ເຂດວຽງຈັນເນຣະມິດ ບໍ່ເໝາະຄ້າຂາຍ

ຊາວລາວ ສະແດງຄວາມເຫັນ ວ່າ ດິນທີ່ ຈະສ້າງເຂດ ວຽງຈັນ ເນຣະມິດ ນັ້ນ ເປັນບ່ອນ ທີ່ບໍ່ເໝາະສົມ
ຈະເຣີນສຸກ
2012-11-13
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
F-vientiane
ການຊື້ຂາຍ ຕາມທ້ອງຖນົນ ນະຄອນຫລວງ ວຽງຈັນ
travel-Laos

ເມື່ອບໍ່ດົນມານີ້ ເຈົ້າໜ້າທີ່ ໃນນະຄອນຫລວງວຽງຈັນ ເວົ້່າວ່າ ຈະມີການສ້າງເຂດເສຖກິດ ວຽງຈັນ ເນຣະມິດ ຢູ່ໃນເຂດບ້ານດົງໂພສີ ເມືອງຫາດຊາຍຟອງ ໂດຍໃຊ້ພື້ນທີ່ ທັງໝົດ 53 ເຮັດກຕາຣນັ້ນ, ປັຈຈຸບັນ ມີຫາງສຽງ ຈາກປະຊາຊົນ ບາງສ່ວນ ທີ່ເວົ້າວ່າ ພື້ນທີ່ ທີ່ທາງການຈະສ້າງ ໂຄງການ ເຂດວຽງຈັນ ເນຣະມິດນັ້ນ ເປັນສະຖານທີ່ ທີ່ບໍ່ເໝາະສົມ ໃນການສ້າງ ເປັນຫ້າງສັພສິນຄ້າ ເນື່ອງຈາກເປັນເຂດ ຫ່າງໄກ ຈາກຜູ້ຄົນ. ປະຊາຊົນ ເມືອງຫາດຊາຍຟອງ ກ່າວກ່ຽວກັບ ເຣື້ອງນີ້ວ່າ:

”ດ້ວຍເຫດວ່າ ໃນໂຊນເຂດນັ້ນ ສະຖານທີ່ ບໍ່ເໝາະສົມ ເພາະວ່າ ແຕ່ກ່ອນ ມັນເປັນປ່າສງວນ ບ່ອນຫັ້ນ ບໍ່ຄ່ອຍມີຄົນ ພໍປານໃດ ຂນາດ ແຕ່ 6 ໂມງ ຄົນເຣີ້ມໝົດແລ້ວ ຖ້າຫາກວ່າ ໂຕທີ່ ເຂົາ ເຮັດໂຄງການໃໝ໋ ທີ່ເປັນແບບຄ້າຍໆ ຄື ເວີຣລທ໌ ທເຣດທ໌ ໂຕນີ້ ມັນກໍຍັງເໝາະ ເພາະວ່າ ມັນກໍຍັງ ເປັນເສັ້ນທາງ ທີ່ວ່າ ຄົນສັນຈອນຫລາຍ.”

ທ່ານ ກ່າວຕໍ່ໄປວ່າ ສະຖານທີ່ ສໍາລັບ ສ້າງເຂດວຽງຈັນເນຣະມິດນັ້ນ, ສ່ວນຫລາຍ ເປັນທົ່ງນາ ຕັ້ງຢູ່ ທາງດ້ນຫລັງ ສະຖານນີ ຣົຖໄຟ ສາຍທ່ານາແລ້ງ, ຊຶ່ງຕົນເຫັນວ່າ ບໍ່ເໝາະ ຢ່າງຍິ່ງ ທີ່ຈະຕັ້ງ ຢູ່ຫລັງ ສະຖານນີ ຣົຖໄຟ. ເນື່ອງຈາກວ່າ ສະຖານີ ຣົຖໄຟ ຈະປິດບັງ ເຂດດັ່ງກ່າວ ຈົນເຮັດໃຫ້ ນັກທ່ອງທ່ຽວ ແລະ ແຂກຈາກປະເທດຕ່າງໆ ອາດເບິ່ງບໍ່ເຫັນ ເຂດວຽງຈັນເນຣະມິດນັ້ນ, ຊຶ່ງອາດສົ່ງຜົລ ຕໍ່ການດຶງດູດລູກຄ້າ ໃນການເຂົ້າໃຊ້ ບໍຣິການ ໃນອະນາຄົດ.

ປະຊາຊົນ ທ່ານນີ້ ເວົ້າອີກວ່າ ຫ້າງສັພສິນຄ້ານັ້ນ ຄວນຈະຕັ້ງຢູ່ ບໍຣິເວນທີ່ໂລ່ງ ແລະ ສະດວກສະບາຍ ໃຫ້ກັບນັກທ່ອງ ຈຶ່ງຈະດີກ່ວາ. ເຖິງຢ່າງໃດ ກໍຕາມ, ປັຈຈຸບັນ ໂຄງການເຂດວຽງຈັນເນຣະມິດ ໄດ້ເຣີ້ມມີການ ກໍ່ສ້າງໂຮງຮ່າງພື້ນຖານແລ້ວ ເປັນບາງສ່ວນ, ຊຶ່ງກໍຈະລົງມື ກໍ່ສ້າງ ແບບເປັນທາງການ ໃນຊ່ວງ ຕົ້ນປີ 2013 ນີ້. ແຕ່ຍັງບໍ່ທັນມີນັກລົງທຶນ ມາຈອງພື້ນທີ່ເມື່ອ. ສ່ວນເຣື້ອງແງງານ ທີ່ຈະໃຊ້ ໃນການກໍ່ສ້າງ ເຂດດັ່ງກ່າວນັ້ນ ຍັງບໍ່ມີການຣະບຸ ວ່າ ຈະໃຊ້ແຮງງານ ຈາກປະເທດໃດ ແດ່.