འཛམ་གླིང་ནང་པའི་ཚོཊ་ཆེན་ཐོག་ཕེབས་འཆར།

ལོ་གསར་བའི་ནང་༧གོང་ས་མཆོག་རྒྱ་གར་ནང་ཚོགས་རྒྱུའི་འཛམ་གླིང་ནང་པའི་ཚོགས་ཆེན་ཐོག་ཆིབས་བསྒྱུར་བསྐྱང་གནང་མཛད་ཀྱི་ཡོད་པ་རེད་འདུག

2012.12.31
༧གོང་ས་མཆོག་གིས་ཉིན་ཤས་གོང་ལྡི་ལིར་ཆོས་འབྲེལ་སྐབས་དབུ་འཛགས་སྐབས། ༧གོང་ས་མཆོག་ཉིན་ཤས་གོང་ལྡི་ལིར་ཆོས་འབྲེལ་དབུ་འཛུགས་སྐབས།
སྐུ་སྒེར་དྲ་གནས།

དེ་ཡང་ལོ་གསར་པའི་ཚེས་༥ནས་༧ བར་གྱི་ཉིན་གྲངས་གསུམ་རིང་རྒྱ་གར་བྱང་ཕྱོགས་བྷེ་ཧཱར་མངའ་སྡེའི་རྒྱལ་ས་པ་ཊི་ནའི་ནང་། སྟོན་པ་བཅོམ་ལྡན་འདས་ཀྱི་དྲན་རྟེན་སྐྱེད་མོས་ཚལ་དུ་། འཛམ་གླིང་ནང་པའི་ཆོས་ཚོགས་ཀྱི་ཚོགས་ཆེན་ཞིག་ཚོགས་ཀྱི་ཡོད་པའི་སར་། སྤྱི་ནོར་གོང་ས་༧སྐྱབས་མགོན་ཆེན་པོ་མཆོག་ཆིབས་བསྒྱུར་བསྐྱང་གཏན་འཁེལ་ཡོད་པ་དང་། འཛམ་གླིང་ནང་པའི་ཚོགས་ཆེན་དེའི་ཐོག་ཐེ་ལན་ཌི་དང་། ཤྲི་རི་ལང་ཀ། ཉི་ཧོང། འབར་མ། རྒྱ་ནག་བཅས་ཀྱི་སྐུ་ཚབ་ ༡༥༠༠ བརྒལ་བ་མཉམ་ཞུགས་གནང་རྒྱུ་ཡིན་ཞིང༌། སངས་རྒྱས་དྲན་རྟེན་གྱི་སྐྱེད་མོས་ཚལ་དེ་བཞིན་༢༠༡༠ ལོར་༧གོང་ས་མཆོག་གིས་སྟོན་པ་མྱ་ངན་ལས་འདས་ཏེ་མི་ལོ་ ༢༥༥༠ འཁོར་བའི་དུས་དྲན་ཁྱད་པར་ཅན་དང་སྟབས་བསྟུན་དབུ་འབྱེད་མཛད་པ་ཞིག་ཡིན་པ་རེད།

ནང་པའི་ཚོགས་ཆེན་དེ་བཞིན་གནས་མཆོག་རྡོ་རྗེ་གདན་དུ་རྟེན་གཞི་བྱས་པའི་རྡོར་གདན་ནང་པའི་མཆོད་རྟེན་འཛིན་སྐྱོང་ཚོགས་ཆུང༌དང། བི་ཧཱར་མངའ་སྡེའི་སྒྱུ་རྩལ་དང་རིག་གཞུང་ལས་ཁུངས་ཐུན་མོང་གི་གོ་སྒྲིག་གནང་བ་ཞིག་རེད་འདུག

ཕྱི༌ཚེས་ ༤ ཉིན་༧གོང་ས་མཆོག་གིས་སྐྱེད་མོས་ཚལ་དེའི་ནང་གནས་མཆོག་རྡོ་རྗེ་གདན་དང་། ཤྲི་རི་ལང་ཀ་ནས་གདན་དྲང་བའི་བྱང་ཆུབ་ལྗོན་ཤིང་གཉིས་ཀྱི་བར་ཞུགས་སུ་གསོལ་བའི་སྟོན་པའི་སྐུ་བརྙན་ཞིག་ལ་རབ་གནས་དབུ་འབྱེད་མཛད་རྒྱུ་ཡིན་པ་དང༌། ཕྱོགས་མཚུངས་༸གོང་ས་༸སྐྱབས་མགོན་ཆེན་པོ་མཆོག་གིས་ཕྱི་ཟླ་ ༡ ཚེས་ ༧ ནས་ ༡༠ བར་ཉིན་གྲངས་བཞིའི་རིང་གནས་མཆོག་ཝ་རཱ་ཎཱ་སིར་རྟེན་གཞི་གནང་བའི་དབུས་བོད་ཀྱི་གཙུག་ལག་སློབ་གཉེར་ཁང་དུ་རྒྱལ་སྲས་ཆེན་པོ་ཞི་བ་ལྷས་མཛད་པའི་སྤྱོད་འཇུག་གི་ཆོས་འབྲེལ་གནང་རྒྱུ་ཡིན་འདུག

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
དབོན་སྟོད་དགོན་པའི་ཕྱག་མཛོད་བགྲེས་པ་དང་གྲོང་ཚོའི་ལས་བྱེད་པ་གཉིས་ཀྱི་གྱོད་དོན་གཞུང་ཕྱོགས་གྱོད་ཞིབ་པར་རྩིས་སྤྲད་ཟིན་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎