འདན་མའི་བོད་མིའི་ཐོག་མེ་མདའ་བརྒྱབ་འདུག
2014.08.13
བོད་ནས་བཏང་འབྱོར།
༄༅༎འདི་ག་རླུང་འཕྲིན་ཁང་ལ་ཁུངས་ལྡན་གྱི་གནས་ཚུལ་ཤེས་རྟོགས་བྱུང་བར་གཞིགས་ན། འདི་ཟླའི་ཚེས ༡༡ ཉིན་གྱི་མཚན་མོའི་ཆུ་ཚོད་ ༡༢ ཙམ་ལ་ ས་གནས་ཉེན་རྟོག་པས་དཀར་མཛེས་ཁུལ་སེར་ཤུལ་རྫོང་འདན་མ་ཡུལ་ཚོ་ཤུག་པ་གྲོང་པའི་སྡེ་དཔོན་དབང་གྲགས་ཞུ་བ་ཞིག་འཛིན་བཟུང་བྱས་ཡོད་པའི་རྗེས་ ཚེས་ ༡༢ ཉིན་བོད་མི་བརྒྱ་ཕྲག་ལྷག་ས་གནས་སྲིད་གཞུང་གི་སྒོ་འགྲམ་དུ་འདུ་འཛོམས་བྱས་ཏེ་སྡེ་དཔོན་དབང་གྲགས་ལགས་ལ་ནག་ཉེས་གང་ཡང་མེད་པས་འཕྲལ་དུ་ཀློད་བཀྲོལ་གཏོང་དགོས་པའི་འབོད་སྐུལ་བྱེད་སྐབས་ཉེན་རྟོག་པས་བོད་མིའི་ཐོག་མེད་མདའ་བརྒྱབ་ནས་རྨས་སྐྱོན་ཆེན་པོ་ཕོག་ཡོག་པ་སོགས་ཀྱི་སྐོར་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་པདྨ་དངོས་གྲུབ་ལགས་ཀྱིས་གནས་ཚུལ་ཕྱོགས་སྒྲིག་ཞུས་པར་གསན་རོགས༎
གསར་འགོད་པ་པདྨ་དངོས་གྲུབ།