ເກີດຄວາມຫວຸ້ນວາຍ ໃນສະພາແຫ່ງຊາຕໄທ

ເກີດຄວາມຫວຸ້ນວາຍ ຢ່າງໃຫຍ່ ໃນຣະຫວ່າງ ທີ່ມີກາຣ ພິຈາຣະນາ ສເນີຮ່າງ ພຣະຣາຊບັນຍັຕ ປອງດອງ ແຫ່ງຊາຕ ຕໍ່ສະພາ.
ຫວາດ ສີມູນ
2012-06-01
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌

ເກີດຄວາມຫວຸ້ນວາຍ ໂກລະຫົນ ກັນ ຢ່າງໃຫຍ່ ໃນ ສະພາໄທຽ ເປັນມື້ທີ່ 2 ໃນ ວັນພຣະຫັດ ນີ້ ຍ້ອນກາຣ ຂັດແຍ່ງ ຣະຫວ່າງ ສະມາຊິກ ສະພາ ກ່ຽວກັບ ກາຣສເນີ ໃຫ້ມີກາຣ ອະພິປຣາຍ ຮ່າງ ພຣະຣາຊບັນຍັຕ ປອງດອງ ແຫ່ງຊາຕ ທີ່ອາຈເກີດ ຄວາມຮຸນແຮງ ຮ້າຍໄປກວ່າເກົ່າ ຊຶ່ງ ສະມາຊິກ ສະພາ ຫລາຍໆຄົນ ເຫັນວ່າ ເປັນກາຣລົບລ້າງ ຄວາມຜິດ ໃຫ້ກັບ ທ່ານທັກສິນ ຊີນວັຕ ອະດີດ ນາຍົກ ຣັຖມົນຕຣີ ທີ່ອາສັຍ ຢູ່ຕ່າງປະເທສ ສາມາຕກັບຄືນ ປະເທສໄທຽ ໄດ້ ໂດຽບໍ່ຕ້ອງ ໄດ້ຈຳຄຸກ ຕາມຄຳພິພາກສາ ຂອງສາລ ໃນເມື່ອກ່ອນ ຍ້ອນຄະດີ ກາຣສໍ້ຣາສ ບັງຫລວງ.

ອົງກາຣຂ່າວ AFP ໄດ້ຣາຍງານວ່າ ຄວາມຫວຸ້ນວາຍ ທີ່ເກີດຂຶ້ນໃນ ສະພາ ເຮັດໃຫ້ທາງ ເຈົ້າໜ້າທີ່ ຕໍາຣວຈ ຕ້ອງໄດ້ເຂົ້າ ໄປສກັດກັ້ນ ແລະ ຢືນອ້ອມ ປະທານສະພາ ໄວ້ ເພື່ອບໍ່ໃຫ້ ສະມາຊິກ ທີ່ບໍ່ເຫັນພ້ອມ ນຳນັ້ນ ສາມາຕ ເຂົ້າໄປໃກ້ໄດ້ ແຕ່ຢ່າງໃດ ແລະວ່າ ເຫຕກາຣ ຄວາມຮຸນແຮງ ດັ່ງກ່າວ ກໍຖືກ ຖ່າຍທອດສົດ ອອກທາງ ໂທຣະທັສ.

ທາງອົງກາຣຂ່າວ AFP ໄດ້ແຈ້ງເພີ່ມວ່າ ນອກຈາກ ຄວາມຫວຸ້ນວາຍ ໃນສະພາແລ້ວ ຄນະສະມາຊິກ ຂອງ ພັນທະມິຕ ປະຊາຊົນ ເພື່ອ ປະຊາທິປະໄຕ ທີ່ຮູ້ກັນດີວ່າ ກຸ່ມເສື້ອເຫລືອງ ຫລາຍພັນຄົນ ກໍພາກັນ ໂຮມຊຸມນຸມ ຢູ່ຖນົນອີກ ແຫ່ງໜຶ່ງ ໃນບາງກອກ ພ້ອມກັບ ຢືນຢັນວ່າ ຖ້າຫາກຈະມີ ກາຣພິຈາຣະນາ ຮ່າງ ພຣະຣາຊບັນຍັຕ ປອງດອງ ແຫ່ງຊາຕ ອີກຕໍ່ໄປນັ້ນ ກໍຈະພາກັນ ເຄື່ອນຂບວນ ເຂົ້າໄປໃນ ສະພາ ໃນຂັ້ນຕໍ່ໄປ ກໍເປັນໄດ້.

ຄໍາເຫັນ (1)
  • ພິມ
  • ໃຊ້ຮ່ວມກັນ
  • ອີແມວລ໌

NO NAME

ຈາກ ນະຄອນພະນົມ

ປະຊາທິປະໄຕສຽງຂ່າງມາກລາກກັນໄປ,ມັນກໍ່ເຫັນໄດ້ເຖິງອັນ ຕະລາຍລວມຂອງຊາຕ,ເພາະເຣື່ອງທີ່ເກີດຂື້ນດັ່ງທີ່ຮູ້ນີ້ກໍ່ຄື, ຂາດຈຸດລວມສະຫງວນຈຸດຕ່າງ,ປະຊາຊົນທົ່ວໄປໄຜໆກໍ່ ເຂົ້າໃຈແຈ້ງໃນການເປັນເຈົ້າຂອງປະເທສຊາຕ,ແຕ່ລະຝ່າຍກໍ່ ຈະມີການສະແດງອອກ ເພື່ອປົກປ້ອງ ຊາຕ,ສາສນາ ແລະພຣະຣາຊບັນລັງ,ຖ້ານັກການເມືອງ ມີຈິດສຳນຶກຄວາມຮັບພິດຊອບ ສະຖາບັນຂອງຊາຕແທ້,ບັນຫາຄົງຈະບໍ່ເກີດຂຶ້ນໄດ້, ຢ່າງແນ່ນອນ.

Jun 02, 2012 02:10 PM