༧གོང་ས་མཆོག་གི་ཨ་རིའི་ནང་གི་མཛད་འཆར་ཁག་ཕྱིར་འཐེན་གནང་ཡོད་པ།


2015.09.26
༧གོང་ས་མཆོག་གི་ཨ་རིའི་ནང་གི་མཛད་འཆར་ཁག་ཕྱིར་འཐེན་གནང་ཡོད་པ། ཉེ་ཆར་༧གོང་ས་༧སྐྱབས་མགོན་ཆེན་པོ་མཆོག་དབྱིན་ཡུལ་དུ་ཆིབས་བསྒྱུར་མཛད་གནང་སྐབས་ཀྱི་སྐུ་པར།
༧དཔལ་ལྡན་སྐུ་སྒེར་དྲ་གནས།

༄༅། །བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ལ་སྨན་པས་བདུན་ཕྲག་ཁ་ཤས་སྐུ་ངལ་གསོས་དགོས་པའི་ཞབས་སྐུལ་ཞུས་པ་བཞིན། ༧གོང་ས་མཆོག་གི་ཕྱི་ཟླ་བཅུ་པའི་ནང་གི་ཨ་རིའི་མཛད་འཆར་ཁག་ཕྱིར་འཐེན་གནང་ཡོད་འདུག  རྩ་བའི་༧གོང་ས་༧སྐྱབས་མགོན་ཆེན་པོ་མཆོག་གི་སྐུ་གཟུགས་ལ་སྙུང་གཞིའི་རིགས་གང་ཡང་མེད་ཀྱང་ འཆར་ཅན་སྐུའི་འཕྲོད་བསྟེན་བརྟག་དཔྱད་ཆེད་ཨ་རིའི་མན་ནི་སོ་ཌའི་མེ་ཡོའོ་སྨན་ཁང་དུ་ཕེབས་ཡོད་པ་དང་། སྨན་པས་ཞབས་སྐུལ་ཞུས་པ་བཞིན་སྐུ་ངལ་གསོས་ཆེད་ཟླ་བ་རྗེས་མའི་ཨ་རིའི་ནང་གི་མཛད་འཆར་ཁག་ཕྱིར་འཐེན་གནང་བ་ཞིག་ཡིན་འདུག  ཁ་ས་དགའ་ལྡན་ཕོ་བྲང་ཡིག་ཚང་ནས་གསལ་བསྒྲགས་ཤིག་གནང་བའི་ནང་། ༧གོང་ས་མཆོག་གི་ཨ་རིའི་ནང་གི་ཕྱི་ཟླ་བཅུ་པའི་མཛད་འཆར་ཁག་ཕྱིར་འཐེན་གནང་དགོས་ཆགས་ཡོད་པ་དང་། དེས་རྐྱེན་པས་མཛད་འཆར་གོ་སྒྲིག་ཞུ་མཁན་དང་། མི་མང་མང་པོ་ཞིག་ལ་སྟབས་མི་བདེ་བ་བྱུང་ཡོད་པ་དེར་བློ་ཕམ་ཡོད་ཅེས་གསུངས་བཞག  ཡང་སྐུ་སྒེར་དྲུང་ཆེ་འཆི་མེད་རིག་འཛིན་ལགས་ཀྱིས་ཨེ་པི་གསར་འགྱུར་ལས་ཁང་ལ་༧གོང་ས་༧སྐྱབས་མགོན་ཆེན་པོ་མཆོག་གི་སྐུའི་འཕྲོད་བཞེས་ཀྱི་བརྟག་དཔྱད་ལེགས་པར་གྲུབ་སྟེ་སྐུ་ཁམས་གསལ་ཐང་ཡིན་པ་ནན་བརྗོད་གནང་ཡོད་འདུག
CNN བརྙན་འཕྲིན་ལས་ཁང་གིས་ཨ་རིའི་ཕྱི་སྲིད་ལས་ཁུངས་ལ་༧གོང་ས་༧སྐྱབས་མགོན་ཆེན་པོ་མཆོག་གི་ཨ་རིའི་མཛད་འཆར་ཁག་ཕྱིར་འཐེན་གནང་བ་དེའི་ཐོག་འགྲེལ་བརྗོད་གནང་རོགས་ཞུས་པར། ཨ་རིའི་ཕྱི་སྲིད་ལས་ཁུངས་ཀྱི་མགྲིན་ཚབ་པ་Julia Strakerལགས་ཀྱིས་ ༧གོང་ས་༧སྐྱབས་མགོན་ཆེན་པོ་མཆོག་ནི་འཛམ་གླིང་ནང་གི་ཆེས་གུས་བཀུར་འོས་པའི་མི་སྣ་ཞིག་ཡིན་པ་དང་། ཁོང་ཨ་རིའི་ནང་ཕེབས་རྒྱུར་ག་དུས་ཡིན་ཀྱང་ང་ཚོས་དགའ་བསུ་ཞུ་གི་ཡོད་ཅེས་གསུངས་བཞག།

གསར་འགོད་པ་ཚེ་དབང་དངོས་གྲུབ།

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
དབོན་སྟོད་དགོན་པའི་ཕྱག་མཛོད་བགྲེས་པ་དང་གྲོང་ཚོའི་ལས་བྱེད་པ་གཉིས་ཀྱི་གྱོད་དོན་གཞུང་ཕྱོགས་གྱོད་ཞིབ་པར་རྩིས་སྤྲད་ཟིན་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎