རྒྱ་ནག་གིས་སླར་ཡང་༧གོང་ས་མཆོག་ལ་སྐྱོན་བརྗོད།


2016.06.27
༧གོང་ས་མཆོག་གིས་ཨ་རིའི་ནང་གི་གྲོང་ཁྱེར་སྤྱི་ཁྱབ་པའི་ལྷན་ཚོགས་ཐེངས་༨༤་པའི་ཐོག་བཀའ་སློབ་གནང་བཞིན་པ། ༢༠༡༦།༦།༢༦ ༧གོང་ས་མཆོག་གིས་ཨ་རིའི་ནང་གི་གྲོང་ཁྱེར་སྤྱི་ཁྱབ་པའི་ལྷན་ཚོགས་ཐེངས་༨༤་པའི་ཐོག་བཀའ་སློབ་གནང་བཞིན་པ། ༢༠༡༦།༦།༢༦
དྲ་བཤུས།།Fb

བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་རེས་གཟའ་ཉི་མའི་ཉིན། ཨ་མི་རི་ཀའི་གྲོང་ཁྱེར་སྤྱི་ཁྱབ་རྣམས་ལ་གསུངས་བཤད་དང་། ཨ་མི་རི་ཀའི་གཞས་མ་དང་སྒྱུ་རྩལ་བ་གྲགས་ཅན་ལེ་ཊེ་གྷ་གྷ་དང་མཇལ་འཕྲད་གནང་བར་རྒྱ་ནག་གིས་སྐྱོན་བརྗོད་བྱས་འདུག
༧གོང་ས་སྐྱབས་མགོན་ཆེན་པོ་མཆོག་གི་ཨ་མི་རི་ཀའི་མངའ་སྡེ་ལྔའི་ནང་གི་མཛད་རིམ་མཐའ་མ་དེ་ཨིན་ཊི་ཡ་ནའི་གྲོང་ཁྱེར་གཙོ་བོ་ཨིན་ཊི་ཡ་ན་པོ་ལི་སི་ནང་དུ། ཨ་མི་རི་ཀའི་གྲོང་ཁྱེར་སྤྱི་ཁྱབ་༣༠༠་ལྷག་ཙམ་གྱི་འདུ་འཛོམས་ཐོག་དྲག་སྤྱོད་ཅན་གྱི་འཛམ་གླིང་གི་ཁོར་ཡུག་ནང་སྙིང་རྗེ་དར་སྤེལ་གནང་རྒྱུ་གལ་གནད་ཆེན་པོ་ཡིན་པའི་སྐོར་བཀའ་གནང་ཡོད་པ་དང་། སྐབས་དེར་༧གོང་ས་སྐྱབས་མགོན་ཆེན་པོ་མཆོག་གིས་ཨ་མི་རི་ཀའི་གཞས་མ་དང་སྒྱུ་རྩལ་བ་གྲགས་ཅན་ལེ་ཊེ་གྷ་གྷ་དང་། ཚོང་པ་སྐུ་ཞབས་Philip Anschutz་མཉམ་
ཞུགས་ཐོག་སྤྱི་ཚོགས་ཁ་བྲལ་འགྲོ་གཞི་སོགས་ཀྱི་སྐོར་བགྲོ་གླེང་གནང་འདུག།
གནད་དོན་དེའི་ཐོག་རྒྱ་ནག་གི་ཕྱི་འབྲེལ་ལྷན་ཁང་གི་རྒྱུན་ལྡན་གྱི་གསར་འགོད་ལྷན་ཚོགས་ཐོག གསར་འགོད་པས་རྒྱ་ནག་གི་མགྲིན་ཚབ་པར་དྲི་བ་བཏང་དུས་རྒྱ་ནག་གི་མགྲིན་ཚབ་པ་ Hong Lei་ཡིས། ༧གོང་ས་མཆོག་གིས་ཨ་མི་རི་ཀའི་ནང་གི་མཛད་རིམ་ཁག་གི་ཀུན་སློང་གང་ཡིན་པ་དེ་ངོས་འཛིན་བྱེད་དགོས་པ་དང་། དམིགས་ཡུལ་གཙོ་བོ་བོད་ཀྱི་རང་བཙན་གྱི་དམིགས་ཡུལ་སྒྲུབ་པའི་ཆེད་དུ་ཡིན་པའི་ཆ་ནས་མི་མང་རྣམས་ཀྱིས་དོན་དམ་གྱི་ཀུན་སློང་དེ་ཤེས་རྟོགས་དགོས་པའི་སྐོར་བཤད་འདུག
དེ་སྔོན་༧གོང་ས་སྐྱབས་མགོན་ཆེན་པོ་མཆོག་གིས་ཨ་མི་རི་ཀའི་སྲིད་འཛིན་ཨོ་བྷ་མ་མཆོག་དང་མཇལ་འཕྲད་གནང་བའི་སྔ་རྗེས་སུ་ཡང་རྒྱ་ནག་གིས་སྐྱོན་བརྗོད་བྱས་ཡོད་པ་རེད།

གསར་འགོད་པ་ཀརྨ་རྡོ་རྗེ།

བལྟ་བཤེར་མང་ཤོས་བྱས་པའི་གནས་ཚུལ།
RFA
རྒྱལ་ཁབ་ཁག་བཅོ་བརྒྱད་ནང་བོད་དོན་དང་བླངས་ཞུ་གཏུག་པ་ ༥༢༡ དང་བླང་གི་ཐོག་ནས་འཛུལ་ཞུགས་གནང་ཡོད་སྐོར། ཕྱི་དྲིལ་བཀའ་བློན་ནས་གྲོས་ཚོགས་སུ་གསུངས་པ།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
དཔྱ་དངུལ་ཆག་ཡང་བཏང་བའི་ལོ་གཅིག་ནང་བོད་མི་དྲུག་སྟོང་ལྔ་བརྒྱ་ལྷག་གིས་དཔྱ་དངུལ་ལག་དེབ་གསར་བཟོ་དང་བསྐྱར་གསོ་གནང་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎