རྒྱ་གར་བྱང་ཤར་ཁུལ་དུ་ས་ཡོམ་རྒྱབ་ནས་ཉུང་མཐར་མི་༨་ཤི་བ།


2016.01.04
རྒྱ་གར་བྱང་ཤར་ནང་ས་ཡོམ་གྱི་གནོད་སྐྱོན་ཐེབས་ཡུལ། ༢༠༡༦།༡།༤ རྒྱ་གར་བྱང་ཤར་ནང་ས་ཡོམ་གྱི་གནོད་སྐྱོན་ཐེབས་ཡུལ། ༢༠༡༦།༡།༤
AFP

རྒྱ་གར་བྱང་ཤར་ཁུལ་ལ་ཚད་རིམ་༦.༧ཅན་གྱི་ས་ཡོམ་བྱུང་བའི་འགུལ་ཤུགས་བོད་ནང་དུ་ཡང་སླེབས་ཡོད་པ་རེད་འདུག
དེ་ཡང་རྒྱ་གར་ཀྱི་Business Standardགསར་ཤོག་སོགས་ཀྱིས་གནས་ཚུལ་སྤེལ་བ་ལྟར་ན། དེ་རིང་ཚེས༤ཉིན་གྱི་ཞོགས་པ་ཆུ་ཚོད་༥ཡས་མས་སུ། རྒྱ་གར་བྱང་ཤར་རྒྱུད་ཀྱི་མངའ་སྡེ་ཁག་གཅིག་ནང་། ཚད་རིམ་༦.༧ཅན་གྱི་ས་ཡོམ་བརྒྱབ་ཏེ། ད་བར་ཉུང་མཐར་ཡང་མི་གྲངས་༨་ལྷག་ཤི་བ་དང་། མི་གྲངས་༡༠༠་ལྷག་ལ་རྨས་སྐྱོན་ཕོག་ཡོད་པ་མ་ཟད། ཁང་རྩེག་མང་པོ་རྡིབ་སྐྱོན་བྱུང་ཡོད་པ་རེད།
རྒྱ་ནག་གཞུང་འབྲེལ་ཤིན་ཧྭ་ཡིས་གནས་ཚུལ་སྤེལ་དོན། དེ་རིང་རྒྱ་གར་ལ་ས་ཡོམ་རྒྱབ་པ་དེ་འབར་མ་དང་། བྷང་ལ་རྡེ་ཤེ། འབྲུག་ཡུལ་སོགས་དང་འབྲེལ་བའི་མ་ཚད། བོད་ཀྱི་ལྷ་ས་དང་། ཀོང་པོ། ཆབ་མདོ། ལྷོ་ཁ་ལ་སོགས་པའི་ས་ཁུལ་ཁག་ཅིག་ནང་དུའང་འགུལ་ཤུགས་སླེབས་སྟེ། ས་གནས་དེ་དག་གི་ནང་གནས་པའི་ཡུལ་མི་ཚོས་ས་འགུལ་རྒྱབ་པའི་ཚོར་བ་ཏོག་ཙམ་བྱུང་བ་ལས་ས་གནས་སུ་གོད་ཆག་བྱུང་ཡོད་མེད་དང་། ད་ལྟའི་ཆར་བོད་ནང་དུ་མི་སྣ་རྐྱེན་འདས་སུ་ཕྱིན་ཡོད་མེད་ཐད་ཞིབ་ཕྲའི་གནས་ཚུལ་གང་ཡང་སྤེལ་མི་འདུག
ཨ་རིའི་ས་ཡོམ་རྟོག་ཞིབ་ལས་ཁུངས་ཀྱིས་ཁྱབ་བསྒྲགས་བྱས་པ་ལྟར་ན། ཐེངས་འདིའི་རྒྱ་གར་བྱང་ཤར་ཁུལ་གྱི་ས་ཡོམ་གྱི་ཤུགས་རྐྱེན་བོད་ལྗོངས་ཀྱི་ཉིང་ཁྲི་དང་། ལྷོ་ཁ། ཆབ་མདོ། ལྷ་ས་སོགས་སུ་ཐེབས་ཡོད་འདུག་ཀྱང་། ད་སྔ་མི་རྒྱུར་གནོད་འཚེ་ཕོག་ཡོད་མེད་ཤེས་རྟོགས་བྱུང་མེད་པ་རེད།

གསར་འགོད་པ་དབྱངས་སྒྲོན་དང་ཀླུ་འབུམ།

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ཁྲིམས་སྒྲིག་བསྐྱར་བཅོས་འཆར་ཟིན་ཚོགས་ཆུང་གི་ལས་བསྡོམས་གྲོས་ཚོགས་སུ་སྙན་སྒྲོན་གནང་སོང་།
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎