ການເລືອກຕັ້ງທີ່ໜ້າ ສັລເສີນໃນພະມ້າ

ສະພາ ຄວາມໝັ້ນຄົງ ສະຫະປະຊາຊາດ ເຫັນວ່າ ຄວາມສໍາເຣັດ ໃນການ ເລືອກຕັ້ງ-ຊ້ອມ ໃນພະມ້າ ເປັນບາດກ້າວ ສໍາຄັນ ໃນການ ປະຕິຮູບ ໄປສູ່ ປະຊາທິປະໄຕ.
ໂພໄຊສວັດ
2012-04-12
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌

ກົດຟັງສຽງ

ສະພາ ຄວາມໝັ້ນຄົງ ສະຫະປະຊາຊາດ ໄດ້ຍ້ອງຍໍ ຄວາມສໍາເຣັດ ຂອງການ ເລືອກຕັ້ງ-ຊ້ອມ ໃນພະມ່າ ແລະ ເຫັນວ່າ ເປັນບາດກ້າວ ທີ່ສໍາຄັນ ໃນການ ປະຕິຮູບ ຣະບອບ ການປົກຄອງ ໄປສູ່ ປະຊາທິປະໄຕ.
ຍານາງ Susan Rice ຜູ້ຕາງໜ້າ ສະຫະຣັຖ ທີ່ເປັນ ສະມາຊິກ ຖາວອນ ຄນະມົນຕຣີ ຄວາມໝັ້ນຄົງ ສະຫະປະຊາຊາດ ກ່າວວ່າ:

“ສະມາຊິກ ສະພາ ຄວາມໝັ້ນຄົງ ຍິນດີນໍາ ຄວາມສໍາເຣັດ ໃນການ ເລືອກຕັ້ງ-ຊ້ອມ ໃນພະມ່າ ຊຶ່ງເປັນ ເຫດການທາງ ປະຫວັດສາດ ແລະຍັງເປັນ ບາດກ້າວສໍາຄັນ ເພື່ອປູທາງ ໄປສູ່ ຄວາມເປັນ ອັນນຶ່ງ ອັນດຽວ ແລະ ເພື່ອສ້າງຄວາມ ແຂງແກ່ງ ໃຫ້ການ ປະຕິຮູບ ໄປສູ່ ປະຊາທິປະໄຕ ອີກດ້ວຍ”. ຍານາງ Rice ກ່າວວ່າ:

“ສະມາຊິກ ສະພາ ຄວາມໝັ້ນຄົງ ຍ້ອງຍໍ ຄນະຣັຖບານ ແລະ ພັກຝ່າຍຄ້ານ ໃນການ ເຂົ້າຮ່ວມ ການເລືອກຕັ້ງ ແລະໄດ້ໃຊ້ ຄວາມພຍາຍາມ ທີ່ຈະເຮັດໃຫ້ ປະເທດຊາດ ກ້າວໄປ ຂ້າງໜ້າ”.

ຍານາງ Rice ໄດ້ກ່າວອີກ ວ່າ ທ່ານ Vijay Nambiar ຊຶ່ງທີ່ປຶກສາ ພິເສດ ຂອງ ເລຂາທິການ ສະຫະປະຊາຊາດ ໄດ້ລາຍງານວ່າ:

“ການເລືອກຕັ້ງ ໃນພະມ່າ ເທື່ອນີ້ ເປັນໄປຢ່າງ ໂປ່ງໃສ ເຊື່ອຖືໄດ້ ແລະເປັນ ໄປຢ່າງສງົບ ຮຽບຮ້ອຍ ເຖິງວ່າຈະມີ ເຫດການຜິດ ປົກກະຕິ ເລັກໆນ້ອຍໆ ແຕ່ກໍບໍ່ໄດ້ ກະທົບ ກະເທືອນ ຕໍ່ຜົນຂອງການ ເລືອກຕັ້ງ ແຕ່ຢ່າງໃດ”.

ການເລືອກຕັ້ງ-ຊ້ອມ ໃນພະມ່າ ເມື່ອວັນທີ 1 ເມສາ 2012 ພັກ ສັນນິບາດ ແຫ່ງຊາດ ເພື່ອ ປະຊາທິປະໄຕ ໃນພະມ່າ ພາຍໃຕ້ ການນໍາຂອງ ຍານາງ ອອງຊານຊູຈີ ໄດ້ເກືອບທຸກ ບ່ອນນັ່ງ ທັງໝົດ ທີ່ເປົ່າວ່າງ.

ຄໍາເຫັນ (1)
  • ພິມ
  • ໃຊ້ຮ່ວມກັນ
  • ອີແມວລ໌

ຜູ້ອ່ານທີ່ບໍ່ອອກຊື່

ເປັນການພິກປີ້ນຄວາມອະທັມ ມາສູ້ຄວາມເປັນທັມ ນຳໄປສູ້ຄວາມກ້າວຫນ້າ ເທືອລະກ້າວຂອງຊາຕແລະ ປະຊາຊົນເພື່ອໄດ້ມາຊຶ່ງແສງສະຫ່ວາງ ປະຊາທິປະໄຕໃນຮອບດ້ານ ຕາມຄວາມໝູ່ງມາດປາຖນາ.

Apr 15, 2012 04:38 PM