རྒྱ་ནག་ནང་ཆོས་དད་རང་དབང་ཡོང་བར་སྨོན།

ཡེ་ཤུའི་བླ་ཆེན་མཆོག་གིས་ཡེ་ཤུ་འཁྲུངས་སྐར་དུས་ཆེན་ཉིན་གྱི་གསུངས་འཕྲིན་ནང་རྒྱ་ནག་ནང་ཆོས་དད་རང་དབང་དང་སི་རེ་ཡའི་ནང་ཞི་བདེ་ཡོང་བའི་སྨོན་འདུན་གནང་ཡོད་པ་རེད་འདུག

2012.12.26

དེ་ཡང་ཚེས་ཉི་ཤུ་ལྔ་ཉིན་མོ་དེ་ནི་སྟོན་པ་ཡེ་ཤུའི་འཁྲུངས་སྐར་དུས་ཆེན་ཡིན་པ་ལྟར་འཛམ་གླིང་ཁྱོན་ཡོངས་སུ་དགའ་སྤྲོའི་ངང་སྲུང་བརྩི་ཞུས་ཡོད་པ་རེད་། དམིགས་བསལ་ཡེ་ཤུའི་བླ་ཆེན་པོབ་བྷེ་ན་དྲིག་མཆོག་གི་ཉིན་མོ་དེའི་གསུངས་འཕྲིན་ནི་ཧ་ཅང་གལ་འགངས་ཆེན་པོ་ཞིག་ལ་ངོས་འཛིན་བྱེད་ཀྱི་ཡོད་རེད། བླ་ཆེན་མཆོག་གི་གསུངས་འཕྲིན་ནང་། སི་རི་ཡའི་ནང་འཐབ་འཁྲུག་ཀྱི་རྐྱེན་པས་མི་མང་དཀྱུས་མ་ཚོའི་ཚེ་སྲོག་གྲངས་མེད་ཤོར་འགྲོ་གི་ཡོད་པ་དེར་ཐུགས་འཚབ་ཆེན་པོ་ཡོད་། དེ་འདྲ་ཡིན་དུས་མི་གསོད་ཁྲག་སྦྱོར་འདི་བཞིན་འཕྲལ་དུ་མཚམས་འཇོག་ཡོང་ཐབས་བྱེད་དགོས་པ་དང་། ཡུལ་གྱར་ཕྱིན་པའི་སྐྱབས་བཅོལ་བ་ཚོར་མཐུན་འགྱུར་སྤྲོད་དགོས་པ། ཆབ་སྲིད་མི་སྣ་ཚོས་ཕན་ཚུན་གྲོས་མོལ་གྱི་ལམ་ནས་དཀའ་རྙོག་སེལ་ཐབས་བྱེད་དགོས་པ་བཅས་ཀྱི་འབོད་སྐུལ་ཞུ་རྒྱུ་ཡིན་ཞེས་གསུངས་ཡོད་པ་དང་། དེ་བཞིན་རྒྱ་ནག་ནང་ཉེ་ཆར་ཡེ་ཤུའི་ཆོས་དཔོན་ཚོར་གཞུང་གི་བཀའ་འཁྲོལ་མེད་པར་ཆོས་ཕྱོགས་ཀྱི་ལས་དོན་སྤེལ་མི་ཆོག་པའི་དམ་བསྒྲཌ་བྱེད་བཞིན་པ་དེ་ནི་འོས་ཤིང་འཚམས་པ་ཞིག་མིན་སྟབས་རྒྱ་ནག་གི་འགོ་ཁྲིད་གསར་པ་ཚོས་གནད་དོན་དེ་ཚོའི་ཐོག་འགྱུར་བ་ཞིག་བཏང་ནས། ཆོས་དཔོན་རྣམས་ནས་འཛམ་གླིང་སྤྱི་དང་རྒྱ་ནག་གི་སྤྱི་ཚོགས་ཀྱི་ཞི་བདེའི་ཆེད་ལས་དོན་སྤེལ་བཅུག་རྒྱུར་འགོག་རྐྱེན་མེད་པ་ཞིག་གི་འགྱུར་བ་གཏོང་དགོས་པའི་འབོད་སྐུལ་བྱེད་ཞོར་རྒྱ་ནག་ནང་ཆོས་དད་རང་དབང་ཡོང་བར་སྨོན་འདུན་ཞུས་འདུག

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ཁྲིམས་སྒྲིག་བསྐྱར་བཅོས་འཆར་ཟིན་ཚོགས་ཆུང་གི་ལས་བསྡོམས་གྲོས་ཚོགས་སུ་སྙན་སྒྲོན་གནང་སོང་།
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎