རྒྱ་གར་དང་རྒྱ་ནག་གཉིས་བར་གྲོས་མོལ་ཐོག་མ་བྱ་འཆར།

རྒྱ་ནག་གི་དཔོན་རིགས་ཏེ་པིན་གོ་རྒྱ་གར་དུ་འཚམས་འདྲིར་ཡོང་རྒྱུའི་འཆར་གཞི་ཡོད་པ་ལྟར་སྤྱི་ལོ་༢༠༡༣ལོའི་རྒྱ་གར་དང་རྒྱ་ནག་གཉིས་བར་གྲོས་མོལ་ཐོག་མ་དེ་བྱ་རྒྱུ་ཡིན་པ་རེད་འདུག
2013-01-08
གློག་འཕྲིན།
མཆན།
འགྲེམ་སྤེལ།
པར་བཀོད།

རྒྱ་བལ་ས་མཚམས་ནས་བོད་མིར་དཀའ་ངལ་འཕྲད་བཞིན་པ།

དེ་ཡང་རྒྱ་ནག་གི་དཔོན་རིགས་Dai Bingguo ཡིས་སྣེ་ཁྲིད་པའི་སྐུ་ཚབ་ཚོགས་པ་རྣམས་ཟླ་བ་འདིའི་ཕྱི་ཚེས་༡༠ཉིན་རྒྱ་གར་དུ་Brazil དང་Russia, རྒྱ་གར། རྒྱ་ནག ལྷོ་ཨ་ཧྥི་རི་ཀ་རྒྱལ་ཁབ་བཅས་ཀྱི་ཆེས་མཐོའི་བདེ་འཇགས་དཔོན་རིགས་རྣམས་ལྷན་ཚོགས་གནང་གི་ཡོད་པ་དེར་མཉམ་ཞུགས་བྱེད་ཀྱི་ཡོད་པ་དང་། གནས་ཚུལ་ཐོན་པར་གཞིགས་ན། རྒྱ་གར་རྒྱལ་ཡོངས་བདེ་འཇགས་སློབ་སྟོན་པ་Shivshankar Menon དང༌། རྒྱ་ནག་གི་སྐུ་ཚབ་Dai Bingguo གཉིས་ཀྱིས་རྒྱ་དཀར་ནག་གི་ས་མཚམས་ཟེར་བའི་རྙོག་དྲའི་གནད་དོན་དང༌། རྒྱ་ནག་ནང་དུ་ཉེ་ཆར་དཔོན་རིགས་གསར་པ་འཕོ་འགྱུར་ཕྱིན་པའི་རྗེས་ཕྱོགས་གཉིས་པོའི་འབྲེལ་བ་གསར་པ་གོང་འཕེལ་གཏོང་ཐབས་ཀྱི་གནད་དོན་ཐོག་གོ་བསྡུར་བྱ་རྒྱུ་ཡིན་པ་རེད་འདུག ཡུལ་གཉིས་བར་ས་མཚམས་ཀྱི་རྩོད་གཞིའི་གནད་དོན་ཐོག་གྲོས་མོལ་ཐེངས་༡༥བྱས་ཟིན་པ་དང༌། གྲོས་མོལ་ཐེངས་༡༥ པ་དེ་ཐོག་མའི་འཆར་གཞིར་༢༠༡༡ ལོའི་ཕྱི་ཟླ་༡༡ པའི་ནང་དུས་ཚོད་བཟོས་ཡོད་ཀྱང་སྐབས་དེར་རྒྱ་གར་ནང་རྒྱལ་སྤྱིའི་ནང་པའི་ལྷན་ཚོགས་ཤིག་ཚོགས་པའི་ཐོག་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ཚོགས་མགོན་དུ་ཆིབས་བསྒྱུར་གྱིས་བཀའ་སློབ་བསྩལ་བའི་རྐྱེན་གྱིས་རྒྱ་ནག་གཞུང་ཁོང་ཁྲོ་ཆེན་པོས་གྲོས་མོལ་གྱི་དུས་ཚོད་མེད་པ་བཟོས་ཀྱང་བསྐྱར་དུ་༢༠༡༢ ལོའི་ཕྱི་ཟླ་དང་པོའི་ཟླ་མཇུག་ཏུ་བྱས་ཡོད་པ་རེད། འོན་ཀྱང་བཙན་བྱོལ་ནང་གི་བོད་པའི་ཚོགས་པ་ཁག་གིས་རྒྱ་དཀར་ནག་གཉིས་ཀྱི་ས་མཚམས་གྲོས་མོལ་དེ་ནི་ཁྲིམས་འགལ་གྱི་བྱ་སྤྱོད་ཅིག་ཡིན་པས་དེ་ལ་འབྲས་བུ་གང་ཡང་ཐོན་རྒྱུ་མིན་ཞིང༌། ༡༩༤༩ ལོར་བོད་རྒྱ་ནག་གིས་བཙན་འཛུལ་མ་བྱས་བར་བོད་དང་རྒྱ་གར་གྱི་ས་མཚམས་ལས་རྒྱ་ནག་གི་ས་མཚམས་ཟེར་མེད། ས་མཚམས་ཀྱི་གནད་དོན་དེ་ནི་བོད་ཀྱི་གནད་དོན་ཞིག་ཡིན་པས། རྒྱ་ནག་ཕྱོགས་ནས་བོད་ཀྱི་ལོ་རྒྱུས་ལ་འཁྱོག་བཤད་དང་མ་བདག་ཡིན་ཁུལ་བྱེད་པའི་ཐོབ་ཐང་མེད་པ་རེད་ཅེས་ངོ་རྒོལ་བྱེད་ཀྱི་ཡོད་པ་རེད།

མཆན། (0)
  • པར་བཀོད།
  • འགྲེམ་སྤེལ།
  • གློག་འཕྲིན།