རྒྱལ་སྤྱིའི་བོད་རྒྱ་མཐུན་ཚོགས་ཀྱི་ཚོགས་ཆེན་དང་པོ།


2016.04.25
རྒྱལ་སྤྱིའི་བོད་རྒྱ་མཐུན་ཚོགས་ཀྱི་ཚོགས་ཆེན་དང་པོ། རྒྱལ་སྤྱིའི་བོད་རྒྱ་མཐུན་ཚོགས་ཚོགས་ཆེན་ནས་དངོས་ཡོད་གནས་ཚུལ་གཞིར་བཟུང་བྱས་པ་ཡིན་ན་བོད་རང་བཙན་གྱི་རྒྱལ་ཁབ་ཅིག་ཡིན་པའི་ཁྱབ་བསྒྲགས་ཤིག་སྤེལ་བ།
བོད་མིའི་སྒྲིག་འཛུགས་ཀྱི་དྲ་གནས།

༄༅།།ཐེ་ཝན་གྱི་རྒྱལ་ས་ཐའེ་པེ་རུ་ཉིན་གྲངས་གསུམ་རིང་ཚོགས་པའི་རྗེས་རྒྱལ་སྤྱིའི་བོད་རྒྱ་མཐུན་ཚོགས་ཚོགས་ཆེན་གྱིས་བོད་ཀྱི་དངོས་ཡོད་གནས་ཚུལ་གཞིར་བཟུང་བྱས་པ་ཡིན་ན་བོད་རང་བཙན་གྱི་རྒྱལ་ཁབ་ཤིག་ཡིན་པའི་ཁྱབ་བསྒྲགས་གནང་འདུག་།བོད་ཀྱི་བང་ཆེན་དྲ་ལམ་གྱི་བརྒྱུད་ནས་གནས་ཚུལ་སྤེལ་དོན་ལྟར་ན།ཨ་རི་དང་།ཨོ་སི་ཌོ་ལི་ཡ།ཡུ་རོབ།ནིའུ་ཛི་ལན་ཌི།ཨི་སི་རལ།རྒྱ་གར།ཧོང་ཀོང།ཐེ་ཝན་སོགས་ནས་ཕེབས་པའི་བོད་རྒྱ་མི་སྣ་བརྒྱ་དང་ལྔ་བཅུ་ཙམ་རྒྱལ་ས་ཐའེ་པེ་རུ་ཕྱི་ཚེས་༢༢ནས་ཉིན་གྲངས་གསུམ་གྱི་རིང་དུ་འདུ་འཛོམས་གྲོས་མོལ་གནང་ཡོད་ཅིང་།ཁོང་རྣམས་ཀྱིས་ཉིན་གྲངས་གསུམ་གྱི་བགྲོ་གླེང་གི་གྲུབ་འབྲས་ཀྱི་ཚུལ་དུ་ཕྱི་ཚེས་༢༤ཉིན་མཐའ་མའི་ཡོངས་ཁྱབ་བསྒྲགས་གཏམ་ཞིག་སྤེལ་གནང་ཡོད་ཅིང་།བསྒྲགས་གཏམ་དེའི་ནང་ཚོགས་འདུའི་ཐུན་མོང་གི་ངོས་འཛིན་དང་འབོད་བསྐུལ་རིམ་པ་ཁག་གཅིག་བཀོད་གནང་འདུག ལྷག་དོན་དུ་ཐུན་མོང་གི་ངོས་འཛིན་གནང་བའི་ནང་བོད་ནི་དངོས་དོན་གཞིར་བཟུང་བྱས་པ་ཡིན་ན་ལོ་རྒྱུས་ཀྱི་ཐོག་ནས་རང་བཙན་གྱི་རྒྱལ་ཁབ་ཤིག་ཡིན་པ་ངོས་འཛིན་གནང་འདུག དེ་བཞིན་མི་རིགས་རང་ཐག་རང་གཅོད་ནི་བོད་མིའི་ལྷན་སྐྱེས་ཀྱི་ཐོབ་ཐང་ཡིན་པ་ཁྱབ་བསྒྲགས་དེའི་ནང་བཀོད་གནང་འདུག དེ་བཞིན་བསྒྲགས་གཏམ་དེ་ཉིད་ནང་འབོད་བསྐུལ་རིམ་པ་ཁག་བཞི་གནང་ཡོད་ཅིང་།དེ་ཡང་རྒྱལ་སྤྱིའི་སྤྱི་ཚོགས་ལ་འབོད་བསྐུལ་དང་།རྒྱ་ནག་གཞུང་ལ་འབོད་བསྐུལ།བོད་མིའི་སྒྲིག་འཛུགས་ལ་འབོད་བསྐུལ་དང་།གཞུང་འབྲེལ་མིན་པའི་ཚོགས་པ་རྣམས་ལ་འབོད་བསྐུལ་གནང་འདུག ལྷག་དོན་དུ་རྒྱ་ནག་ལ་འབོད་བསྐུལ་གནང་བའི་ནང་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་ཡང་སྲིད་ཀྱི་ངོས་འཛིན་གྱི་སྐུ་དབང་དེ་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་སྒེར་གྱི་སྐུ་དབང་ཁོ་ན་ཡིན་པ་སོགས་བཀོད་གནང་འདུག།
གསར་འགོད་པ་ཀརྨ་རྡོ་རྗེ།

བལྟ་བཤེར་མང་ཤོས་བྱས་པའི་གནས་ཚུལ།
RFA
རྒྱལ་ཁབ་ཁག་བཅོ་བརྒྱད་ནང་བོད་དོན་དང་བླངས་ཞུ་གཏུག་པ་ ༥༢༡ དང་བླང་གི་ཐོག་ནས་འཛུལ་ཞུགས་གནང་ཡོད་སྐོར། ཕྱི་དྲིལ་བཀའ་བློན་ནས་གྲོས་ཚོགས་སུ་གསུངས་པ།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
དཔྱ་དངུལ་ཆག་ཡང་བཏང་བའི་ལོ་གཅིག་ནང་བོད་མི་དྲུག་སྟོང་ལྔ་བརྒྱ་ལྷག་གིས་དཔྱ་དངུལ་ལག་དེབ་གསར་བཟོ་དང་བསྐྱར་གསོ་གནང་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎