ຊາວບ້ານເຈຣະຈາກັບ ເຈົ້າຂອງທ່ອງທ່ຽວຫຼີ່ຜີ

ຊາວບ້ານ ໃນເຂດໃກ້ ໂຄງການ ພັທນາ ແຫລ່ງທ່ອງທ່ຽວ ນໍ້າຕົກ ຫລີ່ຜີ ເຈຣະຈາ ກັບເຈົ້າຂອງ ໂຄງການ ເພື່ອແກ້ໄຂ ບັນຫາ.
ມະນີຈັນ
2012-09-13
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌

ຫລັງຈາກທີ່ ໂຄງການພັທນາ ແຫລ່ງທ່ອງທ່ຽວ ນໍ້າຕົກຫລີ່ຜີ ມີບັນຫາຂັດແຍ່ງ ກັບ ຊາວບ້ານທ້ອງຖີ່ນ ເຣື່ອງການເກັບເງິນ ຄ່າຜ່ານທາງ ມາໃນວັນທີ 13 ກັນຍານີ້ ຊາວບ້ານ ຄົນນຶ່ງ ເວົ້າຕໍ່ RFA ວ່າ ພວກເຂົາເຈົ້າ ໄດ້ເຈຣະຈາ ກັບທາງບໍຣິສັດ ແລ້ວ ຊຶ່ງກໍໄດ້ຮັບ ຄໍາໝັ້ນໃຈວ່າ ຈະແກ້ໄຂ ບັນຫານັ້ນໃຫ້:

"ປັດຈຸບັນນີ້ ກໍຍັງບໍ່ມີ ການແກ້ໄຂ ບັນຫາໄດ້ ຢູ່ບ້ານດອນຄອນ ກໍເວົ້າກັນຢູ່ວ່າ ທາງບໍຣິສັດ ສິແກ້ໄຂ ໂດຍການເຮັດປີ້ໃຫ້".

ຊາວບ້ານເວົ້າວ່າ ບັນຫາຍັງບໍ່ທັນ ແກ້ໄຂເທື່ອ ແຕ່ທາງບໍຣິສັດ ວ່າ ອາດຈະມີການ ອອກປີ້ ໃຫ້ຊາວບ້ານ ເພື່ອໃຊ້ຜ່ານເຂົ້າອອກ ເຂດໂຄງການ ໂດຍບໍ່ຕ້ອງ ເສັຽເງິນ ຊຶ່ງ ຊາວບ້ານ ກໍເຫັນພ້ອມນໍາ ແຕ່ກໍຕ້ອງລໍຖ້າ ການຕັດສິນໃຈ ຂອງທາງບໍຣິສັດ ທີ່ຮັບພິດຊອບ.

ຄວາມຂັດແຍ່ງ ໃນເຣື່ອງນີ້ ເກີດຂຶ້ນ ຫລັງຈາກທີ່ ບໍຣິສັດ ຍິ່ງໂຊກໄຊ ໄດ້ຮັບສໍາປະທານ ຈາກ ຣັຖບານລາວ ໃຫ້ພັທນາ ແຫລ່ງທ່ອງທ່ຽວ ນໍ້າຕົກ ຫລີພີ່ ທາງບໍຣິສັດ ຂາຍປີ້ ໃຫ້ນັກທ່ອງທ່ຽວ ກ່ອນຜ່ານເຂົ້າ ເຂດນໍ້າຕົກ ເຮັດໃຫ້ຊາວບ້ານ ທ້ອງຖິ່ນ ທີ່ໃຊ້ເສັ້ນທາງນັ້ນ ເພື່ອໄປ ຫາຢູ່ຫາກິນ ຈໍາຕ້ອງໄດ້ ຈ່າຍຄ່າປີ້ ຣາຄາ 5 ພັນກີບ ເຮັດໃຫ້ ຊາວບ້ານບໍ່ພໍໃຈ ເພາະພວກເຂົາເຈົ້າ ໃຊ້ເສັ້ນທາງນັ້ນ ທຸກມື້ ແຕ່ໃດມາແລ້ວ. ຊາວບ້ານ ຕ້ອງການໃຫ້ ເຈົ້າຂອງໂຄງການ ແກ້ໄຂບັນຫາ ດັ່ງກ່າວ ໂດຍໄວ ເພື່ອຍຸຕິຄວາມ ຂັດແຍ່ງ ແລະ ໃຊ້ເສັ້ນທາງໄດ້ ຕາມປົກກະຕິ.

ຄໍາເຫັນ (4)
  • ພິມ
  • ໃຊ້ຮ່ວມກັນ
  • ອີແມວລ໌

(

ດຽວນີ້ ຜີສຳປະທານ ເຂົ້າສິງແລ້ວ ຍາກທີ່ຈະແກ້ໄຂໄດ້ ສ່ວນຜູ້ຖືກເຄາະຮ້າຍ ແມ່ນປະຊາຊົນລາວ ຕາດຳໆນີ້ແລ້ວ, ໜ້າສັງເວດທີ່ສຸດ.

Sep 17, 2012 12:03 PM

(

ສົງໃສຈະເປັນວ່າ ນອກຈາກຄວາມດີ ຄວາມຮັກຊາດບ້ານເມືອງ ຮັກພີ່ນ້ອງປະຊົນລາວ ການບໍ່ກອບໂກຍກີນຊາດ ນີ້ລັດເຮັດບໍ່ໃດ້

Sep 17, 2012 11:51 AM

ຄົນລາວ

ຈາກ ສປປລ

ໃຕ້ທ້ອງຟ້າຢູ່ເທິງແຜ່ນດິນລາວປະຊາຊົນລາວເປັນເຈົ້າ, ຊາວລາວເຮັດໄດ້ໝົດທຸກສິ່ງທຸກຢ່າງນອກຈາກຄວາມບໍ່ດີ ເທົ່ານັ້ນຊາວລາວບໍ່ສາມາດເຮັດໄດ້.

Sep 14, 2012 01:55 PM

ຜູ້ອ່ານທີ່ບໍ່ອອກຊື່

Don't touch my mother land.Crazy gouvernment.

Sep 13, 2012 09:05 PM