བླ་ཆེན་མཆོག་༧གོང་ས་མཆོག་དང་མཇལ་འཕྲད་གནང་དགོས།


2014.12.15
ལྷོ་ཨ་ཧྥེ་རི་ཀའི་ཆོས་དཔོན་ཆེན་མོ་Desmon Tutuམཆོག་༧གོང་ས་མཆོག་གི་ཕོ་བྲང་དུ། ༢༠༡༢།༢།༡༠ ལྷོ་ཨ་ཧྥེ་རི་ཀའི་ཆོས་དཔོན་ཆེན་མོ་Desmon Tutuམཆོག་༧གོང་ས་མཆོག་གི་ཕོ་བྲང་དུ། ༢༠༡༢།༢།༡༠
པར། སྐུ་སྒེར་དྲ་བ།

ཡེ་ཤུ་བླ་ཆེན་མཆོག་༧གོང་ས་མཆོག་དང་མཇལ་འཕྲད་མ་གནང་རྒྱུའི་ཐག་ཆོད་ཐོག་དགོངས་པ་བསྐྱར་དུ་བཞེས་དགོས་པའི་འབོད་སྐུལ་གནང་འདུག
དེ་ཡང་ལྷོ་ཨ་ཕི་རི་ཀའི་ཡེ་ཤུ་བླ་ཆེན་ཀྲུ་ཀྲུ་མཆོག་གིས་རེས་གཟའ་ཟླ་བའི་ཉིན་སྤྱི་བསྒྲགས་ཤིག་སྤེལ་བའི་ནང་། ཡེ་ཤུ་གནམ་དག་ཆོས་ལུགས་ཀྱི་བླ་ཆེན་གཙོ་བོ་པོབ་མཆོག་གིས་བོད་ཀྱི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་དང་མཇལ་མ་གནང་རྒྱུའི་ཐག་ཆོད་གནང་བ་དང་། ལྷག་དོན་དུ་དེ་རྒྱ་ནག་གི་གནོན་ཤུགས་འོག་མཇལ་འཕྲད་མ་གནང་དེར་ ཤིན་དུ་ནས་ཐུགས་ཕམ་བྱུང་བའི་སྐོར་གསུངས་ཡོད་པ་རེད། ཁོང་གི་སྤྱི་བསྒྲགས་ནང་། སྤྱིར་སྟངས་རྒྱལ་ཁབ་དང་ཚོགས་པ་ཁག་གི་དབུ་ཁྲིད་མང་པོར་རྒྱ་ནག་དང་ཏཱ་ལའི་བླ་མའི་དབར་གྱི་འབྲེལ་ལམ་གྱི་ཐོག་ནས་ཅི་བྱ་གཏོལ་མེད་ཀྱི་གནས་སྟངས་ཡོང་གི་ཡོད་པ་དེ་གསལ་པོ་མཁྱེན་གྱི་ཡོད། འོན་ཀྱང་དེའི་ཐད་དགོངས་པ་བསྐྱར་དུ་བཞེས་ནས་མ་འོངས་བར་༧གོང་ས་སྐྱབས་མགོན་ཆེན་པོ་མཆོག་ནི་ཆོས་ཕྱོགས་ཀྱི་སྐྱེས་བུ་དམ་པ་རྒྱུན་ལྡན་དུ་ཞི་བདེ་དང་མཉམ་གནས། སྙིང་རྗེའི་སྐོར་བཀའ་མོལ་གནང་མཁན་སྐྱེས་བུ་དམ་པ་ཞིག་ཡིན་པ་ཆ་ནས་ཡེ་ཤུ་གནམ་དག་ཆོས་ལུགས་ཀྱི་བླ་ཆེན་པོབ་མཆོག་གིས་མཇལ་འཕྲད་གནང་དགོས་པའི་སྐོར་ལྷོ་ཨ་ཕི་རི་ཀའི་བླ་ཆེན་ཀྲུ་ཀྲུ་ཡིས་འབོད་བསྐུལ་གནང་འདུག
ཉེ་སྔོན་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ཨེ་ཊ་ལེའི་གྲོང་ཁྱེར་རོམ་དུ་ཕེབས་འབྱོར་མཚམས་སུ་བླ་ཆེན་པོབ་མཆོག་གིས་མཇལ་འཕྲད་གནང་གི་མེད་པའི་སྐོར་གནས་ཚུལ་ཕྱི་བསྒྲགས་གནང་ཡོད་པ་རེད།

གསར་འགོད་པ་ཀརྨ་རྡོ་རྗེ།

བལྟ་བཤེར་མང་ཤོས་བྱས་པའི་གནས་ཚུལ།
RFA
རྒྱལ་ཁབ་ཁག་བཅོ་བརྒྱད་ནང་བོད་དོན་དང་བླངས་ཞུ་གཏུག་པ་ ༥༢༡ དང་བླང་གི་ཐོག་ནས་འཛུལ་ཞུགས་གནང་ཡོད་སྐོར། ཕྱི་དྲིལ་བཀའ་བློན་ནས་གྲོས་ཚོགས་སུ་གསུངས་པ།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
དཔྱ་དངུལ་ཆག་ཡང་བཏང་བའི་ལོ་གཅིག་ནང་བོད་མི་དྲུག་སྟོང་ལྔ་བརྒྱ་ལྷག་གིས་དཔྱ་དངུལ་ལག་དེབ་གསར་བཟོ་དང་བསྐྱར་གསོ་གནང་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎