༧གོང་ས་མཆོག་རྒྱ་གར་བྱང་ཤར་མ་ནི་པུར་ནང་ཞབས་སོར་བདེ་བར་འཁོད་འདུག


2017.10.17
༧གོང་ས་མཆོག་རྒྱ་གར་བྱང་ཤར་མ་ནི་པུར་ནང་ཞབས་སོར་འཁོད་སྐབས་མངའ་སྡེའི་སྤྱི་ཁྱབ་བློན་ཆེན་(N Biren Singh)་མཆོག་གིས་སྣེ་ལེན་ཕེབས་བསུ། ༢༠༡༧།༡༠།༡༧ ༧གོང་ས་མཆོག་རྒྱ་གར་བྱང་ཤར་མ་ནི་པུར་ནང་ཞབས་སོར་འཁོད་སྐབས་མངའ་སྡེའི་སྤྱི་ཁྱབ་བློན་ཆེན་(N Biren Singh)་མཆོག་གིས་སྣེ་ལེན་ཕེབས་བསུ། ༢༠༡༧།༡༠།༡༧
OHHDL

བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་རྒྱ་གར་གྱི་མ་ནི་པུར་(Manipur)་ས་གནས་ནང་ཞབས་སོར་འཁོད་འདུག
དེ་ཡང་ཕྱི་ཚེས་༡༧་ཉིན་༧གོང་ས་སྐྱབས་མགོན་ཆེན་པོ་མཆོག་རྒྱ་གར་གྱི་མ་ནི་པུར་(Manipur) མངའ་སྡེའི་གྲོས་ཚོགས་ཀྱི་ཚོགས་གཙོས་གདན་ཞུ་གསོལ་འདེབས་ཞུ་དོན་ལྟར། མངའ་སྡེ་དེའི་ནང་ཞབས་སོར་འཁོད་ཡོད་པའི་སྐོར་རྒྱ་གར་གྱི་ས་གནས་དཔོན་རིགས་ནས་འགྲེལ་བརྗོད་བྱས་ཡོད་ཅིང་། (Manipur)་མངའ་སྡེའི་སྤྱི་ཁྱབ་བློན་ཆེན་(N Biren Singh)་མཆོག་ནས་༧གོང་ས་སྐྱབས་མགོན་ཆེན་པོ་མཆོག་མངའ་སྡེའི་ཆེས་མཐོའི་སྐུ་མགྲོན་གཙོ་བོར་གདན་ཞུ་གནང་བ་དང་འབྲེལ་མངའ་སྡེའི་གཞུང་གིས་༧གོང་ས་མཆོག་ལ་དགོས་ངེས་ཀྱི་མཐུན་རྐྱེན་ཚང་མ་འབུལ་རྒྱུ་ཡིན་སྐོར་གཟའ་ཟླ་བའི་ཉིན་རྒྱ་གར་གྱི་གསར་འགྱུར་བརྒྱུད་ལམ་(IANS)་ཞེས་པར་འགྲེལ་བརྗོད་གནང་ཡོད་པ་དང་། ཕྱོགས་མཚུངས་ཕྱི་ཚེས་༡༨་ཉིན་༧གོང་ས་མཆོག་ལ་(Convention)་ལྟེ་གནས་ཚོགས་ཁང་དུ་ཕེབས་བསུའི་ལྷན་ཚོགས་ཤིག་བསྐོང་ཚོགས་ཞུ་རྒྱུ་ཡིན་པའི་སྐོར་གསུངས་འདུག
༧གོང་ས་སྐྱབས་མགོན་ཆེན་པོ་མཆོག་མ་ནི་པུར་གྱི་ཆིབས་བསྒྱུར་འདི་ནི་ད་ལོ་ཕྱི་ཟླ་བཞི་པའི་ནང་(Arunachal)་མངའ་སྡེའི་ནང་ཆིབས་བསྒྱུར་བསྐྱངས་པའི་རྗེས་རྒྱ་གར་གྱི་བྱང་ཤར་ཁུལ་དུ་ད་ལོ་ཆིབས་བསྒྱུར་བསྐྱངས་ཐེངས་གཉིས་པ་དེ་ཡིན་པ་རེད།
(Manipur)་ཁུལ་དུ་བཞུགས་ཞག་གསུམ་རིང་གི་མཛད་འཕྲིན་ཁོངས་སུ་ཕྱི་ཟླ་ ༡༠ ཚེས་ ༡༧ སྔ་དྲོ་མ་ནི་པུར་(Mainpur)་གྲོས་ཚོགས་ཀྱི་ཚོགས་གཙོས་གཙོ་སྐྱོང་གནང་རྒྱུའི་ཞི་བདེ་དང་འཆམ་མཐུན་ཞེས་པའི་བརྗོད་གཞིའི་རྒྱལ་སྤྱིའི་ལྷན་ཚོགས་ཤིག་ཐོག་༧ཞབས་སོར་འཁོད་དེ་བཀའ་སློབ་སྩོལ་རྒྱུ་ཡིན་ཞིང་། དེ་བཞིན་༧གོང་ས་མཆོག་ནས་མངའ་སྡེའི་དཔོན་རིགས་ཁག་དང་མཇལ་འཕྲད་གནང་རྒྱུ་མ་ཟད། མང་ཚོགས་ལ་གསུང་བཤད་གནང་རྒྱུའི་མཛད་འཆར་ཡང་ཡོད་འདུག།

གསར་འགོད་པ་འཆི་མེད་དང་རྡོ་རྗེ་དགྲ་འདུལ།

བལྟ་བཤེར་མང་ཤོས་བྱས་པའི་གནས་ཚུལ།
RFA
རྒྱལ་ཁབ་ཁག་བཅོ་བརྒྱད་ནང་བོད་དོན་དང་བླངས་ཞུ་གཏུག་པ་ ༥༢༡ དང་བླང་གི་ཐོག་ནས་འཛུལ་ཞུགས་གནང་ཡོད་སྐོར། ཕྱི་དྲིལ་བཀའ་བློན་ནས་གྲོས་ཚོགས་སུ་གསུངས་པ།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
དཔྱ་དངུལ་ཆག་ཡང་བཏང་བའི་ལོ་གཅིག་ནང་བོད་མི་དྲུག་སྟོང་ལྔ་བརྒྱ་ལྷག་གིས་དཔྱ་དངུལ་ལག་དེབ་གསར་བཟོ་དང་བསྐྱར་གསོ་གནང་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎