ເກົາຫລີເໜືອວ່າທົດລອງ ນິວເຄລັຽພໍໃຈຫຼາຍ

ເກົາຫລີເໜືອ ເວົ້າວ່າ ມີຄວາມສໍາເຣັດ ໃນການ ທົດລອງ ນິວເຄລັຽ ໃຕ້ດິນ ໃນເທື່ອທີ 3 ນີ້. ຕາມຣາຍງານ ຈາກກຸງ ພຽງຢາງ ໃນວັນທີ 12 ກຸມພາ ນີ້.
ມະນີຈັນ
2013-02-12
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
f-north-korea
ຊາວເກົາຫລີໃຕ້ ຢຸດຟັງຂ່າວ ການທົດລອງ ນິວເຄລັຽ ຂອງ ເກົາຫລີເໜືອ ໃນສະຖານີ ຣົດໄຟ 12 ກຸມພາ 2013
AFP PHOTO / KIM JAE-HWAN

ນຶ່ງໃນມາຕການ ຕົວຈິງ ຂອງ ເກົາຫລີເໜືອ ໃນການ ຕ້ານຢັນຄືນ ເພື່ອປ້ອງກັນ ຄວາມໝັ້ນຄົງ ແລະ ອະທິປະໄຕ ຂອງຕົນ ຕ້ານ ນະໂຍບາຍ ເປັນ ປໍຣະປັກ ຂອງ ສະຫະຣັຖ ອະເມຣິກາ ຊຶ່ງເກົາຫລີເໜືອ ຖືວ່າ ລ່ວງຣະເມີດ ສິດທິ ຂອງ ເກົາຫລີເໜືອ ໃນການ ສົ່ງດາວທຽມ ເພື່ອເຫດຜົນ ໃນທາງສັນຕິ.

ຂ່າວທາງການ ຂອງ ເກົາຫລີເໜືອ ເວົ້າວ່າ ການທົດລອງ ນິວເຄລັຽ ໃນຄັ້ງນີ້ ສໍາເຣັດຜົນ ໃນຣະດັບສູງ ທັງດ້ານ ຄວາມປອດພັຍ ແລະ ວິທີການ ທີ່ສົມບູນແບບ ໃນການໃຊ້ ອຸປກອນ ຂນາດນ້ອຍ ແລະ ເບົາ ແຕ່ແຮງຣະເບີດ ສູງກວ່າ ການທົດລອງ ຄັ້ງກ່ອນນັ້ນ ໂດຍບໍ່ສົ່ງ ຜົນກະທົບ ຕໍ່ ສະພາບແວດລ້ອມ ແຕ່ຢ່າງໃດ.

ກ່ອນໜ້ານີ້ ອົງການ ສົນທິສັນຍາ ຫ້າມທົດລອງ ນິວເຄລັຽຮອບດ້ານ ຂອງ ສະຫະປະຊາຊາດ ເວົ້າວ່າ ເກົາຫລີເໜືອ ຖືກສົງໄສວ່າ ໄດ້ທໍາການ ທົດລອງ ປະຣະມານູ ເທື່ອທີ 3 ໃນວັນອັງຄານນີ້ ພາຍຫລັງ ກວດພົບແຮງ ສັ່ນສະເທືອນ ຂອງດິນໃຫວ ຢູ່ ເກົາຫລີເໜືອ ຊຶ່ງປາກົດວ່າ ເປັນການຣະເບີດ ໃນເຂດ ທີ່ມີການ ທົດລອງ ນິວເຄລັຽ 2 ຄັ້ງກ່ອນ ຄືເມື່ອປີ 2006 ແລະປີ 2009 ນັ້ນ.

ສູນສັງເກດການ ທໍຣະນີສາດ ສະຫະຣັຖ ອະເມຣິກາ ຣາຍງານວ່າ ເກີດແຮງສັ່ນ ສະເທືອນ ແທກ ໄດ້ 4 ຈຸດ 9 ທາງພາກ ຕາເວັນອອກ ສ່ຽງເໜືອ ຂອງ ປະເທດ ເກົາຫລີເໜືອ. ສະພາຄວາມ ໝັ້ນຄົງ ສະຫະປະຊາຊາດ ມີກໍານົດ ປະຊຸມກັນ ໃນວັນອັງຄານ ນີ້ ພາຍຫລັງມີ ຄໍາຮຽກຮ້ອງ ຈາກ ເກົາຫລີໃຕ້. ຍີ່ປຸ່ນ ກໍຄາດການວ່າ ຈະມີການ ໂຕ້ຕອບ ຢ່າງແຮງ ຈາກ ສະຫະປະຊາຊາດ.

ຄໍາເຫັນ (1)
  • ພິມ
  • ໃຊ້ຮ່ວມກັນ
  • ອີແມວລ໌

ແກ້ວໃຈ

ຈາກ ລາວໃນ

ຂໍຊົມເຊີຍຜົນ ສຳເລັດອັນຫຍິ່ງໃຫຍ່ ຂອງ ເກົາຫລີເໜືອ ທີ່ທຳສຳເລັດ ໃນການທົດລອງ ນິວເຄຼຍ ເພື່ອປ້ອງກັນປະເທດ ຈາກພວກອັນຕະພານ ກໍ່ການຮ້າຍຢ່າງ ສ.ອາເມລິກາ ແລະພວກຕາເວັນຕົກ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 07, 2013 10:27 AM