ເກົາຫລີເໜືອອາຈ ຊຸດໂຊມລົງອີກ

ຜູ້ນໍາ ຄົນໃໝ່ ຂອງ ເກົາຫລີໃຕ້ ເວົ້າວ່າ ເກົາຫລີເໜືອ ອາຈ ພັງທະລາຍ ລົງໄດ້.
ສິດນີ
2013-02-14
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
f-n-korea
ສະຖານທູຕ ເກົາຫລີເໜືອ ທີ່ກຸງປັກກິ່ງ
AFP

ປະທານາທິບໍດີ ຄົນໃຫມ່ ຂອງ ເກົາຫລີໃຕ້ ທີ່ຫາກໍ່ຊນະ ການເລືອກຕັ້ງ ກ່າວວ່າ ການທົດລອງ ອາວຸດ ນິວເຄລັຽ ຄັ້ງໃຫມ່ ຂອງ ເກົາຫລີເຫນືອ ຈະເຮັດໃຫ້ ທັງປະເທດ ທີ່ປົກຄອງ ໂດຍ ນາຍກິມຈົງອຸນ ພັງທະລາຍ ລົງໄດ້. ອິງຕາມ ບົດຣາຍງານ ຈາກຫນັງສືພິມ ທຸຣະກິດ ຂອງ ເກົາຫລີໃຕ້ ນາງ Park Geun-hye ປະທານາທິບໍດີ ຄົນໃຫມ່ ຂອງ ເກົາຫລີໃຕ້.

ຣາຍງານ ທີ່ອ້າງຕາມ ຄຳປາໄສ ຂອງ ນາງ Park ຜູ້ທີ່ຈະຂື້ນ ດຳຣົງຕຳແຫນ່ງ ປະທານາທິບໍດີ ເກົາຫລີໃຕ້ ໃນມື້ວັນທີ 25 ກຸມພາ 2013 ນີ້ ຣະບຸວ່າ ເກົາຫລີເຫນືອ ຈະບໍ່ໄດ້ ຮັບສິດທິ ໃນການ ເຈຣະຈາ ຖ້າມີການ ທົດລອງ ອາວຸດນິວເຄລັຽ ອີກໃຫມ່. ນາງວ່າ ເປັນຄວາມຈຳເປັນ ຢ່າງຮີບດ່ວນ ທີ່ເກົາຫລີໃຕ້ ຕ້ອງຕຣຽມພ້ອມ ໃນການປ້ອງກັນ ເຫດການ ທີ່ຈະເກີດຂື້ນ ຢ່າງເດັດດ່ຽວ ແລະ ຕ້ານການນາບຂູ່ ຕ່າງໆ ຂອງ ເກົາຫລີເຫນືອ.

ໃນການຫາສຽງ ເລືອກຕັ້ງ ປະທານາທິບໍດີ ໃນເດືອນ ທັນວາ 2012 ນາງ Park ຕ້ານການຊ່ອຍເຫລືອ ທາງດ້ານ ເສຖກິດ ແລະ ການລົງທຶນ ຕ່າງໆ ໃນ ເກົາຫລີເຫນືອ ທີ່ພັກຝ່າຍຄ້ານ ພັກເສຣີນິຍົມ ຕ້ອງການ ໂດຍຢໍ້າວ່າ ເກົາຫລີເຫນືອ ຕ້ອງສະແດງອອກ ໃຫ້ເກົາຫລີໃຕ້ ເຊື່ອຖື ແລະ ຍຸຕິການ ເປັນປໍຣະປັກ ກັບ ເກົາຫລີໃຕ້ ກ່ອນ.

ຄໍາເຫັນ (1)
  • ພິມ
  • ໃຊ້ຮ່ວມກັນ
  • ອີແມວລ໌

ແກ້ວໃຈ

ຈາກ ວຽງຈັນ ລາວໃນ

ຄວາມເຫັນທັງໝົດສຳລັບ ເກົາຫລີເໜືອອາຈ ຊຸດໂຊມລົງອີກນັ້ນ ເປັນ ພຽງຄຳເວົ້າທີ່ ສ.ເກົາຫລີ ປະກາດອອກມາ ເພື່ອລະດົມປະຊາຊົນ ສ.ເກົາຫລີ ບໍ່ໃຫ້ຢ້ານ ສ ປປ ເກົາຫລີ ແລະນີ້ເປັນຄຳເວົ້າ ຂອງຜູ້ນຳຄົນໃໝ່ ຂອງ ສ.ເກົາຫລີ ທີ່ປອບໃຈ ປະຊາຊົນ ຕົນເອງ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 07, 2013 10:26 AM