སྤྲུལ་སྐུ་བསྟན་འཛིན་བདེ་ལེགས་ཐུག་འཕྲད་བྱུང་།

སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་བཙོན་འཇུག་བྱས་པ་ནས་བཟུང་། ནང་མི་སྤུན་མཆེད་ཚོས་ཁོང་དང་ཐུག་འཕྲད་ཐེངས་དྲུག་ལྷག་ཙམ་གནང་ཐུབ་ཡོད་པ་རེད་འདུག

2013.01.03

༄༅།    །སྔ་ལོ་ཕྱི་ཟླ་ ༨ ཚེས་ ༡༤ ཉིན་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་གི་སྲིང་མོ་ཀྲོན་ཐར་ལགས་དང་།    ཉེ་འབྲེལ་ཨོ་ཐོག་ཛུ་རིག་ལགས་གཉིས་ཀྱིས་སི་ཁྲོན་ཞིང་ཆེན་གྱི་ཁྲེན་ཏུ་ཉེ་འཁྲིས་སུ་ཡོད་པའི་མན་ཨང་ས་གནས་སུ་ རིན་པོ་ཆེ་ལྷན་དུ་ཚོུད་ཕྱེད་ཀ་ཙམ་རིང་མཇལ་འཕྲད་བཀའ་མོལ་ཞུས་ཐུབ་པ་བྱུང་ཡོད་སྐོར་བོད་ཀྱི་དྲ་གནས་ཐོག་གནས་ཚུལ་སྤེལ་འདུག  སྐབས་དེར་རིན་པོ་ཆེ་མཆོག་གིས་ཁོང་རྣམ་གཉིས་ལ་ལས་ཁུངས་གང་སར་ཞུ་གཏུགས་ཆེད་ཕྱག་བྲིས་ཤིག་གནང་ཡོད་པ་རེད།  ཡིན་ནའང་བཙོན་སྲུང་བས་ཡི་གེ་དེ་བཙན་འཕྲོག་བྱས་ཏེ་ད་ལྟའི་བར་རིན་པོ་མཆོག་གི་ཕྱག་བྲིས་དེ་ལག་སོན་ཐུབ་མེད་པར་གསལ་འདོན་གནང་བཞག  རིན་པོ་མཆོག་དང་མཇལ་འཕྲད་བྱེད་སའི་ས་གནས་དེ་རྒྱུན་ལྡན་ཁོང་བཙོན་འཇུག་བྱེད་ས་དེ་མིན་པ་དང་། དངོས་སུ་བཙོན་འཇུག་བྱ་སའི་བཙོན་ཁང་གི་མིང་དེ་ཕྱིར་བསྒྲགས་བྱེད་མི་ཆོག་པའི་བཙན་བཀའ་བཏང་ཡོད་འདུག  སྤྲུལ་སྐྲུ་བསྟན་འཛིན་བདེ་ལེགས་རིན་པོ་ཆེ་མཆོག་དང་། སྔ་རྗེས་མཇལ་འཕྲད་ཞུ་མཁན་རིམ་པས་ཤེས་རྟོགས་བྱུང་བ་ལྟར་ན། རིན་པོ་ཆེ་མཆོག་ལ་སྙིང་ནད་ཕོག་ཡོད་པ་དང་། ཁོང་གློ་བུར་དུ་དྲན་མེད་འགྱེལ་སོང་བའི་སྐོར་དང་། དེ་བཞིན་རིན་པོ་མཆོག་གི་ཞབས་གཉིས་ཀྱང་ཐང་ཐང་མེད་པ་ཆགས་ཡོད་པའི་འགྲེལ་བརྗོད་གནང་འདུག།

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ཁྲིམས་སྒྲིག་བསྐྱར་བཅོས་འཆར་ཟིན་ཚོགས་ཆུང་གི་ལས་བསྡོམས་གྲོས་ཚོགས་སུ་སྙན་སྒྲོན་གནང་སོང་།
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎