ལྡི་ལིར་བོད་རང་བཙན་གྱི་ཚོགས་ཆེན་འཚོགས་འཆར་ཡོད་པ།


2015.04.13
༢༠༡༣ལོར་ལྡི་ལིར་བོད་རང་བཙན་དང་འབྲེལ་བའི་ཚོགས་འདུ་ཞིག་གི་སྐབས། ༢༠༡༣ལོར་ལྡི་ལིར་བོད་རང་བཙན་དང་འབྲེལ་བའི་ཚོགས་འདུ་ཞིག་གི་སྐབས།
FOT

རྒྱ་གར་གྱི་རྒྱལ་ས་ལྡི་ལིར་རྒྱལ་སྤྱིའི་བོད་རང་བཙན་ཚོགས་ཆེན་ཞེས་བ་ཞིག་མི་རིང་བ་འཚོགས་གཏན་འཁེལ་འདུག
དེ་ཡང་བོད་དོན་འཐབ་རྩོད་པ་དང་དོན་གཉེར་བ་ཁག་ཅིག་གིས་ཕྱི་ཟླ་ལྔ་པའི་ཚེས་༢༣ནས་༢༤ཉིན་གཉིས་རིང་རྒྱ་གར་གྱི་རྒྱལ་ས་ལྡི་ལི་གསར་པར་རྒྱལ་སྤྱིའི་བོད་རང་བཙན་ཚོགས་ཆེན་ཞིག་འཚོགས་གཏན་འཁེལ་ཡོད་པ་དང་། གནས་ཚུལ་ཤེས་རྟོགས་བྱུང་བར་གཞིགས་ན། དེ་སྔ་༡༩༥༡ལོའི་ཕྱི་ཟླ་༥ཚེས་༢༣ཉིན་བོད་རྒྱ་བར་“གྲོས་མཐུན་དོན་ཚན་བཅུ་བདུན་”ཟེར་བ་བོད་མི་ཚོས་མི་འདོད་བཞིན་དུ་རྒྱའི་བཙན་དབང་འོག་ནས་ས་རྟགས་རྒྱག་དགོས་བྱུང་བ་དེར་ངོས་ལེན་མེད་པ་མཚོན་ཆེད་དུ་གོང་ཞུས་ཚོགས་ཆེན་གོ་བསྒྲིགས་ཞུས་ཡོད་པ་དང་། གྲོས་མཐུན་དོན་ཚན་༡༧ཞེས་པ་བཞག་ནས། ལོ་༦༤འཁོར་གྱི་ཡོད་ནའང་། རྒྱ་ནག་གིས་བོད་ནང་གཉའ་གནོན་གྱི་ལས་འགུལ་མུ་མཐུད་སྤེལ་བཞིན་དེ་ལྟར་ཡང་བོད་རང་བཙན་གྱི་འཐབ་རྩོད་ཀྱང་དམིགས་ཡུལ་བརླགས་མེད་ལ། བཙན་འོག་ནས་བོད་ཀྱི་དཔའ་བོ་དཔའ་མོ་མང་པོའི་སྲོག་ཤོར་བའི་ལོ་རྒྱུས་དང་། མི་མང་བྱིངས་ལ་མནར་གཅོད་བཏང་དང་གཏོང་བཞིན་པའི་བརྒྱུད་རིམ། རང་ས་རང་དུ་མི་དབང་བའི་དབང་བསྒྱུར་ལམ་ལུགས་ལ་ངོ་རྒོལ་ཡོད་པ་གསལ་སྟོན་ཆེད་ཡིན་ཚུལ་དང་། ཉིན་གཉིས་རིང་གི་ཚོགས་འདུའི་བརྗོད་གཞི་གཙོ་བ་ནི། བོད་མི་ཚོའི་རང་བཙན་འཐབ་རྩོད་ཆེད་མཐུན་སྒྲིལ་མཉམ་ལས་ཡོང་ཐབས། རང་བཙན་གྲུབ་ཕྱོགགས་ཀྱི་ཐབས་ཇུས། བོད་ནང་གི་ཛ་དྲག་གནས་སྟངས་ལ་དཔག་པའི་རང་བཙན་འཐབ་རྩོད་པས་རྒྱ་ནག་ལ་གདུང་ལེན་བྱེད་ཕྱོགས་དང་། རྒྱལ་སྤྱིའི་ཐོག་རྒྱབ་སྐྱོར་འཚོལ་ཐབས། བོད་རང་བཙན་གྱི་ཚོགས་སྡེ་སྲ་བརྟན་རྒྱ་བསྐྱེད་དང་རང་བཙན་འཐབ་རྩོད་པ་བསྐྱེད་བསྲིང་བྱ་ཐབས་སྐོར་ལ་གྲོས་བསྡུར། བོད་རང་བཙན་དང་རྒྱ་གར་གྱི་བདེ་འཇགས་སྐོར་ལ་བོད་པ་དང་རྒྱ་གར་ཆེད་མཁས་མི་སྣའི་གཏམ་བཤད གནང་རྒྱུ་བཅས་ཡིན་འདུག

གསར་འགོད་པ་ཀརྨ་རྒྱ་མཚོ།

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
དབོན་སྟོད་དགོན་པའི་ཕྱག་མཛོད་བགྲེས་པ་དང་གྲོང་ཚོའི་ལས་བྱེད་པ་གཉིས་ཀྱི་གྱོད་དོན་གཞུང་ཕྱོགས་གྱོད་ཞིབ་པར་རྩིས་སྤྲད་ཟིན་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎