ຄຳໃນບໍ່ເຊໂປນ ຈະເໝິດແລ້ວ

ບໍຣິສັດ ຂອງກຸ່ມ ນັກລົງທຶນ ຈີນ ຈະຂຸດຄຳ ໃນບໍ່ຄຳ ເຊໂປນ ໃຫ້ເໝິດ ພາຍໃນປີ 2013.
ສິດນີ
2012-11-28
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
F-sepon-mine
ໂຮງງານ ແຍກແຮ່ທາຕ ຄໍາ-ທອງແດງ ເຊໂປນ
Lao-voice

ເຈົ້າຫນ້າທີ່ ຈາກ ກະຊວງ ພະລັງງານ ແລະ ບໍ່ແຮ່ ສປປລາວ ທ່ານນື່ງ ໄດ້ກ່າວຕໍ່ ເອເຊັຽເສຣີ ວ່າ ບໍຣິສັດ ມິນເມໂຕ ຈາກຈີນ ແລະ ບໍຣິສັດ ລ້ານຊ້າງ ມີເນີໂຣ ຈຳກັດ ຊຶ່ງເປັນຜູ້ ລົງທຶນ ຂຸດຄົ້ນ ແຮ່ທາດທອງແດງ ແລະ ຄຳ ທີ່ບໍ່ເຊໂປນ ເມືອງວີຣະບູຣີ ແຂວງ ສວັນນະເຂດ ຈະສຳເຣັດການ ຂຸດຄົ້ນ ພາຍໃນປີ 2013 ເພາະວ່າຄຳທີ່ຖືກ ຂຸດຄົ້ນມາເປັນ ເວລາ 10 ປີ ຜ່ານມານັ້ນ ເກືອບຈະເໝິດແລ້ວ ຈາກການ ປະເມີນຜົລ ພົບວ່າ ຍັງເຫລືອໃຫ້ຂຸດ ຮອດປີ 2013 ເທົ່ານັ້ນ.

ຊຶ່ງກໍຫມາຍຄວາມວ່າ ຖ້າບໍ່ມີ ການສຳຣວດ ແຮ່ຄຳ ແຫ່ງໃຫມ່ ບໍ່ແຮ່ ໃນເຂດເມືອງ ເຊໂປນ ກໍຈະຍັງເຫລືອແຕ່ ແຮ່ທາດທອງແດງ ເທົ່ານັ້ນ ສ່ວນແຮ່ຄຳ ໃນບໍ່ດັ່ງກ່າວ ທີ່ຍັງເຫລືອ ໃນເວລນີ້ ຄາດວ່າ ມີປາຣິມານ ບໍ່ເກີນ 65 ພັນອອນ ແລະ ໃນປີ 2013 ກໍຈະຂຸດ ເໝິດແລ້ວ.

ຣັຖບານລາວ ກໍໄດ້ຮັບຄ່າ ຊົດເຊີຍ ໃນການໃຫ້ ສຳປະທານ ຈາກ ບໍຣິສັດ ດັ່ງກ່າວ ເປັນຈຳນວນ ຫລວງຫລາຍ ໃນຣະຍະ ທີ່ຜ່ານມາ ຄິດວ່າ ເປັນມູນຄ່າ ເຖິງ 205 ລ້ານ ໂດລາ ໃນປີ 2011 ໃນນັ້ນ ເປັນເງິນປັນຜົລ ທີ່ຣັຖບານ ຮ່ວມລົງທຶນ ປະມານ 15 ລ້ານ ໂດລາ ແຕ່ຖ້າຄິດ ໄລ່ເລັຽ ຈາກການຂຸດຄົ້ນ ໃນຣະຍະ 10 ປີ ຜ່ານມາ ຣັຖບານລາວ ມີຣາຍຮັບ ຈາກໂຄງການ ດັ່ງກ່າວ ໂດຍຮວມ ຕົກເປັນເງິນ ປະມານ 800 ລ້ານ ໂດລາ ໃນຂະນະ ທີ່ບໍຣິສັດຈີນ ມີຣາຍຮັບເຖິງ 2ພັນ ລ້ານໂດລາ ຈາກ ບໍ່ຄຳ ທີ່ເຊໂປນ.

ບັນຫາ ທີ່ຫນ້າເປັນຫວ່ງ ທີ່ຈະຕາມມາ ກໍແມ່ນບັນຫາ ຜົລກະທົບ ຕໍ່ສິ່ງແວດລ້່ອມ ແມ່ນ້ຳ ລຳທານ ສັດສາວາສິ່ງ ໃນພື້ນທີ່ ຍັງຈະສືບຕໍ່ໄປ ເຖິງແມ່ນວ່າ ການຂຸດຄົ້ນ ຈະຈົບລົງ ກໍຕາມ ເພາະສານເຄມີ ໄດ້ຊືມລົງ ໄປໃນດີນ ມາເປັນເວລາ ດົນນານ ແລະ ຣັຖບານລາວ ກໍ ບໍ່ມີສັນຍາ ການບຳບັດ ກັບນັກລົງທຶນ ຫລັງຈາກ ບໍ່ມີໂຄງການ ຂຸດຄົ້ນ ຫລືໂຄງການ ສິ້ນສຸດລົງ.

ໃນເວລາ ດຽວກັນ ຣັຖບານລາວ ກໍຍັງສືບຕໍ່ ໃຫ້ສຳປະທານ ໂຄງການຂຸດຄົ້ນ ແຮ່ທາດ ຕ່າງໆໃນລາວ ແກ່ 184 ບໍຣິສັດ ຈາກພາຍໃນ ແລະ ຕ່າງປະເທດ ໃນຈຳນວນ 200 ໂຄງການ ໃນປັດຈຸບັນ ນີ້.