ເຍົາວະຊົນລາວຂ້ອງໃຈ ຣະບອບການປົກຄອງ

ເຍົາວະຊົນ ລາວ ໃນຍຸກນີ້ ມີຂໍ້ຂ້ອງໃຈ ສົງໄສ ໃນຣະບອບ ການປົກຄອງ ຂອງຜູ້ນໍາ ສປປ ລາວ ວ່າເປັນ ຜະເດັດການ ຫລືວ່າມີ ປະຊາທິປະໄຕ.
ຈໍາປາທອງ
2012-11-28
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
F-students
ນັກສຶກສາລາວ ໃນແຂວງ ຈໍາປາສັກ
RFA

ທາງການລາວ ປະກາດວ່າ ສປປລາວ ເປັນປະເທດ ປະຊາທິປະໄຕ ແຕ່ໃນພາກ ປະຕິບັດ ຕົວຈິງ ຍັງຈໍາກັດ ຂອບເຂດ ສິດທິ ຂອງ ປະຊາຊົນ ຮວມທັງ ຈໍາກັດສິດທິ ດ້ານ ການຮັບຮູ້ ຂໍ້ມູນ ຂ່າວສານຕ່າງໆ. ເມື່ອເບິ່ງ ໂດຍລວມແລ້ວ ບໍ່ແມ່ນ ປະຊາທິປະໄຕ ທີ່ແທ້ຈິງ:

"ຄັນສິເວົ້າກໍ ຄອມມິວນິສ ນັ້ນແຫລະ ສິບໍ່ແມ່ນ ປະຊາທິປະໄຕ ດອກ ຄັນປະຊາທິປະໄຕ ປະຊາຊົນ ກໍຕ້ອງມີສິດ ສເມີພາບກັນ ສິດອອກສຽງ ປາກເວົ້າ ມີສິດເຣື່ອງ ການສຶກສາ ປິ່ນປົວ ຢູ່ລາວ ນີ້ມັນບໍ່ມີ ປະຊາທິປະໄຕ ແມ່ນຜະເດັດການ ຫລາຍກວ່າ".

ເລົາເວົ້າ ຕໍ່ໄປວ່າ ໂດຍສ່ວນຕົວແລ້ວ ແມ່ນໃຫຍ່ມານໍາ ການປົກຄອງ ຂອງ ຣະບອບໃໝ່ ແລະວ່າ ປະເທດເພື່ອນບ້ານ ທີ່ມີ ປະຊາທິປະໄຕ ແທ້ນັ້ນ ຄືບໍ່ກໍານົດ ຂອບເຂດ ສິດທິພົລເມືອງ ຂອງຕົນ ແນວໃດ ມີແຕ່ຕ້ອງ ປະຕິບັດ ໃຫ້ຖືກຕ້ອງ ຕາມຣະບຽບ ກົດໝາຍ ບ້ານເມືອງກໍພໍ.

ຢູ່ສປປລາວ "ຣັຖ" ເປັນຜູ້ກໍານົດ ຂອບເຂດ ສິດທິຕ່າງໆ ຈຶ່ງບໍ່ແນ່ໃຈວ່າ ການປົກຄອງ ນັ້ນ ເປັນແບບ ຜະເດັດການ ຫລືເປັນ ປະຊາທິປະໄຕ ຄືຄໍາເພີ່ນເວົ້າ. ເວົ້າສະເພາະ ເຣື່ອງຂໍ້ມູນ ຂ່າວສານ ກ່ອນທີ່ ສື່ມວນຊົນ ລາວ ຈະອອກຂ່າວ ໃຫ້ປະຊາຊົນ ໄດ້ຮັບຮູ້ ກໍຕ້ອງໄດ້ຜ່ານ ການເລືອກເຟັ້ນ ຈາກທາງການ ກ່ອນທີ່ຈະ ເຜີຍແພ່ໄດ້:

"ຢູ່ບ້ານເຮົາ ຕົວຢ່າງ ເວົ້າເຣື່ອງສື່ນີ້ ມັນຍັງບໍ່ທັນ ກວ້າງຂວາງ ເພາະວ່າ ສົມມຸດວ່າ ຂ່າວທີ່ເປັນ ຄວາມລັບ ຂະເຈົ້າກໍຍັງ ປົກປິດກັນຢູ່ ເຫດບ້ານການເມືອງ ກໍສ່ວນຫລາຍ ປະຊາຊົນ ບໍ່ໄດ້ຮັບ ພໍເທົ່າໃດ ຂະເຈົ້າ ຢາກໃຫ້ອອກ ໃນສິ່ງທີ່ ຂະເຈົ້າ ຢາກໃຫ້ອອກ ແລະ ສິ່ງຂະເຈົ້າ ບໍ່ຢາກໃຫ້ອອກ ຂະເຈົ້າ ກໍສັ່ງໃຫ້ປິດເລີຍ".

ຊາວລາວ ໃນເຄືອຂ່າຍ ອິນເຕິແນັດ ເວົ້າວ່າ ຕ້ອງຊ່ວຍກັນ ປຸກຣະດົມ ຄວາມກ້າຫານ ໃນການສະແດງ ຄວາມຄິດຄວາມເຫັນ ການວິພາກ ວິຈານ ຮຽກຮ້ອງ ສິດທິ ຂອງຕົນເອງ ແລະ ເພື່ອພໍ່ແມ່ ອ້າຍນ້ອງ ທຸກຄົນ ໃຫ້ມີຄວາມຮັກ ປະຊາທິປະໄຕ ເພື່ອລູກຫລານລາວ ທຸກຄົນ ໃນອະນາຄົດ ປະຊາທິປະໄຕ ຈຶ່ງຈະ ຈະເຣີນ.

ຄໍາເຫັນ (4)
  • ພິມ
  • ໃຊ້ຮ່ວມກັນ
  • ອີແມວລ໌

ພອຍ

ຈາກ ບໍຮຸູ້

ຄວາມຈິ່ງແລ້ວ ລະບອບການປົກຄອງໃນຍຸກໃດ ລ້ວນແລ້ວປົກປ້ອງສິດ ແລະ ຜົນປະໂຫຍດຂອງຕົນເອງຫັນລະ, ຊົນຊັ້ນປົກຄອງກໍຍອມຢູເຫນືອກວ່າ ຊົນຊັ້ນທີ່ຖືກປົກຄອງ ແລະ ຍາມໃດ ຄົນຈຳນວນຫນ້ອຍພວກນີ້ ກໍຈະອ້າງວ່າເຮັດເພື່ອ ປະຊາຊົນ ວ່າສັນດອກ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 20, 2012 12:10 PM

ມູນເຊື້ອ

ຈາກ ຊາຕລາວ

ຣະບອບການປົກຄອງຢູ່ ສປປລ ປັຈຈຸບັນນີ້ແມ່ນ: ຣະບອບປະຊາທິປະຕາຍ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 04, 2012 04:18 PM

ສີໃສ ຈັນທະວິໃຊ

ຈາກ ລາວອົພຍົບອາເມຣິກາ

ປະຊາທິປະໄຕ ແມ່ນກົງຈັກການປົກຄອງ ແມ່ນຂອງປະຊາຊົນ ແລະ ຮັບໃຊ້ປະຊາຊົນ, ການປົກຄອງ ແມ່ນຮັບໃຊ້ໃຫ້ຊາດ ຮັບໃຊ້ປະຊາຊົນ ບໍ່ແມ່ຮັບໃຊ້ ສິດຜົນປະໂຫຍດ ຜູ້ປົກຄອງ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 30, 2012 11:57 AM

Vientianese

ຈາກ Saythany Dictrict

ກະຍັງວ່າ ແມ່ນ ປະຊາທິປະໄຕ ແບບມີຂອບເຂດ (Democracy Limited)ຄືກັບບໍຣິສັດຕ່າງໆ ບໍ່ແມ່ນ ປະຊາທິປະໄຕ ແບບມະຫາຊົນ (Democracy Public)!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 29, 2012 04:21 PM