍາເຫັນ (10)
  • ພິມ
  • ໃຊ້ຮ່ວມກັນ
  • ອີແມວລ໌

borxeua

ຈາກ vientiane

LAO GOVERNMENT IS DOING THIS TO A LOT OF PEOPLE FOR A LONG TIME AND ITS ABOUT TIME FOR THE WORLD TO STOP THAT. TELL THEM TO STOP POISON PEOPLE THEY HATE TOO.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 07, 2013 10:44 AM

phetsakhat Sorphainam

ຈາກ vientiane

if Mr. sombath was kidnaped by bad people or thief so the lao government must bring them to justices otherwise there is no tourist in laos.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 07, 2013 03:15 PM

ປະຊາຊົນລາວ ຄົນຫນຶ່ງ

ຈາກ ວຽງຈັນ

ໃນເວລາມີການກວດ ເອກະສານລົດ ຫຼື ໃບຂັບຂີ່, ຂ້າພະເຈົ້າ ປົກກະຕິ ຈະນັ່ງຢູ່ໃນລົດ ບໍ່ເຄີຍອອກຈາກລົດ ຈັກເທື່ອ. ເປັນຫຍັງ ຕໍາຫຼວດ ຈິງໃຫ້ ທ່ານສົມບັດ ສົມພອນ ອອກຈາກລົດ? ມັນຜິດປົກກະຕິ, ຂ້າພະເຈົ້າ ບໍ່ເຂົ້າໃຈ! ??!!!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 07, 2013 12:00 PM

ຄູບ້ານນອກ

ຈາກ ຈຳພອນ

ລັດຖະບານລາວ ຜະເດັດການ ຫລີ້ນເກມ ເທົ່ານັ້ນ, ບໍ່ມີຄົນ ກຸ່ມໃດດອກ ທີ່ຈະລັກພາຕົວ ຕັ້ງແມ່ນ ລັດຖະບານລາວ ໂດຍສະເພາະ ແມ່ນ ກຸ່ມທີ່ເອີ້ນ ຕົນເອງວ່າ ຮັກຊາດ ເປັນຜູ້ ກັກຕົວ ທ່ານ ສົມບັດ. ທ່ານ ສົມບັດ ບໍ່ແມ່ນຜູ້ ທຳອີດ ແລະ ກໍຈະບໍ່ແມ່ນ ຄົນສຸດທ້າຍ ທີ່ທາງການລາວ ຈະຕ້ອງເກັບໄປ ແລະ ຜູ້ທີ່ມີແນວຄວາມຄິດ ບໍ່ລົງຕົວກັບ ການສໍ້ລາດບັງຫລວງ, ເປີດປົ່ງ ແນວທາງທີ່ ໂຫດຫ້ຽມ ຂອງ ທ່ານ ກົມການເມືອງ ທີ່ຢູ່ເບື້ອງຫລັງ ຂອງເຫດການ. ທ່ານ ກໍພໍຈະຮູ້ແລ້ວ ວ່າ ຄົນ ມົ້ງ ອະເມຣີກາ ທີ່ຫານສາບສູນ ຢູ່ລາວ 5-6 ປີກ່ອນ ກໍແມ່ນຜິມື ຂອງ ລັດຖະບານລາວ ຜະເດັດການນີ້ລະ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 07, 2013 11:59 AM

ແສງເພັດ

ຈາກ ຫນອງບົວ

ຫລຽວຫວນຄືນຫລັງ ທົບທວນປີເກົ່າ 2012 ມອງທະລຸ ປັຈຈຸບັນ 2013 ກໍ່ແສນລຳຄານ ຕໍ່ຄວາມເປັນຈິງ ຂອງ ສັງຄົມລາວເຮົາ, ສັບສົນວຸ້ນວາຍ ຮ້າຍກ່ວາຍູງຕີກັນ ໃນທຸກຊົ່ວໂມງ ແລະ ທຸກວິນາທີ ຂອງແຕ່ລະມື້, ຍ້ອນພວກກຳອຳນາຈ ໃຊ້ສິທເຫນືອ ຂອບເຂດ, ກໍ່ເປັນຫ່ວງນຳຄົນດີ ສ້າງຜົລງານ ອັນເລີດລ້ຳ ໃຫ້ແກ່ສັງຄົມ ກັບມາເປັນ ຄົນຫາຍສາບສູນ ແບບບໍ່ຮູ້ຫົວ ສົ້ນປາຍນອນ, ຂໍວິ່ງວອນຕໍ ຄຸນພຣະສີຣັຕຕະນະໄຕຣ ແລະ ສິ່ງສັກສິດ ທັງຫລາຍ ຢູ່ໃນສາກົນນະໂລກ ນີ້ ຈົ່ງໄດ້ຄຸມຄອງ ແລະ ຮັກສາ ໃຫ້ ທ.ສົມບັດ ສົມພອນ ໄດ້ຢູ່ລອດ ແລະ ປອດໄພ ກັບຄືນບ້ານ ຕ່າວຄືນເຮືອນ ຢູ່ຮ່ວມຄອບຄົວ ດ້ວຍຄວາມອົບອຸ່ນ ຕໍ່ໄປພາຍຫນ້າ ເທີ່ນ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 07, 2013 11:51 AM

ເບິ່ງຄວາມເຫັນທັງໝົດ.