རྒྱ་ནག་གི་སྐྱོན་བརྗོད་ལ་རྒྱ་གར་གྱིས་ངོས་ལེན་གནང་མི་འདུག


2016.10.25
ཨ་རུ་ན་ཅལ་མངའ་སྡེའི་སྤྱི་ཁྱབ་བློན་ཆེན་པད་མ་མཁའ་འགྲོ་མཆོག་དང་ཨ་རིའི་གཞུང་ཚབ་ཆེན་མོ། 2016/10/22 ཨ་རུ་ན་ཅལ་མངའ་སྡེའི་སྤྱི་ཁྱབ་བློན་ཆེན་པད་མ་མཁའ་འགྲོ་མཆོག་དང་ཨ་རིའི་གཞུང་ཚབ་ཆེན་མོ། 2016/10/22
FB/PK

རྒྱ་ནག་གིས་ཨ་རིའི་གཞུང་ཚབ་ཆེན་མོ་བ་རྒྱ་གར་གྱི་ཨ་རུ་ན་ཅལ་མངའ་སྡེའི་ནང་འཚམས་གཟིགས་ཕེབས་པར་སྐྱོན་བརྗོད་བྱས་པ་དེར་རྒྱ་གར་གཞུང་ནས་ངོས་ལེན་མེད་གནང་མི་འདུག
དེ་ཡང་འདས་པའི་བདུན་ཕྲག་འདིའི་རེས་གཟའ་པ་སངས་ནས་བཟུང་ཉིན་གྲངས་གསུམ་རིང་རྒྱ་གར་གྱི་ཨ་རུ་ན་ཅལ་མངའ་སྡེའི་ནང་རྟ་དབང་དུས་སྟོན་གོ་སྒྲིག་ཞུས་ཡོད་པ་དང་། དུས་སྟོན་གྱི་དབུ་འབྱེད་ཁྱིམ་མཚེས་ཨ་སམ་མངའ་སྡེའི་སྤྱི་ཁྱབ་བློན་ཆེན་མཆོག་གིས་གནང་ཡོད་པ་རེད། ཡང་གོང་ཞུས་དུས་སྟོན་གྱི་མཛད་སྒོའི་ཐོག་རྒྱ་གར་དབུས་གཞུང་གི་ནང་སྲིད་བློན་ཆེན་གཞོན་པ་ཀི་རན་རི་ཇུ་ཇི་མཆོག་དང་། རྒྱ་གར་ནང་ཡོད་པའི་ཨ་མི་རི་ཀའི་གཞུང་ཚབ་པ་སྐུ་ཞབས་རི་ཅདྲ་ཝར་མ་མཆོག་ཀྱང་གདན་ཞུས་ལྟར་ཕེབས་ཡོད་པ་རེད། སྐབས་དེའི་འདྲ་པར་ཁག་ཅིག་སྤྱི་ཚོགས་དྲ་ལམ་བརྒྱུད་བཏོན་གནང་བ་མ་ཟད། སྤྱི་ཁྱབ་བློན་ཆེན་པད་མ་མཁའ་འགྲོ་མཆོག་གི་གཙོས་པས་འབྲེལ་ཡོད་ཚོས་ཁོང་ལ་སྣེ་ལེན་ཟབ་རྒྱས་ཞུས་པར་ཐུགས་རྗེ་ཞུས་གནང་བ་དང་སྦྲགས་རྟ་དབང་གི་མཛེས་སྡུག་ལྡན་པའི་ཡུལ་ལྗོངས་ལ་བསྔགས་བརྗོད་གནང་ཡོད་པ་རེད། ཡིན་ནའང་གཟའ་ཟླ་བའི་ཉིན་རྒྱ་ནག་གི་ཕྱི་སྲིད་ལས་ཁུངས་ཀྱི་མགྲིན་ཚབ་པས། གསར་འགོད་ལྷན་ཚོགས་ཐོག་ང་ཚོ་རྒྱ་ནག་དང་རྒྱ་གར་གཉིས་ཀྱི་ས་མཚམས་ཐོག་ཞི་བའི་ཐོག་ནས་གྲོས་མོལ་བྱེད་ཀྱི་ཡོད་པའི་དུས་ཚོད་འདིར་ཐེ་བྱུས་བྱེད་པ་འདི་ནི་ཨ་རིའི་གཞུང་གི་འབྲེལ་ཡོད་ལས་བྱེད་ནས་འགན་མ་འཁྱེར་བའི་བྱ་སྤྱོད་ཞིག་རེད་ལ་དེས་ད་ལྟའི་དཀའ་རྙོག་སེལ་རྒྱུའི་ཚབ་ཏུ་ཞི་བདེ་བརྟན་བརླིང་ལ་དོ་ཕོག་དང་གནས་སྟངས་ཇེ་སྡུག་ཏུ་འགྲོ་གཞི་ཞིག་རེད། དེ་འདྲ་ཡིན་དུས་ང་ཚོས་བྱ་སྤྱོད་དེར་མཐའ་ཅིག་ངོ་རྒོལ་ཡོད་ཅེས་འགྲེལ་བརྗོད་བྱས་ཡོད་པ་རེད། འོན་ཀྱང་གནད་དོན་འདིའི་ཐོག་རྒྱ་གར་ཕྱི་སྲིད་ལས་ཁུངས་ཀྱི་མགྲིན་ཚབ་པ་སྐུ་ཞབས་VikasSwaroopམཆོག་གིས། ཨ་རིའི་གཞུང་ཚབ་ཆེན་མོ་བ་སྐུ་ཞབས་རི་ཅདྲ་ཝར་མ་མཆོག་རྒྱ་གར་དང་ཁ་བྲལ་ཐབས་མེད་པའི་ཆ་ཤས་ཡིན་པའི་ཨ་རུ་ན་ཅལ་མངའ་སྡེའི་ནང་འཚམས་གཟིགས་སུ་ཕེབས་པ་དེ་ནི་གནས་ཚུལ་མི་འདྲ་བ་གང་ཡང་མ་རེད་ཅེས་གསུངས་ཏེ་གང་ལྟར་རྒྱ་ནག་གཞུང་ནས་སྐྱོན་བརྗོད་བྱས་པ་དེར་ངོས་ལེན་གནང་མི་འདུག།
སྤྱིར་བཏང་རྒྱ་ནག་གཞུང་ནས་ཨ་རིའི་གཞུང་ཚབ་ཆེན་མོ་བ་ཕེབས་པའི་སྐབས་སུ་སྐྱོན་བརྗོད་བྱས་པ་ཙམ་མ་ཡིན་པར་རྒྱ་གར་གྱི་སྲིད་བློན་མངའ་སྡེ་དེའི་ནང་ཕེབས་པའི་སྐབས་སུའང་སྐྱོན་བརྗོད་བྱས་ཡོད་པ་རེད།

གསར་འགོད་པ་རིག་འཛིན་ཆོས་སྒྲོན།

བལྟ་བཤེར་མང་ཤོས་བྱས་པའི་གནས་ཚུལ།
RFA
རྒྱལ་ཁབ་ཁག་བཅོ་བརྒྱད་ནང་བོད་དོན་དང་བླངས་ཞུ་གཏུག་པ་ ༥༢༡ དང་བླང་གི་ཐོག་ནས་འཛུལ་ཞུགས་གནང་ཡོད་སྐོར། ཕྱི་དྲིལ་བཀའ་བློན་ནས་གྲོས་ཚོགས་སུ་གསུངས་པ།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
དཔྱ་དངུལ་ཆག་ཡང་བཏང་བའི་ལོ་གཅིག་ནང་བོད་མི་དྲུག་སྟོང་ལྔ་བརྒྱ་ལྷག་གིས་དཔྱ་དངུལ་ལག་དེབ་གསར་བཟོ་དང་བསྐྱར་གསོ་གནང་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎