ཀཱ་ཤི་སྒར་གྱི་ཞིང་བའི་ཚོང་ར་ནས་མི་༢༢བསད་འདུག


2014.10.21
ཀཱ་ཤི་སྒར་གྱི་ཞིང་བའི་ཚོང་རར་རྒོལ་རྡུང་བྱས་བའི་རྣམ་པ། ༢༠༡༤།༡༠ ཀཱ་ཤི་སྒར་གྱི་ཞིང་བའི་ཚོང་རར་རྒོལ་རྡུང་བྱས་བའི་རྣམ་པ། ༢༠༡༤།༡༠
AFP

ཡུ་གུར་བ་མི་བཞིས་ཤར་ཏུར་ཀེ་སི་ཐན་གྱི་Kashgarརྫོང་དུ་ཡོད་པའི་ཞིང་པའི་ཚོང་ར་ལ་རྒོལ་རྡུང་བྱས་འདུག
དེ་ཡང་ཤར་ཏུར་ཀེ་སི་ཐན་ནང་ཡོད་པའི་རྒྱ་རིགས་མཉམ་སྡོད་བྱེད་སའི་ཞིང་པའི་ཚོང་ར་ཞིག་ལ་ཡུ་གུར་མི་རིགས་ཡིན་པའི་སྐྱེས་པ་མི་བཞིས་གྲི་དང་འབར་རྫས་ཁྱེར་ནས་ཉེན་རྟོག་པ་དང་། ཁོ་ཚོ་རང་ཉིད་ཐེ་བའི་མི༢༢རྐྱེན་འདས་བཏང་ཡོད་པའི་སྐོར་རེས་གཟའ་སྤེན་པའི་ཉིན་ཉེན་རྟོག་པས་བརྗོད་ཡོད་པ་རེད། ཡུ་གུར་མི་བཞི་པོ་དེ་དག་ལ་ཉེན་རྟོག་པས་སྐབས་དེར་མེ་མདས་བསད་ཡོད་འདུག ས་གནས་ནས་འདི་ག་རླུང་འཕྲིན་ཁང་གི་ཡུ་གུར་སྡེ་ཚན་ལ་བརྗོད་དོན། ཁྱོན་བསྡོམས་མི་གྲངས་༢༢རྐྱེན་འདས་བཏང་ཡོད་པ་དང་མི་བཅུ་གྲངས་ཤིག་ལ་རྨས་སྐྱོན་ཕོག་ཡོད་པ་གསུངས་འདུག   
ཕྱི་ཟླ་བཅུ་པའི་ཚེས་༡༢་ཉིན་གྲི་དང་འབར་རྫས་ཁྱེར་བའི་མི་བཞི་པོ་དེ་དག་གིས་ཞིང་པའི་ཚོང་རའི་བདེ་འཇགས་སྐོར་སྲུང་ལ་རྒོལ་རྡུང་བཏང་བའི་ནང་ཁྱོན་བསྡོམས་མི་༡༨རྐྱེན་འདས་བཏང་ཡོད་པ་དང་། མི་བཅུ་གྲངས་ཤིག་ལ་རྨས་སྐྱོན་བཏང་དུས་རྒོལ་རྡུང་གཏོང་མཁན་དེ་དག་ལ་ཉེན་རྟོག་པས་མེ་མདའ་རྒྱབ་ནས་བསད་ཡོད་པ་རེད། ས་གནས་དེའི་ཉེན་རྟོག་པས་བརྗོད་དོན། ཞིང་པའི་ཚོང་ར་དེའི་ནང་གི་ཚོང་པ་མང་ཆེ་བ་རྒྱ་མི་ཡིན་པ་དང་། རྒོལ་རྡུང་གཏོང་མཁན་མི་བཞི་པོ་དེ་དག་ལོ་ན་༢༥ནས་༣༠ཟིན་པའི་ན་གཞོན་ཡིན་པ་རེད། མང་ཆེ་བ་རྒྱ་མིའི་ཚོང་པ་ཡིན་པའི་ཚོང་ར་དེར་མི་བསད་པའི་དོན་རྐྱེན་ཐོན་པའི་ཉིན་མ་གཅིག་གི་རྗེས་ལ་ཤར་ཏུར་ཀེ་སི་ཐན་གྱི་འབྲིང་རིམ་མི་མང་ཁྲིམས་ཁང་ཟེར་བ་དེས་ཕྱི་ཟླ་བདུན་པའི་ཚེས་༢༨གི་དོན་རྐྱེན་དེར་ཁྲིམས་ཐག་ཁྱབ་བསྒྲགས་བྱས་པ་དེའི་ནང་མི་༡༢སྲོག་ཐོག་གཏོང་རྒྱུ་དང་། མི༡༥ལ་ཕྱིར་འགྱངས་སྲོག་ཐོག དེ་བཞིན་མི་༩ལ་ཚེ་བཙོན། མི་༢༠ལོ་བཞི་ནས་༢༠བར་གྱི་བཙོན་འཇུག་བཅས་ཀྱི་ཁྱབ་བསྒྲགས་བྱས་ཡོད་པ་རེད།

གསར་འགོད་པ་ཚེ་བརྟན་རྡོ་རྗེ།

བལྟ་བཤེར་མང་ཤོས་བྱས་པའི་གནས་ཚུལ།
RFA
རྒྱལ་ཁབ་ཁག་བཅོ་བརྒྱད་ནང་བོད་དོན་དང་བླངས་ཞུ་གཏུག་པ་ ༥༢༡ དང་བླང་གི་ཐོག་ནས་འཛུལ་ཞུགས་གནང་ཡོད་སྐོར། ཕྱི་དྲིལ་བཀའ་བློན་ནས་གྲོས་ཚོགས་སུ་གསུངས་པ།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
དཔྱ་དངུལ་ཆག་ཡང་བཏང་བའི་ལོ་གཅིག་ནང་བོད་མི་དྲུག་སྟོང་ལྔ་བརྒྱ་ལྷག་གིས་དཔྱ་དངུལ་ལག་དེབ་གསར་བཟོ་དང་བསྐྱར་གསོ་གནང་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎