ﺋﺎﺧﺒﺎﺭﺍﺗﭽﯩﻠﯩﻖ ﻗﺎﺋﯩﺪﯨﺴﻰ

 
1.  ﺭﺍﺩﯨﺌﻮ ﭘﺮﻭﮔﺮﺍﻣﻤﯩﻠﯩﺮﻯ ﭼﻮﻗﯘﻡ ﺗﻮﻏﺮﺍ،ﺋﺎﺩﯨﻞ ﯞﻩ ﺑﯩﺘﻪﺭﻩﭖ ﺑﻮﻟﯘﺷﻰ ﻛﯧﺮﻩﻙ.

2.  ﺧﺎﺩﯨﻤﻼﺭ ﭼﻮﻗﯘﻡ ﺋﯧﻐﯩﺮ ﺑﯧﺴﯩﻖ ﯞﻩ ﺗﻪﻣﻜﯩﻦ ﺑﯩﺮ ﺗﻪﻟﻪﭘﭙﯘﺯﻧﻰ ﺳﺎﻗﻠﯩﺸﻰ، ﻫﻪﺭ ﻗﺎﻧﺪﺍﻕ ﺷﻪﺧﺲ، ﮔﯘﺭﯗﭘﭙﺎ ﯞﻩ ﻫﯚﻛﯜﻣﻪﺗﻜﻪ ﻧﯩﺴﺒﻪﺗﻪﻥ ﻫﯘﺟﯘﻡ ﻗﯩﻠﯩﺶ، ﺗﻪﺷﯟﯨﻖ ﻗﯩﻠﯩﺶ ﯞﻩ ﻫﺎﻗﺎﺭﻩﺕ ﻗﯩﻠﯩﺶ ﻗﯩﻠﻤﯩﺸﻠﯩﺮﯨﺪﯨﻦ ﺧﺎﻝـﻯ ﺑﻮﻟﯘﺷﻰ ﻛﯧﺮﻩﻙ.

3.  ﺗﻪﻫﺮﯨﺮ ﯞﻩ ﻣﯘﺧﺒﯩﺮﻻﺭ ﻫﻪﺭﻗﺎﻧﺪﺍﻕ ﺗﻮﻗﯘﻟﻤﺎ ﯞﻩﻗﻪ ﯞﻩ ﺷﯩﻜﺎﻳﻪﺗﻠﻪﺭﻧﯩﯔ ﺷﯘﻧﺪﺍﻗﻼ ﻣﯜﺟﯩﻤﻪﻝ ﺋﯘﭼﯘﺭﻻﺭﻧﯩﯔ ﺭﺍﺩﯨﺌﻮﺩﺍ ﺋﯧﻼﻥ ﻗﯩﻠﯩﻨﻤﺎﺳﻠﯩﻘﯩﻐﺎ ﻛﺎﭘﺎﻟﻪﺗﻠﯩﻚ ﻗﯩﻠﯩﺸﻰ، ﻣﺎﻗﺎﻟﯩﻨﻰـﻯ ﻣﯘﻣﻜﯩﻦ ﻗﻪﺩﻩﺭ ﺑﯩﺮﺩﯨﻦ ﺋﺎﺭﺗﯘﻕ ﻣﻪﻧﺒﻪﺩﯨﻦ ﭘﺎﻳﺪﯨﻠﯩﻨﯩﭗ ﻳﯧﺰﯨﺸﻰ ﻛﯧﺮﻩﻙ.

4.  ﺧﺎﺩﯨﻤﻼﺭ ﭼﻮﻗﯘﻡ ﻫﻪﺭ ﻗﺎﻧﺪﺍﻕ ﺑﯩﺮ ﺳﯩﻴﺎﺳﯩﻲ ﭘﺎﺭﺗﯩﻴﻪ، ﺋﯚﻛﺘﯩﭽﻰ ﮔﯘﺭﯗﭘﭙﺎ، ﺳﯜﺭﮔﯜﻧﺪﯨﻜﻰ ﺗﻪﺷﻜﯩﻼﺕ ﻳﺎﻛﻰ ﺩﯨﻨﯩﻲ ﮔﻪﯞﺩﯨﻠﻪﺭﺩﯨﻦ ﺧﺎﻟﻰ ﺑﻮﻟﯘﭖ،ﻫﻪﺭ ﻗﺎﻧﺪﺍﻕ ﺳﯩﻴﺎﺳﯩﻲ ﻛﯚﺯ ﻗﺎﺭﺍﺷﻨﻰ ﺋﯩﻠﮕﯩﺮﻯ ﺳﯜﺭﻣﻪﺳﻠﯩﻜﻰ ﻛﯧﺮﻩﻙ.

5.  ﺧﺎﺩﯨﻤﻼﺭ ﭼﻮﻗﯘﻡ، ﺳﯩﺮﺗﺘﯩﻦ ﻣﺎﻗﺎﻟﻪ  ﺋﻪﯞﻩﺗﻜﯜﭼﯩﻠﻪﺭﻧﻰ ﺋﯧﻨﯩﻖ ﺗﻮﻧﯘﺷﺘﯘﺭﯗﺷﻰ، ﺋﯘﻻﺭ ﺋﺎﯕﻼﺗﻘﺎﻥ ﻣﺎﻗﺎﻟﯩﻼﺭﻧﯩﯔ ﺋﺎﺧﯩﺮﯨﺪﺍ، ﺋﯘﻻﺭ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺋﻮﻱ ـ ﭘﯩﻜﯩﺮﻟﻪﺭﻧﯩﯔ ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮﺳﯩﻐﺎ ﯞﻩﻛﯩﻠﻠﯩﻚ ﻗﯩﻠﻤﺎﻳﺪﯨﻐﺎﻧﻠﯩﻘﯩﻨﻰ ﺋﯧﻨﯩﻖ ﺋﯩﺰﺍﻫﻠﯩﺸﻰ ﻛﯧﺮﻩﻙ.

6.  ﺧﺎﺩﯨﻤﻼﺭ ﺑﺎﺷﻘﺎ ﺋﺎﺧﺒﺎﺭﺍﺕ ﺋﻮﺭﮔﺎﻧﻠﯩﺮﻯ ﺑﻪﺭﮔﻪﻥ ﺳﻮﻏﺎ ﻳﺎﻛﻰ ﻫﻪﻗﺴﯩﺰ ﺳﺎﻳﺎﻫﻪﺕ ﺗﻪﻛﻠﯩﭙﻠﯩﺮﯨﻨﻰ ﻗﻮﺑﯘﻝ ﻗﯩﻠﻤﺎﺳﻠﯩﻘﻰ ﻛﯧﺮﻩﻙ.

7.  ﺧﺎﺩﯨﻤﻼﺭ ﺑﺎﺷﻘﺎ ﺋﺎﺧﺒﺎﺭﺍﺕ ﻣﻪﻧﺒﻪﻟﯩﺮﯨﺪﯨﻦ ﻣﯘﻫﯩﻢ ﺧﻪﯞﻩﺭﻟﻪﺭﻧﻰ ﺋﺎﻟﻐﯩﻨﯩﺪﺍ، ﺋﯘﻻﺭﻧﯩﯔ ﺋﻪﺟﺮﯨﻨﻰ ﻫﯚﺭﻣﻪﺗﻠﻪﭖ، ﺗﻮﻟﯘﻕ ﺋﯩﺰﺍﻫ ﺑﯧﺮﯨﺸﻰ ﻛﯧﺮﻩﻙ.

 8.  ﺧﺎﺩﯨﻤﻼﺭ ﺋﺎﯕﻠﯩﺘﯩﺶ ﺟﻪﺭﻳﺎﻧﯩﺪﺍ، ﻛﯚﺯﮔﻪ ﻛﯚﺭﯨﻨﻪﺭﻟﯩﻚ ﺧﺎﺗﺎﻟﯩﻖ ﺳﺎﺩﯨﺮ ﻗﯩﻠﺴﺎ،ﺋﯘﻧﻰ ﺭﺍﺩﯨﺌﻮ ﺋﺎﯕﻠﯩﻐﯘﭼﯩﻼﺭ ﺋﺎﻟﺪﯨﺪﺍ ﺋﯩﺘﯩﺮﺍﭖ ﻗﯩﻠﯩﭗ، ﻣﯘﻣﻜﯩﻦ ﻗﻪﺩﻩﺭ ﺗﯩﺰ ﺗﯜﺯﯨﺘﯩﺸﻰ ﻛﯧﺮﻩﻙ.

9.  ﺧﺎﺩﯨﻤﻼﺭ ﺳﯩﺮﺗﺘﯩﻦ، ﻣﻪﺳﺌﯘﻟﯩﻴﻪﺗﻠﯩﺮﯨﻨﻰ ﺑﻮﻏﯘﺩﯨﻐﺎﻥ ﺧﯩﺰﻣﻪﺗﻠﻪﺭﻧﻰ ﻗﻮﺑﯘﻝ ﻗﯩﻠﻤﺎﺳﻠﯩﻘﻰ، ﺋﺎﺳﺎﺳﻠﯩﻖ ﻣﻪﺳﺌﯘﻟﯩﻴﯩﺘﻰ ﺑﺎﺭ ﻫﻪﺭ ﻗﺎﻧﺪﺍﻕ ﺧﯩﺰﻣﻪﺗﭽﻰ ﺳﯩﺮﺗﺘﺎ، ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮﺳﯩﻐﺎ ﻣﯘﻧﺎﺳﯩﯟﻩﺗﻠﯩﻚ ﺑﻮﻟﻐﺎﻥ ﻧﻮﺗﯘﻕ ﺳﯚﺯﻟﻪﺵ ﻳﺎﻛﻰ ﺋﺎﻣﻤﯩﯟﯨﻲ ﺳﻮﺭﯗﻧﻼﺭﺩﺍ ﺋﻮﺗﺘﯘﺭﯨﻐﺎ ﭼﯩﻘﯩﺶ ﻗﺎﺗﺎﺭﻟﯩﻖ ﭘﺎﺋﺎﻟﯩﻴﻪﺗﻠﻪﺭ ﺑﯩﻠﻪﻥ ﺷﻮﻏﯘﻟﻼﻧﻐﯩﻨﯩﺪﺍ ﭼﻮﻗﯘﻡ، ﺋﺎﻟﺪﻯ ﺑﯩﻠﻪﻥ ﺑﯚﻟﯜﻡ ﺑﺎﺷﻠﯩﻘﯩﻨﯩﯔ ﯞﻩ ﺧﯩﺰﻣﻪﺗﭽﯩﻠﻪﺭ ﻣﯘﻻﺯﯨﻤﻪﺕ ﺋﯩﺸﺨﺎﻧﯩﺴﯩﻨﯩﯔ ﺭﯗﺧﺴﯩﺘﯩﻨﻰ ﺋﯧﻠﯩﺸﻰ ﻛﯧﺮﻩﻙ.

10.  ﻣﯘﺧﺒﯩﺮﻻﺭ ﺋﯘﭼﯘﺭ ﺗﻮﭘﻼﺵ ﺟﻪﺭﻳﺎﻧﯩﺪﺍ، ﺋﯚﺯﯨﻨﻰ ﮊﻭﺭﻧﺎﻟﯩﺴﺘﺘﯩﻦ ﺑﺎﺷﻘﺎ ﺳﺎﻻﻫﯩﻴﻪﺕ ﺑﯩﻠﻪﻥ ﻛﯚﺭﺳﻪﺗﻤﻪﺳﻠﯩﻜﻰ ﻛﯧﺮﻩﻙ.

11.  ﺗﻮﺧﺘﺎﻡ ﺋﺎﺭﻗﯩﻠﯩﻖ ﺳﯩﺮﺗﺘﯩﻦ  ﯞﻩﺯﯨﭙﻪ ﺋﺎﻟﻐﺎﻥ ﻳﺎﺯﻏﯘﭼﻰ، ﺋﻮﺑﺰﻭﺭﭼﻰ، ﺗﺎﺭﯨﺨﭽﻰ ﻗﺎﺗﺎﺭﻟﯩﻖ ﻣﯘﺗﻪﺧﻪﺳﺴﯩﺴﻠﻪﺭ، ﺑﻪﺯﯨﺪﻩ ﺋﻪﺭﻛﯩﻦ ﻣﯘﻧﺎﺯﯨﺮﻩ ﻳﺎﻛﻰ ﺋﯩﻠﻤﯩﻲ ﻣﯘﻫﺎﻛﯩﻤﯩﻠﻪﺭﺩﻩ ﭘﺮﻭﮔﺮﺍﻣﻤﯩﻠﯩﺮﯨﻤﯩﺰﻏﺎ ﺳﺎﻫﯩﺒﺨﺎﻥ ﺑﻮﻟﯩﺪﯗ.ﻗﺎﻧﺪﺍﻕ ﺑﻮﻟﯘﺷﯩﺪﯨﻦ ﻗﻪﺗﺌﯩﻲ ﻧﻪﺯﻩﺭ، ﺋﯘﻻﺭﻧﯩﯔ ﺋﻪﺳﻪﺭﻟﯩﺮﯨﻨﻰ ﺗﻪﻫﺮﯨﺮﻟﻪﺵ،  ﺑﯧﺮﯨﺶ ـ ﺑﻪﺭﻣﻪﺳﻠﯩﻚ ﻫﻮﻗﯘﻗﻰ ﺭﺍﺩﯨﺌﻮﺩﺍ ﺑﻮﻟﯩﺪﯗ. ﺳﯩﺮﺗﺘﯩﻦ ﺗﻮﺧﺘﺎﻡ ﺑﯩﻠﻪﻥ ﺋﯩﺸﻠﻪﻳﺪﯨﻐﺎﻥ ﺧﺎﺩﯨﻤﻼﺭ،ﭼﻮﻗﯘﻡ ﺗﻮﻏﺮﺍ ﯞﻩ ﺋﺎﺩﯨﻞ ﺑﻮﻟﯘﺷﺘﻪﻙ ﻳﯘﻗﯩﺮﻯ ﺋﯚﻟﭽﻪﻣﮕﻪ ﺭﯨﺌﺎﻳﻪ ﻗﯩﻠﯩﺸﻰ ﻛﯧﺮﻩﻙ.

12.  ﺧﺎﺩﯨﻤﻼﺭ، ﭼﻮﻗﯘﻡ ﺭﺍﺩﯨﺌﻮ ﺋﺎﯕﻠﯩﻐﯘﭼﯩﻼﺭﻧﻰ ﺯﻭﺭﻟﯘﻕ ﻫﻪﺭﯨﻜﻪﺗﻠﻪﺭﮔﻪ ﻛﯜﺷﻜﯜﺭﺗﯩﺪﯨﻐﺎﻥ، ﺋﯩﺴﻴﺎﻥ ﻛﯚﺗﯩﺮﯨﺸﻜﻪ ﯞﻩ ﻛﻪﯓ ﻛﯚﻟﻪﻣﻠﯩﻚ ﻛﯚﭼﯜﺷﻜﻪ ﺋﯩﻠﻬﺎﻡ ﺑﯧﺮﯨﺪﯨﻐﺎﻥ ﺧﺎﻫﯩﺸﻼﺭﺩﯨﻦ ﺋﯘﺯﺍﻕ ﺗﯘﺭﯗﺷﯩﻤﯩﺰ ﻛﯧﺮﻩﻙ. ﮔﻪﺭﭼﻪ ﺋﺎﺳﯩﻴﺎﺩﯨﻜﻰ ﺑﻪﺯﻯ ﺩﯙﻟﻪﺗﻠﻪﺭﻧﯩﯔ ﺗﻪﺷﯟﯨﻘﺎﺕ ﺋﻮﺭﮔﺎﻧﻠﯩﺮﻯ ﺑﯩﺰﮔﻪ ﺑﻮﻫﺘﺎﻥ ﭼﺎﭘﻠﯩﺴﯩﻤﯘ، ﺑﯩﺰ ﻫﻪﺭﮔﯩﺰﻣﯘ ﻫﯚﻛﯜﻣﻪﺗﻠﻪﺭﻧﻰ ﺋﺎﻏﺪﯗﺭﯗﭖ ﺗﺎﺷﻼﺷﺘﻪﻙ ﻫﻪﺭﯨﻜﻪﺗﻠﻪﺭ ﺑﯩﻠﻪﻥ ﺷﻮﻏﯘﻟﻼﻧﻤﺎﻳﻤﯩﺰ. ﺋﻪﻛﺴﯩﭽﻪ، ﺑﯩﺰ ﺩﯦﻤﻮﻛﺮﺍﺗﯩﻚ ﻗﯩﻤﻤﻪﺕ ﻗﺎﺭﯨﺸﯩﻨﻰ ﺗﯩﻜﻠﻪﺵ، ﻣﻪﺗﺒﯘﺋﺎﺕ  ﺋﻪﺭﻛﯩﻨﻠﯩﻜﯩﻨﻰ ﻫﯩﻤﺎﻳﻪ ﻗﯩﻠﯩﺶ ﻫﻪﻣﺪﻩ ﺋﻮﺧﺸﺎﺵ ﺑﻮﻟﻤﯩﻐﺎﻥ ﻗﺎﺭﺍﺷﻼﺭﻧﻰ ﺋﯩﭙﺎﺩﯨﻠﻪﺷﻜﻪ ﻣﻪﻳﺪﺍﻥ ﻫﺎﺯﯨﺮﻻﭖ ﺑﯧﺮﯨﺶ ﻗﺎﺗﺎﺭﻟﯩﻖ ﺧﯩﺰﻣﻪﺗﻠﻪﺭ ﺑﯩﻠﻪﻥ ﺷﻮﻏﯘﻟﻠﯩﻨﯩﻤﯩﺰ.