བྱམས་བརྩེ་ནི་རང་གཞན་ཀུན་ལ་མཐུན་པའི་བདེ་བའི་རྒྱུ་ཡིན།


2017.09.11
༧གོང་ས་སྐྱབས་མཆོན་ཆེན་པོ་མཆོག་གིས་འཁྲུག་རྩོད་ནང་ཚུད་པའི་བྱིས་པ་སྲུང་སྐྱོབ་ཚོགས་པའི་ལྷན་ཚོགས་སུ་བཀའ་སློབ་བསྩལ་སྐབས། ༢༠༡༧།༩།༡༠ ༧གོང་ས་སྐྱབས་མཆོན་ཆེན་པོ་མཆོག་གིས་འཁྲུག་རྩོད་ནང་ཚུད་པའི་བྱིས་པ་སྲུང་སྐྱོབ་ཚོགས་པའི་ལྷན་ཚོགས་སུ་བཀའ་སློབ་བསྩལ་སྐབས། ༢༠༡༧།༩།༡༠
ཽOHHDL

༧གོང་ས་སྐྱབས་མཆོན་ཆེན་པོ་མཆོག་གིས་འཁྲུག་རྩོད་ནང་ཚུད་པའི་བྱིས་པ་སྲུང་སྐྱོབ་ཚོགས་པའི་ལྷན་ཚོགས་སུ་བཀའ་སློབ་བསྩལ་འདུག
དེ་ཡང་དབྱིན་ཇིའི་མངའ་ཁོངས་བྱང་ཨ་ཡིར་ལེནྜ་མངའ་ཁུལ་གྱི་རྒྱལ་ས་(Derry)་ནང་དུ་སྐུ་ཞབས་Richard Moore་གིས་འཁྲུག་རྩོད་ནང་ཚུད་པའི་བྱིས་པ་སྲུང་སྐྱོབ་ཚོགས་པ་ཞེས་པ་བཙུགས་ནས་ལོ་ངོ་༢༠་འཁོར་བའི་དུས་ཆེན་མཛད་སྒོའི་ཐོག ༧གོང་ས་སྐྱབས་མགོན་ཆེན་པོ་མཆོག་ཆིབས་བསྒྱུར་བསྐྱང་བར་ཇི་ལྟར་གསོལ་བ་བཏབ་པ་བཞིན་བཀའ་བཞེས་བཟང་པོ་སྨིན་སྩལ་གྱིས་ཁུལ་དེར་ཆིབས་སྒྱུར་བསྐྱངས་ནས་བཀའ་སློབ་སྩལ་ཡོད།
༧གོང་ས་མཆོག་གིས་བཀའ་སྩལ་དོན། གུས་བཀུར་འོས་པའི་མཛའ་གྲོགས་མཆོག ཁྱེད་ནི་ངོས་ཀྱི་དཔའ་བོ་ཡིན། ཞེས་ངོས་ཀྱིས་རྒྱུན་དུ་འབོད་བཞིན་ཡོད། ངོས་རང་ཐོག་མར་ཁྱེད་ཀྱི་མི་ཚེའི་ལོ་རྒྱུས་ཐོས་སྐབས་སེམས་འགུལ་ཤུགས་ཆེ་ཐེབས་བྱུང་། ངོས་ཀྱིས་རྒྱུན་དུ་ཁ་ནས་བྱམས་བརྩེ་བཤད་པ་ཙམ་ལས་ཉམས་མྱོང་ཐོག་ནས་ཁྱེད་ལྟར་བྱེད་ཐུབ་ཨེ་ཡོང་བསམ་པ་དྲན་བཞིན་འདུག ཁྱེད་ཀྱིས་འཁྲུག་རྩོད་ནང་ཚུད་པའི་བྱིས་པ་སྲུང་སྐྱོབ་ཚོགས་པ་བཙུགས་ནས་ཕྱག་ལས་དེ་འདྲ་གནང་བཞིན་པ་དེས་སྙིང་སྟོབས་ཇི་ཙམ་ཡོད་པ་གསལ་སྟོན་གནང་ཡོད། ཁྱེད་ལ་ཉམས་མྱོང་གང་བྱུང་བ་དེས་ཁོང་བྱིས་པའི་སྐབས་བྱང་ཕྱོགས་ཨ་ཡིར་ལེན་ཌིར་ཡེ་ཤུ་རྣམ་བདག་ཆོས་ལུགས་དང་ཡེ་ཤུ་གསར་མ་གཉིས་དབར་འཁྲུག་རྩོད་བྱུང་རྐྱེན་ཉིན་ཞིག་ཁོང་སློབ་གྲྭ་ནས་ཕྱིར་ནང་དུ་ལོག་སྐབས་འཁྲུག་རྩོད་ཤོར་བཞིན་པའི་སྐབས་ཡིན་སྟབས། ཉེན་རྟོག་པ་ཞིག་གིས་མེ་མདའ་བརྒྱབ་ནས་ཁོང་གི་མིག་ལ་ཕོག་ནས་ལོང་བར་གྱུར། ཁྱེད་ཀྱི་མི་ཚེར་འགྱུར་བ་བཏང་ཡོད། ཁོང་ཁྲོ་ཟ་རྒྱུའི་ཚབ་ཏུ་བྱམས་བརྩེའི་བློ་བསྐྱེས་པ་དེ་ནི་ངོ་མཚར་ལྡན་པ་ཞིག་རེད། བྱམས་བརྩེ་ནི་རང་གཞན་ཀུན་ལ་མཐུན་པའི་རྒྱུ་ཡིན། ཚན་རིག་པས་ཀྱང་མིའི་ལྷན་སྐྱེས་ཀྱི་རང་བཞིན་དེ་བྱམས་བརྩེ་ལྡན་པ་ཡིན་སྐོར་བརྟག་དཔྱད་ཀྱི་ལམ་ནས་ར་སྤྲོད་ཐུབ་ཡོད། ཁོང་ཁྲོ་ཟ་ན་ལུས་པོའི་འཕྲོད་བསྟེན་ཡག་ཏུ་འགྲོ་རྒྱུ་རེད། ཅེས་སྨན་པ་སུས་ཀྱང་བརྗོད་ཀྱི་མ་རེད། འཚེ་བས་ཞི་བདེ་བསྐྲུན་མི་ཐུབ། མིའི་དཀའ་ངལ་དེ་དག་མིའི་འདུ་ཤེས་གཞི་རྩར་བཟུང་ནས་སེལ་དགོས་པ་ཞིག་ཡིན། དེར་བརྟེན་ཕན་ཚུན་གུས་བརྩི་ལྡན་པའི་ཐོག་ནས་གྲོས་མོལ་བརྒྱུད་དཀའ་ངལ་སེལ་ཏེ་ཞི་བདེ་བསྐྲུན་ཐབས་བྱེད་དགོས། ངོས་རང་ཡོ་རོབ་སྤྱི་མཐུན་ཚོགས་པའི་སྒྲིག་འཛུགས་ལ་བསྔགས་བརྗོད་ཞུ་མཁན་ཞིག་ཡིན། རྒྱལ་ཁབ་བྱེ་བྲག་པའི་བསམ་བློ་ལས་སྤྱིའི་ཁེ་ཕན་གལ་ཆེ་བར་བཟུང་ནས་སྤྱི་པའི་སྒྲིག་འཛུགས་དེ་བྱུང་བ་རེད་ཕྱོགས་གཞན་ནས་ཨ་རི་བ་ཚོ་གལ་ཆེ་ཤོས་ཡིན་ཞེས་པའི་འབོད་སྒྲ་དེ་དང་། པེ་རི་སིར་གོ་ལའི་ཁོར་ཡུག་སྲུང་སྐྱོབ་ཐོག་གྲོས་ཆོད་བཞག་པ་དེ་ནས་ཨ་རི་ཕྱིར་འཐེན་གནང་བ་དེར་ངོས་ལ་བསམ་ཚུལ་ཕྲན་བུ་ཡོད། ཉེ་ལམ་རང་བྱུང་གོད་ཆག་ཚབས་ཆེ་བྱུང་དང་འབྱུང་བཞིན་པ་དེ་དག་གིས་ང་ཚོར་བརྡ་ལན་ཞིག་གཏོང་བཞིན་ཡོད། གལ་ཏེ་ངོས་ཀྱིས་བཤད་པ་འདིར་ནོར་འཁྲུལ་འདུག་ན་དགོངས་སེལ་ཞུ་རྒྱུ་ཡིན། ཞེས་བཀའ་སློབ་སྩལ་ཡོད་པ་རེད།

གསར་འགོད་པ་བོད་རྒྱལ།

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ཁྲིམས་སྒྲིག་བསྐྱར་བཅོས་འཆར་ཟིན་ཚོགས་ཆུང་གི་ལས་བསྡོམས་གྲོས་ཚོགས་སུ་སྙན་སྒྲོན་གནང་སོང་།
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎