ནོ་སྦེལ་ཞི་བདེའི་གཟེངས་རྟགས་འབུལ་བཞེས་མཛད་ནས་ལོ་ངོ་༢༧།
2016.12.10
༄༅། །བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ལ་ནོ་སྦེལ་ཞི་བདེའི་གཟེངས་རྟགས་འབུལ་བཞེས་མཛད་ནས་ལོ་ངོ་༢༧འཁོར་བའི་དུས་དྲན་རྡ་རམ་ས་ལ་གཙོས་པའི་བོད་མི་གནས་ཡུལ་གྱི་ས་ཕྱོགས་གང་སར་སྲུང་བརྩི་ཞུ་བཞིན་ཡོད་པ་དང་། གཞུང་འབྲེལ་དུས་དྲན་མཛད་སྒོ་དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་དང་བོད་མི་མང་སྤྱི་འཐུས་ཚོགས་གཙོ་གཙོ་བཞུགས་ཐོག་བཞུགས་སྒར་དུ་ཚོགས་གནང་ཡོད་འདུག མཛད་སྒོའི་ཐོག་སྲིད་སྐྱོང་མཆོག་ནས་གསུང་བཤད་གནང་སྐབས། བཀའ་ཤག་གིས་གཞིས་བྱེས་བོད་མི་ཡོངས་ཀྱི་ཚབ་ཞུས་ནས་༧གོང་ས་མཆོག་ལ་ནོར་བེལ་ཞི་བདེའི་གཟེངས་རྟགས་ཕུལ་ནས་ལོ་ངོ་༢༧ཕེབས་པའི་དུས་དྲན་ཉིན་འཚམས་འདྲི་ཞུ་རྒྱུ་དང་འབྲེལ། རྒྱ་ནག་གཞུང་གི་དཔོན་རིགས་དབར་ང་ཚོས་དབུ་མའི་ལམ་གྱི་སྲིད་ཇུས་འོག་ཞི་བའི་གྲོས་མོལ་ཡོང་རྒྱུར་འབད་བརྩོན་ཞུ་ཡིན་པའི་སྐོར་སོགས་གསུངས་ཡོད་པ་དང་། དེ་བཞིན་མཛད་སྒོའི་ཐོག་སྤྱི་འཐུས་ཚོགས་གཙོ་མཆོག་ནས་སྤྱི་ནོར་༧གོ་ས་༧སྐྱབས་མགོན་ཆེན་པོ་མཆོག་ལ་འཛམ་གླིང་ནང་རླབས་ཆེན་གྱི་མཛད་འཕྲིན་བསྐྱངས་བཞིན་པར་འཛམ་གླིང་མི་མང་གིས་དད་གུས་ཧ་ཅང་ཆེན་པོ་ཞུ་བཞིན་ཡོད་ཀྱང་། རང་རེའི་སྤྱི་ཚོགས་ནང་བོད་མི་རེ་བཟུང་གིས་གཞི་མེད་ཀྱི་མཚན་མེད་ཞུ་བཞིན་པར་ཚང་མས་གདོང་ལེན་བྱ་དགོས་པའི་འབོད་སྐུལ་ཞུས་ཡོདའདུག།
གསར་འགོད་པ་འཆི་མེད།