ຣັຖບານມີເປົ້າໝາຍໃຫ້ "ຄົນລາວ" ພົ້ນທຸກ

ສປປລາວ ພຍາຍາມ ແກ້ໄຂ ບັນຫາ ຄວາມທຸກຍາກ ໃຫ້ໄດ້ ຕາມເປົ້າໝາຍ ທີ່ວາງໄວ້.
ສິດນີ
2013-01-03
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
F-fishermen
ຊີວິດ ຂອງ ຊາວລາວ ໃນ ພາກໃຕ້ ມີອາຊີພ ຫາປາ ບໍ່ມີ ບ່ອນຫາປາ ແມ່ນບໍ່ມີ ອາຊີພ ເມື່ອໃດ ຈະພົ້ນທຸກ
RFA/Viengsay

ເຈົ້າຫນ້າທີ່ ລາວ ຜູ້ບໍ່ປະສົງ ອອກຊື່ ທ່ານນື່ງ ເວົ້າວ່າ ເມື່ອບໍ່ດົນ ຜ່ານມາ ນາຍົກ ຣັຖມົນຕຣີ ລາວ ໄດ້ຕົກລົງ ຮອງຮັບເອົາ ຜົລການກວດກາ ແລະ ຕີຣາຄາ ຄວາມທຸກຍາກ ແລະ ການພັທນາ ປະຈຳປີ 2012 ຊື່ງ ມີທັງຫມົດ 145 ຫົວເມືອງ ໃນ ສປປ ລາວ. ໃນ ທົ່ວປະເທດ ມີຫົວເມືອງ ທີ່ທຸກຍາກ 46 ຫົວເມືອງ ແລະ ຍັງບໍ່ມີ ຫົວເມືອງໃດ ຈະສາມາດ ປະກາດເປັນ ເມືອງພັທນາ ໄດ້ເທື່ອ. ໃນບັນຊີ ມີບ້ານທັງຫມົດ ໃນທົ່ວປະເທດ 8,615 ບ້ານ ໃນນັ້ນ ມີບ້ານ ພັທນາ 1,634 ບ້ານ ຫລືປະມານ 18% ມີບ້ານທຸກຍາກ 2,608 ບ້ານ ຫລືປະມານ 30%. ໃນທົ່ວປະເທດ ມີຫລາຍກວ່າ ນຶ່ງລ້ານ ຄອບຄົວ ໃນນັ້ນ ມີຄອບຄົວ ພັທນາແລ້ວ ກວ່າ 6 ແສນ ຄອບຄົວ ຫລື ປະມານ 57% ແລະ ຄອບຄົວ ທີ່ທຸກຍາກ ມີິຢູ່ 140 ພັນ ຄອບຄົວ ຫລື ປະມານ 13%.

ພ້ອມດຽວກັນນີ້ ນາຍົກ ຣັຖມົນຕຣີລາວ ຍັງໄດ້ຊີ້ນຳ ກຳຊັບໃຫ້ ທຸກພາກສ່ວນ ເລັ່ງລັດພັທນາ ໃຫ້ຫລາຍຂື້ນ ເພື່ອຍົກຣະດັບ ການເປັນຢູ່ ຂອງ ປະຊາຊົນ ໃນເຂດທ້ອງຖີ່ນ ເຂດບ້ານ ເມືອງ ແລະແຂວງ ໃຫ້ດີຂື້ນ ເພື່ອລົບລ້າງ ບັນຫາ ຄວາມທຸກຍາກ ໃນລາວ ໃຫ້ໄດ້ຕາມ ກຳນົດ ເປົ້າຫມາຍ ທີ່ໄດ້ວາງໄວ້.

ເຖິງຢ່າງໃດກໍດີ ເຈົ້າຫນ້າທີ່ລາວ ທ່ານນີ້ ທີ່ບໍ່ປະສົງ ອອກຊື່ ໄດ້ໃຫ້ທັສນະ ຕໍ່ຄວາມ ພຍາຍາມ ຂອງ ຣັຖບານ ທີ່ຈະແກ້ໄຂ ຄວາມທຸກຍາກ ໃນ ສປປ ລາວ ວ່າ ຄົງເປັນໄປ ໄດ້ຍາກ ເພາະເທົ່າທີ່ ຜ່ານມາ ປະຊາຊົນລາວ ໂດຍສະເພາະ ພວກທີ່ຢູ່ເຂດ ຊົນນະບົດ ຫ່າງໄກສອກຫລີກ ກໍນັບມື້ ນັບທຸກຍາກ ກວ່າແຕ່ກ່ອນ ການຊ່ອຍເຫລືອ ຈາກທາງການ ເກືອບບໍ່ມີຫຍັງ ຕົກໄປເຖິງ ພວກຂະເຈົ້າເລີຍ ສ່ວນ ປະຊາຊົນ ຜູ້ທີ່ອາສັຍ ຢູ່ຕາມ ຫົວເມືອງໃຫຍ່ໆ ຕ່າງກໍຮັ່ງມີ ຂື້ນໄປ ເລື້ອຍໆ.

ສຳລັບ ການຣາຍງານ ຕ່າງໆຈາກ ທ້ອງຖິ່ນທີ່ວ່າ ສາມາດຊ່ອຍເຫລືອ ແກ້ໄຂບັນຫາ ຄວາມທຸກຍາກ ຂອງ ປະຊາຊົນ ໄດ້ນັ້ນ ເປັນພຽງຣາຍງານ ດອກໄມ້ ເພື່ອເອົາ ໂຕລອດ ເທົ່ານັ້ນ. ສະພາບ ຄວາມເປັນຈີງ ແລ້ວ ປະຊາຊົນ ຍັງທຸກ ຢູ່ຄືເກົ່າ ຫລື ຫລາຍກວ່າເກົ່າ ເພາະການ ໃຫ້ສຳປະທານ ພື້ນທີ່ ຂອງຣັຖບານ ໃຫ້ນັກລົງທຶນ ຊາວຕ່າງຊາດ ໃນໂຄງການ ເສຖກິດ ຕ່າງໆນັ້ນ ປະຊາຊົນ ບໍ່ໄດ້ຮັບ ຜົລປະໂຫຍດ.

ຄໍາເຫັນ (5)
  • ພິມ
  • ໃຊ້ຮ່ວມກັນ
  • ອີແມວລ໌

ຟອງສະມຸດ

ຈາກ ທາດຫລວງ

ລະອາຍ ທິດສະດີເດ! ມີແຕ່ນັກກິນເມືອງ ທົ່ວທັງແຜ່ນດິນ, ມີຢູ່ບໍ່ນໍ້ ນັກການເມືອງ ທີ່ມີອຸດົມການ ວາງເປົ້າໝາຍ ໃຫ້ຄົນລາວເຮົາ ພົ້ນທຸກ, ບໍ່ຢາກຟັງ ກໍ່ຕ້ອງໄດ້ຟັງ, ບໍ່ຢາກເຊື່ອ ກໍ່ຕ້ອງໄດ້ເຊື່ອ ເພາະມັນເປັນ ກົດບັງຄັບ ຕາຍຕົວ ຂອງ ປະຊາທິປະໄຕລວມສູນ ຂອງລາວເຮົາ, ແນວໄດກໍ່ຕາມ ຂໍເອົາຕົວລອດ ເປັນຍອດດີ ເສັຍກ່ອນເນາະ, ອ້າຍເອືອຍນ້ອງ ທັງຫລາຍ ຂອງລາວເຮົາ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 07, 2013 11:56 AM

ແມງອີ

ຈາກ ນາມອນ

ຈັກຈັ່ນຮ້ອງ ແມງອີ ທ້ອງໂຂ່ງ, ເວົ້າໄດ້ໃຈ ເຖິງຈິງແທ້ ກໍ່ຂໍທູນໄວ້ ຢູ່ຫົວແທ້ແລ້ວ, ປີໃໝ່ຍ່າງເຂົ້າມາເຖິງແລ້ວ ຈົ່ງຢ່າໄດ້ສ້າງບາບ ກະທຳເຂັນ ກໍ່ດີໃຈແລ້ວ, ຕົວຢ່າງ ທີ່ເຫັນໄກ້ໆ ຄົນຫາຍທັງເປັນ ກໍ່ອ້າງວ່າ ບໍ່ເຫັນ, ບໍ່ຮູ້ໄດ້ແນວໄດ, ນີ້ລະ ຄືຄວາມທຸກຕົວຈິງ ທີ່ປວງຊົນລາວ ຂ້າມບໍ່ພົ້ນແທ້ໆ, ຈະມີເງິນເຕັມບ້ານ ກໍ່ບໍ່ທໍ່ ຍັງມີຊີວິດ ຂອງຄວາມເປັນຄົນ, ສະນັ້ນ ຂໍຈົ່ງເວັ້ນຈາກ ຄວາມໂລບ, ໂກດ ແລະ ຫລົງໄດ້ ປະຊາຊົນລາວ ທັງປະເທດ ກໍ່ພົ້ນທຸກແລ້ວ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 07, 2013 10:21 AM

ໄມສິງ

ຈາກ ຊຽງຂວາງ

ພັກແລະຣັຖ ຫາຍໄປ ສອງທົດສະຫວັດ ຄວາມຍາກຈົນ ຂອງ ປະຊາຊົນລາວ ຄົງຈະດີຂຶ້ນເອງ ແບບທັມມະຊາຕ ແນ່ນອນ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 04, 2013 03:16 PM

ຄົນລາວ

ຈາກ ເມືອງລາວ

ປາກ ແລະ ນະໂຍບາຍກໍເວົ້າ ແລະ ຂຽນລົງ ຢ່າງສວຍງາມວ່າ ໃຫ້ຮີບພັທນາ ເພື່ອປະຊາຊົນ ຈະໄດ້ຫລຸດພົ້ນ ຈາກຄວາມທຸກຍາກ ແຕ່ພາກປະຕິບັດແລ້ວ ກັບເຕີມຄວາມທຸກຍາກ ໃຫ້ປະຊາຊົນ ຫລາຍຂື້ນ ດ້ວຍການໄລ່ທີ່ ແລ້ວຍົກທີ່ດີນ ໃຫ້ ວຽດກັບຈີນ, ຄົງຈະໃຫ້ ປະຊາຊົນລາວ ຫມົດທີ່ຢູ່ອາສັຍ ຫມົດທີ່ທຳມາຫາກີນ ແລ້ວພາກັນໄປຮັບຈ້າງ ເປັນຂີ້ຂ້າ ຈີນກັບວຽດ ເພື່ອລຽ້ງຊີບວັນໆ ລະຕິບໍ ຈື່ງຣຽກວ່າ "ຫລຸດພົ້ນຈາກ ຄວາມທຸກຍາກ"?


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 04, 2013 10:38 AM

ລາວນອກ

ຈາກ ລາວາລ

ຄວາມຄິດຂອງທ່ານນາຍົກ ດີຫຼາຍທີ່ສຸດ ຖ້າຈະໃຫ້ດີແລ້ວ ທ່ານຄວນລົງພື້ນຖານ ດ້ວຍໂຕເອງ ຈຶ່ງຈະແກ້ໄຂໄດ້ ຫຼື ຮູ້ໂຕຈິງວ່າ ປະຊາຊົນ ເບື່ອໜ້າຣັຖບານ ເລີຍພາກັນຢ້ານຕາຍ ໜີຊັພສົມບັດ ແລະ ປ່ອຍໃຫ້ເມັຍນ້ອຍ ເອົາຜົວໃໝ່ ເລີຍພາກັນລີ້ຢູ່ ໃນຮູ ໃນເມືອງວຽງຈັນ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jan 04, 2013 10:36 AM

ເບິ່ງຄວາມເຫັນທັງໝົດ.