༧གོང་ས་མཆོག་ཚན་རིག་པའི་ལྷན་ཚོཊ་བགྲོ་གླེང་གི་ཚོཊ་མགོན་དུ་བཞུཊ་འདུག
2017.09.14
བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ཇར་མན་ནང་ཆིབས་བསྒྱུར་སྐྱོང་བཞིན་ཡོད་པ་ལྟར། འདི་ཚེས་༡༤་ཉིན་ནང་ཆོས་ཀྱི་ཚན་རིག་པ་དང་ནུབ་ཕྱོགས་ཚན་རིག་པའི་དབར་གྱི་ལྷན་ཚོགས་ཀྱི་ཚོགས་མགོན་དུ་ཆིབས་བསྒྱུར་བཀྲིན་ཆེ་གནང་མཛད་འདུག
ལྷན་ཚོགས་དེའི་ཐོག་དམིགས་བསལ་༧གོང་ས་སྐྱབས་མགོན་ཆེན་པོ་མཆོག་གིས་ཡོངས་གྲགས་སུ་གང་ཉིད་ཀྱི་ཚད་རྡུལ་རིག་པའམ་(Quantum Physics)་ཀྱི་དགེ་རྒན་དུ་བཀའ་གནང་པ། ཇར་མན་གྱི་ཚན་རིག་པ་གྲགས་ཅན་(Carl Friedrich von Weizsäcker)་འདས་པོ་དེ་ཉིད་ཀྱི་བུ་ཆེད་དུ་སྐུ་མགྲོན་དུ་མགྲོན་འབོད་གནང་སྟེ། ཁོང་གི་ཡབ་དགོངས་པ་རྫོགས་ཏེ་ལོ་ངོ་བཅུ་འཁོར་བར་དམིགས་བསལ་ཆེ་བསྟོད་ཞིག་ཀྱང་གནང་འདུག
ཉིན་གུང་གི་ལྗགས་སྨིན་གྲུབ་རྗེས་༧གོང་ས་༧སྐྱབས་མགོན་ཆེན་པོ་མཆོག་ཇར་མན་བོད་ཁང་དུ་གནས་གཟིགས་རབ་གནས་ཆེད་ཆིབས་བསྒྱུར་བསྐྱངས་ཐོག ཇར་མན་དང་རྒྱལ་སྤྱིའི་གསར་འགོད་པ་ཁག་དང་མཇལ་འཕྲད་གནང་མུས་ཡིན་པ་རེད།
གོང་གི་ལྷན་ཚོགས་དེའི་ཐོག་(Hesse)་མངའ་སྡེའི་ཁོངས་ཀྱི་སློབ་གྲྭ་འདྲ་མིན་ནས་དམིགས་བསལ་འདེམས་སྒྲུག་བྱས་པའི་སློབ་ཕྲུག་༡༦༠༠་ཡས་མས་ཙམ་ལ་དྲི་བ་དྲིས་ལན་སྐབས་རང་དབང་དང་བྱམས་བརྩེ་གལ་ཆེན་པོ་ཡིན་སྐོར་བཀའ་སྩལ་གནང་མཛད་ཡོད་པ་རེད།
སང་ཉིན་ཕྱི་ཚེས་ ༡༥ ཉིན་༧གོང་ས་༧སྐྱབས་མགོན་ཆེན་པོ་མཆོག་ཇར་མན་ནས་ཨི་ཊ་ལིའི་གྲོང་ཁྱེར་ སི་སི་ལིར་ཞབས་སོར་འཁོད་གནང་མཛད་རྒྱུ་ཡིན་འདུག
གསར་འགོད་པ་རིག་ལྡན་སྒྲོལ་མ།