ຊາວໄທລຸ່ມນໍ້າຂອງ ຕ້ອງການຄວາມໂປ່ງໃສ

ຜູ້ຕາງໜ້າ ຈາກ 8 ແຂວງ ແມ່ນໍ້າຂອງ ໄດ້ຮຽກຮ້ອງ ເຖິງ ຣັຖບານ ໄທ ລາວ ກໍາພູຊາ ແລະວຽດນາມ ໃຫ້ຄໍາຕອບ ຢ່າງແຈ້ງຂາວ ກ່ຽວກັບ ເຂື່ອນ ໄຊຍະບູຣີ ແລະ ໂຄງການອື່ນໆ ໃນແມ່ຂອງ ໃນອະນາຄົດ.
ໂພໄຊສວັດ
2012-05-03
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
F-Stop-XD
ການປະທ້ວງ ຂອງຊາວໄທລຸ່ມ ແມ່ນໍ້າຂອງ ຢາກຮູ້ຢ່າງ ແຈ່ມແຈ້ງ ກ່ຽວກັບ ແມ່ນໍ້າຂອງ
RFA

ກົດຟັງສຽງ

ການຮຽກຮ້ອງ ນີ້ ມີຂື້ນຢູ່ ກອງປະຊຸມ ວ່າດ້ວຍການ ຄຸ້ມຄອງ ແມ່ນໍ້າ ຂ້າມຊາຕ ຢູ່ເມືອງພູເກັດ. ຕາມການອອກຂ່າວ ຂອງ ໜັງສືພິມ the nation ລາຍງານວ່າ ຄນະຜູ້ຕາງໜ້າ ຈາກ 8 ແຂວງ ໄດ້ຮັບ ອະນຸຍາດ ໃຫ້ເຂົ້າໄປໃນ ກອງປະຊຸມ ແລະ ພົບກັບຫົວໜ້າ ບໍຣິຫານ ກັມມາທິການ ແມ່ນໍ້າຂອງ ທ່ານ Hans Guttman.

ທ່ານ ນິວັດ ຣ້ອຍແກ້ວ ປະທານ ກຸ່ມອານຸຮັກ ຊຽງຂອງ ບອກກັບ ທ່ານ Guttman ວ່າ ປະຊາຊົນ ແຄມ ແມ່ນໍ້າຂອງ ບໍ່ມີທາງເລືອກ ອື່ນ ແຕ່ຈະພາກັນ ອັດຕັນ ຂົວຂ້າມ ແມ່ນໍ້າຂອງ ລາວ-ໄທ ຖ້າຫາກວ່າ MRC ບໍ່ບັງຄັບ ສປປລາວ ຢຸດໂຄງການ ສ້າງເຂື່ອນ ໄຊຍະບູຣີ ຕາມ ຣະບຽບການ ຂອງ MRC. ທ່ານ Guttman ຕອບວ່າ ກັມມາທິການ ແມ່ນໍ້າຂອງ ຈະປະສານງານ ໄປຍັງປະເທດ ກ່ຽວຂ້ອງ ເພື່ອແຈ້ງຄວາມ ເປັນ ຫ່ວງຂອງ ປະຊາຊົນ. ທ່ານວ່າ ຄວາມຈິງແລ້ວ ຣັຖບານລາວ ບໍ່ທັນໄດ້ ຕັດສີນໃຈ ຂັ້ນສຸດທ້າຍເທື່ອ ໃນການສ້າງ ເຂື່ອນນີ້ ວຽກງານ ຢູ່ໃນບໍຣິເວນ ກໍ່ສ້າງເຂື່ອນ ເຊັ່ນວ່າ ສ້າງຖນົນ ເປັນພຽງການ ກະຕຣຽມ ແລະ ບໍ່ທັນມີການ ກໍ່ສ້າງ ຢູ່ໃນ ແມ່ນໍ້າຂອງ ເທື່ອ.

ຕາມຂໍ້ຕົກລົງ ກັມມາທິການ ແມ່ນໍ້າຂອງ ປີ 1995 ນັ້ນ ປະເທດ ລຸ່ມ ແມ່ນໍ້າຂອງ ຕ້ອງແຈ້ງ ປະເທດ ສະມາຊິກ ລ່ວງໜ້າ ເສັຽກ່ອນ ກ່ອນຈະສ້າງ ໂຄງການໃດ ໂຄງການນື່ງ ໃສ່ແມ່ນໍ້າຂອງ ຂັ້ນຕອນ ການແຈ້ງ ແລະສືກສາ ຜົນກະທົບ ຕໍ່ສິ່ງແວດລ້ອມ ຈາກໂຄງການ ເຂື່ອນ ໄຊຍະບູຣີ ໄດ້ສລຸບລົງ ຢູ່ກອງປະຊຸມ MRC ຢູ່ນະຄອນ ຊຽມຮຽບ ເມື່ອປີກາຍນີ້. ກອງປະຊຸມ ຕົກລົງໃຫ້ເຍີ້ນ ການກໍ່ສ້າງ ໄປ ເພື່ອສືກສາ ຜົນກະທົບ ຕໍ່ສິ່ງແວດລ້ອມ ໃຫ້ລະອຽດ ເສັຽກ່ອນ. ຂໍ້ຕົກລົງປີ 1995 ບໍ່ມີອໍານາດ ທາງກົດໝາຍ ຕໍ່ອະທິປະໄຕ ແລະ ການຕັດສີນໃຈ ຂອງ ປະເທດນັ້ນໆ.

ເຖິງຢ່າງໃດ ກໍດີ ບໍຣິສັດ ຊໍ ການຊ່າງ ຂອງໄທ ກໍໄດ້ລົງນາມ ສັນຍາ ສ້າງເຂື່ອນ ກັບບໍຣິສັດ ພລັງງານ ໄຊຍະບູຣີ ໄປແລ້ວ ເມື່ອວັນທີ່ 17 ເມສາ ຜ່ານມານີ້.