ນ.ສີວັນໄຊຖືກຂັງ ແບບບ້ານປ່າເມືອງເຖື່ອນ

ນາງ ສີວັນໄຊ ພົມມະລາດ ທີ່ບໍ່ຍິນຍອມ ໃຫ້ທາງການ ຍຶດທີ່ດິນ ຢູ່ເມືອງ ຍົມມະລາດ ແຂວງຄຳມ່ວນ ໄດ້ຖືກກັກຂັງ ມາເປັນເວລາ ກວ່າ ສອງເດືອນແລ້ວ ຈົນເຖິງ ປັດຈຸບັນ ຍັງບໍ່ທັນ ຖືກສົ່ງຟ້ອງສານ ໃນຄະດີ ໃດໆ ເທື່ອ.
ອະວາຣີ
2013-01-07
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
F-handcups
ການກັກຂັງ ຄວບຄຸມຕົວ ເກີນກໍານົດ ເປັນການ ລ່ວງຣະເມີດ ສິທທິບຸກຄົນ ຮວມໄປເຖີງ ສິດທິມະນຸດ
blogspot

ເຈົ້າໜ້າທີ່ ແຂວງ ເວົ້າວ່າ ກຳລັງ ສືບສວນ ນາງ ສີວັນໄຊ ພົມມະລາດ ທີ່ບໍ່ຍອມ ໃຫ້ທາງການ ຍຶດທີ່ດິນ ທີ່ເມືອງ ຍົມມະລາດ ແຂວງ ຄຳມ່ວນ ແລະ ຍັງບໍ່ໄດ້ ສົ່ງຟ້ອງ ນາງ ຂື້ນສານ ໃນຄະດີ ໃດໆເທື່ອ.

ໃນການສືບສວນ ນັ້ນ ເຈົ້າໜ້າທີ່ ຢາກຮູ້ວ່າ ຜູ້ໃຫຍ່ ທີ່ ນາງສີວັນໄຊ ແລະ ພັກພວກ ໄປຫາຢູ່ ຂົວ ສວັນນະເຂດ ນັ້ນແມ່ນໃຜ. ດັ່ງທ່ານ ສຸກພະອວນ ພົມມະລາດ ຜູ້ເປັນຜົວ ເວົ້າວ່າ:

"ເພິ່ນເວົ້າວ່າ ຢາກຮູ້ແຕ່ ຜູ້ໃຫຍ່ ໄປຫາຜູ້ໃຫຍ່ ຢູ່ສວັນ ແມ່ນໃຜ ຢາກຮູ້ ແຕ່ເທົ່ານັ້ນ. ອ້າວຄັນບໍ່ຮູ້ ກະຊິຂັງໄວ້ ຈົນຕາຍ ພຸ້ນບໍ່? ຂ້ອຍຖາມ ແນວນັ້ນແຫລະ ເອີກະຂັງ ຢູ່ຫັ່ນຕລອດ ເລີຍແຫລະ ເພິ່ນເວົ້າ."

ທ່ານ ສຸກພະອວນ ເວົ້າອີກວ່າ ໂຕເຂົາເອງ ໄປຂໍເຂົ້າ ຢ້ຽມຢາມ ເມັຍຢູ່ຄຸກ ແລະ ຖາມກ່ຽວກັບ ຄະດີ ຂອງເມັຍ ກັບຫ້ອງການ ສືບສວນ ແຂວງຄຳມ່ວນ ເກືອບທຸກໆມື້ ແຕ່ຖືກ ປະຕິເສດ. ເຈົ້າໜ້າທີ່ ເຝົ້າຄຸກ ບອກພຽງແຕ່ວ່າ ນາງ ສີວັນໄຊ ຍັງບໍ່ທັນເປັນ ນັກໂທດເທື່ອ ຍັງເປັນພຽງ ຜູ້ຕ້ອງຫາ ທີ່ອັຍການ ຝາກຂັງໄວ້.

ເມື່ອເວລາ ໄປຫາ ອັຍການ ປະຊາຊົນ ແຂວງຄຳມ່ວນ ທ່ານ ສຸກພະອວນ ໄດ້ເວົ້ານຳແຕ່ ເລຂາ ສ່ວນຫົວໜ້າ ອັຍການ ນັ້ນ ເມື່ອເຫັນແລ້ວ ກໍຫລົບໜີໄປ ບໍ່ຍອມເວົ້າຫຍັງ ເວົ້າພຽງແຕ່ວ່າ ມີວຽກ ມີວຽກ. ນາງ ສີວັນໄຊ ພົມມະລາດ ພ້ອມທັງ ຜົວ ແລະ ຊາວບ້ານ ຫລາຍຄົນ ໃນເຂດ ເມືອງຍົມມະລາດ ແຂວງ ຄຳມ່ວນ ບໍ່ດີໃຈ ທີ່ອໍານາດ ປົກຄອງເມືອງ ຢາກຍຶດເອົາ ທີ່ດິນ ຂອງ ພວກເຂົາເຈົ້າ. ທາງຫ້ອງການ ປົກຄອງເມືອງ ກໍເອິ້ນ ພວກຂະເຈົ້າ ໄປໂອ້ລົມ ຫລາຍ ເທື່ອແລ້ວ.

ເມື່ອທ້າຍເດືອນ 11 ນາງ ສີວັນໄຊ ແລະຜົວ ຮວມທັງໄທບ້ານ 20 ກວ່າຄົນ ໄດ້ພາກັນ ໄປຫາຜູ້ໃຫຍ່ ຢູ່ຂົວ ສວັນນະເຂດ ແລະ ຫວັງວ່າ ຜູ້ໃຫຍ່ຜູ້ນີ້ ຈະຊ່ວຍແກ້ໄຂ ບັນຫາ ທີ່ດິນໃຫ້ໄດ້. ແຕ່ເມື່ອໄປ ບໍ່ເຫັນແລ້ວ ກໍກັບມາ ຫລັງຈາກນັ້ນ ຊາວບ້ານ 30 ກວ່າຄົນ ກໍຖືກຈັບ ແຕ່ບໍ່ດົນ ກໍຖືກປ່ອຍໂຕໝົດ ຍັງເຫລືອແຕ່ ນາງສີວັນໄຊ ທີ່ຊາວບ້ານ ເວົ້າວ່າ ເປັນຫົວໜ້າ ພາໄປ. ນາງສີວັນໄຊ ຈື່ງຖືກຂັງ ຢູ່ຄຸກ ແຂວງຄຳມ່ວນ ຕລອດມາ ໃນຂໍ້ສົງສັຍ ວ່າເປັນຫົວໜ້າ ພວກປະທ້ວງ.