ຜແນກ ພາສາລາວ | ຂ່າວລາວຮອບດ້ານ

• ພິມ
• ໃຊ້ຮ່ວມກັນ
• ຄໍາເຫັນ
• ອີແມວລ໌

ນັກວິຊາການ ຜແນກ ຊັພຍາກອນ ນໍ້າ ແລະ ສິ່ງແວດລ້ອມ ໄດ້ເວົ້າ ໃນວັນທີ 23 ກໍຣະກະດາ 2012 ນີ້ວ່າ ສປປລາວ ມີແຜນການ ສ້າງເຂດ ເສຖກິດ ທົ່ວປະເທດ 41 ບ່ອນ ເພື່ອພັທນາ ແລະ ຫລຸດຜ່ອນ ຄວາມທຸກຈົນ ຊຶ່ງ ແຕ່ລະບ່ອນ ຈະໃຊ້ພື້ນທີ່ ກວ້າງຫລາຍເຮັກຕາ ບາງບ່ອນ ຈະກວມເອົາ ພື້ນທີ່ ປ່າໄມ້ ແລະ ຊັພຍາກອນ ທັມມະຊາດ ອື່ນໆ ແຕ່ ຈະບໍ່ສົ່ງ ຜົນສະທ້ອນ ຮຸນແຮງ ຕໍ່ ສິ່ງແວດລ້ອມ ຫາກດໍາເນີນ ໄປຕາມ ແຜນການ ທີ່ໄດ້ ລະບຸໄວ້ ຢ່າງເຄັ່ງຄັດ. ນັກວິຊາ ການ ອະທິບາຍວ່າ:

"ມັນຈະຕ້ອງເບິ່ງ ໂຄງການ ທີ່ ຂະເຈົ້າ ຈະມາລົງທຶນ ເນ໋າະ ຫລືວ່າ ຂະເຈົ້າ ຊິເຮັດອີ່ຫຍັງ ຫັ້ນໜ໋າ ມັນກໍຕ້ອງ ຂຶ້ນກັບ ບົດ E.I.A. ຖ້າວ່າ ຂະເຈົ້າຂຽນ ແລ້ວຂະເຈົ້າ ເຮັດໄດ້ຕາມ ທີ່ ຂະເຈົ້າຂຽນ ບົ່ງໄວ້ຫັ້ນ ມັນຈະບໍ່ມີ ຜົນສະທ້ອນ ຫຍັງຫລາຍ ເນ໋າະ ແຕ່ຖ້າ ກໍຣະນີ ບໍ່ຮັບຜິດຊອບ ກັບບົດ ປະເມີນ ທີ່ວ່າຂຽນໄວ້ ມັນຕ້ອງເກີດ ຂຶ້ນ ຢູ່ແລ້ວ".

ນາງເວົ້າ ຕໍ່ໄປວ່າ ເຖິງແມ່ນວ່າ ທີ່ຜ່ານມາ ຍັງບໍ່ເຫັນ ບໍລິສັດ ທີ່ມາລົງທຶນ ທັງຈາກ ພາຍໃນ ແລະ ຕ່າງປະເທດ ລະເມີດ ກໍານົດ ທີ່ລະບຸ ໄວ້ເທື່ອ ແຕ່ໃນ ອະນາຄົດ ຫາກມີການ ຈັດຕັ້ງເຂດ ເສຖກິດ ໃນຫລາຍໆ ບ່ອນ ໃນຫລາຍໆ ແຂວງ ແລະ ຫາກທາງ ພາກຣັຖ ບໍ່ກວດກາ ເຂັ້ມງວດ ແລະ ລະອຽດ ກໍອາດຈະມີ ການກໍ່ສ້າງ ທີ່ບໍ່ຖືກຕ້ອງ ຕາມຂໍ້ ກໍານົດ ທີ່ໄດ້ລະບຸໄວ້ ກໍເປັນໄດ້ ຊຶ່ງອາດຈະ ສົ່ງຜົນກະທົນ ຮຸນແຮງ ຕໍ່ສະພາບແວດ ລ້ອມໄດ້.

ສປປລາວ ມີໂຄງການ ສ້າງເຂດ ເສຖກິດ ພິເສດ ແລະ ເຂດເສຖກິດ ສະເພາະ 41 ບ່ອນ ໃນທົ່ວປະເທດ ທາງພາກເໜືອ ມີ 18 ບ່ອນ ພາກໃຕ້ ແລະ ພາກກາງ ພາກລະ 8 ບ່ອນ ແລະ ນະຄອນຫລວງ ວຽງຈັນ 7 ບ່ອນ. ປັດຈຸບັນ ນັກລົງທຶນ ໄດ້ເລີ້ມ ກໍ່ສ້າງແລ້ວ ບໍ່ຕໍ່າກວ່າ 10 ບ່ອນ ໃນທົ່ວປະເທດ ແລະ ມີລາຍງານວ່າ ບາງບ່ອນ ໄດ້ສົ່ງ ຜົນກະທົບ ຕໍ່ ສິ່ງແວດລ້ອມ ແດ່ແລ້ວ

• ຟັງຣາຍການສົດ
• ຣາຍການບັນທຶກໄວ້