སྲིད་སྐྱོང་མཆོག་དང་བཀའ་བློན་རྣམ་པས་གྲོས་ཚོཊ་ནས་ཕྱིར་ཐོན་པ།

2017-03-18
གློག་འཕྲིན།
མཆན།
འགྲེམ་སྤེལ།
པར་བཀོད།
༢༠༡༧།༣།༡༨། སྲིད་སྐྱོང་བློ་བཟང་སེང་གེ་ལགས་ཀྱིས་གཙོས་པའི་བཀའ་བློན་རྣམ་པ་གྲོས་ཚོགས་ནས་ཕྱི་ལ་ཐོན་གནང་ཡོད་པ།
༢༠༡༧།༣།༡༨། སྲིད་སྐྱོང་བློ་བཟང་སེང་གེ་ལགས་ཀྱིས་གཙོས་པའི་བཀའ་བློན་རྣམ་པ་གྲོས་ཚོགས་ནས་ཕྱི་ལ་ཐོན་གནང་ཡོད་པ།
ཨེ་ཤེ་ཡ་རང་དབང་རླུང་འཕྲིན་ཁང༌། བསྟན་འཛིན་དོན་ཡོད།

༄༅། །བཞུགས་སྒར་རྡ་རམ་ས་ལར་ཚོགས་བཞིན་པའི་སྐབས་བཅུ་དྲུག་པའི་བོད་མི་མང་སྤྱི་འཐུས་གྲོས་ཚོགས་ཚོགས་ཐེངས་གསུམ་པའི་ཉིན་ལྔ་པ་ཕྱི་ཚེས་༡༨ཉིན་འོས་བསྡུའི་སྒྲིག་གཞི་བསྐྱར་བཅོས་འཆར་ཟིན་ཚོགས་ཆུང་གི་ལས་བསྡོམས་དང་སྙན་ཐོ་སྒྲོགས་སྦྱང་གནང་ཡོད་པ་དང་། འཛིན་སྐྱོང་བཀའ་ཤག་གི་ངོས་ནས་སྙན་ཐོ་དེའི་ནང་། སྲིད་སྐྱོང་དང་སྤྱི་འཐུས་ཀྱི་སྔོན་འགྲོ་དང་དངོས་གཞི་གཉིས་འོས་འཕེན་མི་དགོས་པར་འོས་བསྡུ་གཅིག་གིས་འཐུས་པ་བྱ་རྒྱུའི་བསམ་འཆར་འོས་བསྡུའི་སྒྲིག་གཞི་འཆར་ཟིན་ཚོགས་ཆུང་གིས་བཏོན་པའི་སྙན་ཐོ་ནང་སླེབས་མེད་པ་གསུངས་ནས།  ངོ་རྒོལ་མཚོན་ཆེད་བགྲོ་གླེང་ནང་མ་བཞུགས་པར་སྲིད་སྐྱོང་བློ་བཟང་སེང་གེ་ལགས་ཀྱིས་གཙོས་པའི་བཀའ་བློན་རྣམ་པ་གྲོས་ཚོགས་ནས་ཕྱི་ལ་ཐོན་ཡོད་པ་རེད་།  སྲིད་སྐྱོང་དང་སྤྱི་འཐུས་གཉིས་ཀྱི་འོས་བསྡུའི་སྐོར་ལ་མི་མང་ནང་དང་གྲོས་ཚོགས་ནང་བགྲོ་གླེང་རིམ་པ་བྱུང་མཐར། ༢༠༡༦ལོར་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དང་པོའི་ཐོག་བཙན་བྱོལ་བོད་མིའི་འོས་བསྡུའི་སྒྲིག་གཞི་བསྐྱར་བཅོས་ཀྱི་འཆར་ཟིན་ཚོགས་ཆུང་ཆེད་འཛུགས་བྱས་ཏེ།  ཚོགས་གཙོ་དཔལ་འབྱོར་བཀའ་བློན་ཀརྨ་ཡེ་ཤེས་ལགས་དང་། ཚོགས་དྲུང་སྤྱི་འཐུས་དགེ་བཤེས་སྨོན་ལམ་མཐར་ཕྱིན་ལགས་། ཚོགས་མི་དབུས་འོས་བསྡུའི་སྤྱི་ཁྱབ་འགན་འཛིན་ཤོ་ཟུར་བསོད་ནམས་ཆོས་འཕེལ་ལགས། ཚོགས་མི་སྤྱི་འཐུས་པདྨ་འབྱུང་གནས་ལགས། ཚོགས་མི་སྤྱི་འཐུས་ཀླུ་ཚང་རྒྱ་རིགས་ཐར་ལགས་བཅས་གཏན་འཁེལ་བྱུང་ཡོད་པ་རེད།   སྔོན་འགྲོ་དང་དངོས་གཞིའི་འོས་བསྡུ་ཐེངས་གཉིས་མི་དགོས་པ་སྙན་ཐོའི་ནང་འདོན་དགོས་པའི་བསམ་འཆར་ཚོགས་ཆུང་གི་ཚོགས་གཙོ་བཀའ་བློན་ཀརྨ་ཡེ་ཤེས་ལགས་དང་། ཚོགས་མི་དབུས་འོས་བསྡུའི་སྤྱི་ཁྱབ་འགན་འཛིན་ཤོ་ཟུར་བསོད་ནམས་ཆོས་འཕེལ་ལགས་ཀྱིས་བཏོན་ཡོད་པ་དང་། ཚོགས་ཆུང་དེའི་ཚོགས་དྲུང་གིས་མཚོན་པས་སྤྱི་འཐུས་གསུམ་གྱིས་དེར་མོས་མཐུན་མ་བྱས་པར་མང་མོས་ཐག་གཅོད་བྱས་པ་ཞིག་ཡིན་འདུག  སྙན་ཐོ་དེ་གྲོས་ཚོགས་ནང་བགྲོ་གླེང་ཆེད་ཚུད་མིན་གྲོས་ཚོགས་ནང་མང་མོས་ཀྱིས་སྤྱི་འཐུས་ཨ་ཀྲུག་ཚེ་བརྟན་ལགས་དང་། སྤྱི་འཐུས་བློ་བཟང་གྲགས་པ་ལགས་གཉིས་ཀྱིས་དགག་པ་བརྒྱབ་ཡོད་ནའང་། གྲོས་ཚོགས་ནང་ཚུད་དགོས་པ་ཚད་མཐོའི་མང་མོས་ཀྱི་རྒྱབ་སྐྱོར་ཐོབ་ནས་དེའི་ཐོག་འོས་བསྡུ་གནང་ཡོད་པ་རེད།།
གསར་འགོད་པ་འཆི་མེད།

མཆན། (0)
  • པར་བཀོད།
  • འགྲེམ་སྤེལ།
  • གློག་འཕྲིན།
དྲ་གནས་ཆ་ཚང༌།