ຟັງການສໍາພາດ: ເມື່ອວັນທີ 1 ເດືອນກໍຣະກະດາ 2006, ສິລປິນ ຄ້າຍເພງ ແຟນແຟມ ຈາກແຂວງຫລວງພຣະບາງ ໄດ້ເດີນທາງ ລົງໄປສແດງ ຄອນເສີດທ໌ ທີ່ສູນວາງສແດງ ສິນຄ້າ ໄອເທັກ ທີ່ນະຄອນຫລວງວຽງຈັນ, ໂດຍການນໍາພາ ຂອງ ຂັນທອງ ດວງເດືອນ ຫລື ເອີ້ນກັນ ໃນວົງການບັນເທີງ ວ່າ Lomax.

ໃນການສໍາພາດ ຄັ້ງນີ້, ຂັນທອງ ເລົ່າສູ່ຟັງ ກ່ຽວກັບ ການກະຕຣຽມ ໃນການວາງສແດງ ແລະ ການນໍາ ບັນດາສິລປິນ ໃນຄ້າຍເພງ ແຟນແຟມ ທີ່ມີຫລາຍປະເພດເພງ ຫລາຍລີລາ. ນອກຈາກນັ້ນ, ຂັນທອງ ຍັງໄດ້ເລົ່າສູ່ຟັງ ກ່ຽວກັບ ການມາສແດງ ທີ່ນະຄອນຫລວງວຽງຈັນ ແລະ ແຟນເພງ ຂອງ ແຟນແຟມ. ການສແດງ ຄອນເສີດທ໌ ຄັ້ງນີ້ ມີຂຶ້ນ ເນື່ອງໃນໂອກາດ ຣັຖບານລາວ ແລະ ໄທ ຈັດງານສແດງສິນຄ້າ ຮ່ວມກັນ.