ཞི་བདེའི་བཀའ་སློབ་ལམ་སྟོན་གྱི་པར་རིས་འགྲེམས་སྟོན།

༄༅།    །Ukraineརྒྱལ་ཁབ་ནང་༸གོང་ས་མཆོག་གི་ཞི་བདེའི་བཀའ་སློབ་ལམ་སྟོན་གྱི་པར་རིས་འགྲེམས་སྟོན་ཞིག་གནང་འདུག    དེ་ཡང་དབུས་བོད་མིའི་སྒྲིག་འཛུགས་ཀྱི་དྲ་ཚིགས་ཐོག་གནས་ཚུལ་སྤེལ་བའི་ནང་པར་རིས་འགྲེམས་སྟོན་དེ་བཞིན་ཡུག་རེན་རྒྱལ་ཁབ་ཁྱོན་ཡོངས་སུ་སྐོར་སྐྱོད་ཀྱིས་སྤེལ་བཞིན་ཡོད་པ་དང་།  ད་ལྟའི་ཆར་ཡུལ་དེའི་Mariupol ཟེར་བའི་གྲོང་ཁྱེར་ནང་སྐོར་སྐྱོད་ཀྱིས་དུས་ཡུན་ཉིན་གྲངས་བཅུའི་རིང་གྲོང་ཁྱེར་དེའི་ནང་འགྲེམས་སྟོན་གནང་རྒྱུ་ཡིན་ཞིང་།  གྲོང་ཁྱེར་དེའི་ནང་པར་རིས་འགྲེམས་སྟོན་གྱི་དབུ་འབྱེད་མཛད་སྒོའི་ཐོག་གཞོན་སྐྱེས་ཧ་ཅང་མང་པོ་སླེབས་ཡོད་པ་དང་།    ས་གནས་དེའི་ནང་པར་རིས་འགྲེམས་སྟོན་གོ་སྒྲིག་ཞུ་མཁན་ཚོགས་པའི་འགན་འཛིན་Andrey Tolkachཡིས་གསུང་ན།    པར་རིས་དབུ་འབྱེད་ཀྱི་མཛད་སྒོའི་ཐོག་ཕེབས་པའི་གཞོན་སྐྱེས་མང་པོ་ཞིག་དམག་འཁྲུག་དང་འཁྲུག་རྩོད་བྱུང་ཁུལ་ས་གནས་མི་མང་ཚོར་དྭངས་བླངས་ཞབས་ཞུའི་རོགས་རམ་བྱེད་མཁན་ཡིན་པ་དང་།   གཞོན་སྐྱེས་དེ་ཚོར་༧གོང་ས་མཆོག་གིས་ཞི་བདེ་དང་བདེ་སྐྱིད།    སྙིང་རྗེ་གཞན་ཕན་གྱི་རླབས་ཆེའི་བཀའ་སློབ་དེ་ཚོ་རྒྱུད་སྤེལ་བྱ་ཐུབ་ཚེ་ཕན་ཐོགས་ཆེན་པོ་ཡོང་རྒྱུ་ཡིན་པ་གསུངས་འདུག    སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་ཞི་བདེའི་སྐོར་གྱི་བཀའ་སློབ་དང་འབྲེལ་བའི་འགྲེམས་སྟོན་དེ་བཞིན་རུ་སུ་སྐུ་ཚབ་དོན་གཅོད་ལས་ཁང་དང་མོའོ་སེ་ཁོའོ་བོད་ཀྱི་ཐེབས་རྩ་ཁང་སོགས་ཀྱིས་ཤུགས་ཆེའི་རྒྱབ་སྐྱོར་འོག་སྤེལ་བ་ཞིག་ཡིན་འདུག་ཅིང་།  པར་རིས་འགྲེམས་སྟོན་དེ་བཞིན་༧གོང་ས་༧སྐྱབས་མགོན་ཆེན་པོ་མཆོག་འཛམ་གླིང་ས་ཕྱོགས་མང་པོར་ཕེབས་པའི་སྐབས་ཞི་བདེ་དང་འབྲེལ་བའི་བཀའ་སློབ་བསྩལ་སྐབས་འཛམ་གླིང་ནང་སྙན་གྲགས་ཆེ་བའི་པར་པ་རྣམས་ཀྱི་སྒྲོན་པའི་སྐུ་པར་བསྡུ་རུབ་ཞུས་པ་ཞིག་རེད་འདུག
གསར་འགོད་པ་འཆི་མེད།