སྙིང་དཀར་བཀྲ་ཤིས་ཀྱི་ཁ་ཆེམས་ཡི་གེ་ལག་བྲིས་མ།

ཕྱི་ཚེས་ ༡༢ ཉིན་བོད་མདོ་སྨད་རེབ་གོང་མདོ་བ་གད་དམར་ཐང་གི་སློབ་གྲྭའི་ནང་དུ་རང་ལུས་མེར་བསྲེགས་བཏང་མཁན་སྙིང་དཀར་བཀྲ་ཤིས་ཀྱི་ཁ་ཆེམས་ཡི་གེ་ལག་བྲིས་བྱས་ནས་ཡོད་པ་རེད་འདུག
2012-11-13
གློག་འཕྲིན།
མཆན།
འགྲེམ་སྤེལ།
པར་བཀོད།

སྙིང་དཀར་བཀྲ་ཤིས་ཀྱི་ཁ་ཆེམས་ཡི་གེ་ལག་བྲིས་མ།
སྙིང་དཀར་བཀྲ་ཤིས་ཀྱི་ཁ་ཆེམས་ཡི་གེ་ལག་བྲིས་མ།

དེ་ཡང་འདི་ག་རླུང་འཕྲིན་ཁང་ལ་སྙིང་དཀར་བཀྲ་ཤིས་ཀྱི་ཁ་ཆེམས་ཡི་གེ་ལག་བྲིས་མ་འབྱོར་བའི་ནང་ “རྒྱལ་བ་པཎ་ཆེན་རྣམ་གཉིས་གཙོར་མཛད་པའི་བོད་མི་ས་ཡ་དྲུག་ལ། བོད་རང་དབང་དགོས། བོད་རང་བཙན་དགོས། བོད་ཡིག་སློབ་རྒྱུའི་རང་དབང་དགོས། ཕ་སྐད་བཤད་རྒྱུའི་རང་དབང་དགོས། པཎ་ཆེན་རིན་པོ་ཆེ་བཙོན་གྲོལ་བྱེད་དགོས། རྒྱལ་བ་བསྟན་འཛིན་རྒྱ་མཚོ་བོད་ལ་ཕེབས་སུ་འཇུག་དགོས། རང་ལུས་མེར་བསྲེགས་བྱས་ནས་རྒྱ་གཞུང་ལ་ངོ་རྒོལ་བྱེད་པ་ཡིན། ཕ་བཀྲ་ཤིས་རྣམ་རྒྱལ་གཙོར་མཛད་པའི་བཟའ་མི་ཡོངས་ཀྱིས་སེམས་ཁུར་དང་སྡུག་བསྔལ་བྱེད་མི་དགོས། དཀར་པོ་ཆོས་ལ་དད་རྒྱུ། དགེ་བའི་ལམ་ལ་ཞུགས་རྒྱུ་མཁྱེན། བདག་གི་རེ་བ་ནི། བོད་མི་ས་ཡ་དྲུག་གིས་བོད་ཡིག་སློབ་རྒྱུ། ཕ་སྐད་བཤད་རྒྱུ། བོད་ལྭ་གོན་པ། མཐུན་སྒྲིལ་དང་རྡོག་རྩ་གཅིག་སྒྲིལ་བྱེད་རྒྱུ་མཁྱེན་ཞེས་སྙིང་དཀར་བཀྲ་ཤིས་ནས། ”ཞེས་བཀོད་འདུག

ཁོས་སྐུ་ལུས་མེ་བསྲེགས་གཏོང་སྐབས་༸རྒྱལ་བ་རིན་པོ་ཆེ་སྐུ་ཚེ་བརྟན་པར་ཤོག བོད་ལ་རང་དབང་དགོས” ཞེས་སྐད་འབོད་བྱས་ཡོད་པ་རེད།

མཆན། (0)
  • པར་བཀོད།
  • འགྲེམ་སྤེལ།
  • གློག་འཕྲིན།