ལྟ་བ་མཁྲེགས་བཟུང་ཅན་ཚོས་འགོག་རྐྱེན་བཟོ་བཞིན་འདུག


2014.12.17
རྒྱ་ནག་གི་སྲིད་འཛིན་ཞི་ཅིན་ཕེན། ༢༠༡༣།༦ རྒྱ་ནག་གི་སྲིད་འཛིན་ཞི་ཅིན་ཕེན། ༢༠༡༣།༦
AFP

བོད་ལ་དོན་དམ་པའི་རང་སྐྱོང་གི་གནས་བབ་སྤྲོད་རྒྱུར་ལྟ་བ་མཁྲེཊ་བཟུང་ཅན་གྱི་རྒྱ་མིའི་དཔོན་རིགས་ཚོས་འགོག་རྐྱེན་བཟོ་བཞིན་འདུག་གསུངས།   
དེ་ཡང་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་France 24 ཞེས་རྒྱལ་སྤྱིའི་ནང་གནས་ཚུལ་རྒྱང་སྲིང་བྱེད་མཁན་ཕ་རན་སིའི་བརྙན་འཕྲིན་ལས་ཁང་གི་བཅའ་འདྲི་དང་ལེན་མཛད་སྐབས། ཉེ་དུས་རྒྱ་ནག་གི་སྲིད་འཛིན་ཞི་ཅིང་ཕིང་གིས་ནང་ཆོས་སྐོར་གསུངས་བ་དེ་༧མགོན་པོ་གང་ཉིད་ཀྱི་ཐུགས་ལ་བཅངས་ཡོད་པ་དང་། དུས་རྒྱུན་ང་ཚོས་ཆོས་མེད་དམ་དཀོན་མཆོག་ཁས་མི་ལེན་མཁན་ལ་རྩིས་པའི་དམར་པོའི་རིང་ལུགས་ཀྱི་རྗེས་འབྲང་པ་ཞིག་གིས་བཀའ་མོལ་དེ་འདྲ་གནང་བ་དེ་ནི་དུས་རྒྱུན་དང་མི་འདྲ་བ་ཞིག་ཡིན་སྐོར་བཀའ་སྩལ་འདུག ཡང་རྒྱ་ནག་གི་སྲིད་འཛིན་ཞི་ཅིང་ཕིང་གིས་གོང་ཞུས་གཏམ་བཤད་གནང་སྟབས་ ༧གོང་ས་མཆོག་གིས་བོད་ལ་དོན་དམ་དང་མིང་དོན་མཚུངས་པའི་རང་སྲིད་རང་སྐྱོང་དགོས་པའི་འཐབ་རྩོད་གནང་བཞིན་པ་དེའི་སྐོར་གྲོས་བསྡུར་གནང་སྲིད་པའི་ཡིད་ཆེས་ཡོད་མེད་བཅའ་འདྲི་ཞུ་སྐབས། ༧གོང་ས་མཆོག་ནས་དེའི་མཚོན་རྟགས་འགའ་ཤས་ཡོད་སྐོར་བཀའ་ལན་བསྩལ་བ་དང་དུས་མཚུངས་ཡིན་ནའི་རྒྱ་གཞུང་གི་དཔོན་རིགས་ཁྲོད་ལྟ་བ་མཁྲེགས་པོ་འཛིན་མཁན་མང་པོ་ཡོད་པས་རྒྱ་ནག་གི་སྲིད་འཛིན་ཞི་ཅིན་ཕིང་གིས་བོད་ལ་དོན་དམ་པའི་རང་སྐྱོང་གི་གནས་བབ་སྤྲོད་རྒྱུར། ལྟ་བ་མཁྲེགས་བཟུང་ཅན་གྱི་རྒྱ་མིའི་དཔོན་རིགས་གཞན་ཚོས་འགོག་རྐྱེན་བཟོ་གིན་ཡོད་སྐོར་གསུངས་འདུག ད་དུང་༧གོང་ས་མཆོག་གིས་ད་ལྟའི་རྒྱ་ནག་གི་སྲིད་འཛིན་ཞི་ཅིང་ཕིང་ནི་ལས་ཀར་ཧུར་བརྩོན་ཆེ་བ་དང་། གྲུང་ཤ་དོད་པ། དེ་བཞིན་གཡོ་ཟོལ་མེད་པ་ཞིག་ཡིན་ནའི་ད་དུང་ཡང་བསམ་བློ་རྙིང་པ་གཏོང་སྟངས་དེ་གཏིང་རིང་པོ་གནས་ཡོད་པ་སོང་ཙང་འགྱུར་བ་འགྲོ་རྒྱུ་ཁག་པོ་ཡིན་སྐོར་ཡང་བཀའ་ལན་བསྩལ་འདུག  

གསར་འགོད་པ་བསོད་ནམས་ལྷ་མོ།

བལྟ་བཤེར་མང་ཤོས་བྱས་པའི་གནས་ཚུལ།
RFA
རྒྱལ་ཁབ་ཁག་བཅོ་བརྒྱད་ནང་བོད་དོན་དང་བླངས་ཞུ་གཏུག་པ་ ༥༢༡ དང་བླང་གི་ཐོག་ནས་འཛུལ་ཞུགས་གནང་ཡོད་སྐོར། ཕྱི་དྲིལ་བཀའ་བློན་ནས་གྲོས་ཚོགས་སུ་གསུངས་པ།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
དཔྱ་དངུལ་ཆག་ཡང་བཏང་བའི་ལོ་གཅིག་ནང་བོད་མི་དྲུག་སྟོང་ལྔ་བརྒྱ་ལྷག་གིས་དཔྱ་དངུལ་ལག་དེབ་གསར་བཟོ་དང་བསྐྱར་གསོ་གནང་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎