Ахбаратчилиқ әхлақ қаидиси

Ахбаратчилиқниң алий өлчәмлиригә қаттиқ риайә қилиш әркин асия радиоси бурчиниң ядросидур.
Елхәт
Пикир
Һәмбәһр
Принт
  • Принт
  • Һәмбәһр
  • Пикир
  • Елхәт

Әркин асия радиоси бурчиниң һәқиқий ядроси ахбаратчилиқниң алий өлчәмлиригә қаттиқ риайә қилиштин ибарәттур. Әркин асия радиосиниң барлиқ мухбирлири ( булар әркин асия радиоси үчүн учур йиғидиған, игиләйдиған, хәвәр-мақалиләрни торға чаплайдиған вә хәвәр программиларни елан қилидиған барлиқ хадимларни өз ичигә алиду) төвәндики негизлик принсипларға бойсунған һалда кәспий вә әхлақий өлчәм бойичә иш түтиши һәмдә ахбаратчилиқниң юқири өлчәмлирини тәшәббус қилиши керәк.

•    Әркин асия радиосиниң хәвәр-программилири чоқум тоғра, халис вә тәңпуң болуши керәк.

•    Әркин асия радиосиниң мухбирлири чоқум еғир бесиқ вә тәмкин кәйпиятни сақлиши һәмдә һәрқандақ шәхс, гуруппа вә һөкүмәткә қаритилған җедәл-маҗира, бир тәрәплимә тәшвиқат вә яки һақарәтләрдин хали болуши керәк. Униңдин башқа әркин асия радиосиниң мухбирлири радио аңлиғучиларға вәз ейтмаслиқи вә уларни кәмситмәслики керәк.

•    Әркин асия радиоси мухбирлири радио аңлиғучиларни зораванлиқ қилишқа күшкүртмәслики вә яки уларни қозғилаң көтүрүш, толишип көчүш қатарлиқ һәрикәтләргә риғбәтләндүрмәслики; әксичә, учур-ахбарат әркинлики қатарлиқ демократик қиммәт қарашлирида чиң туруп, охшимайдиған пикир-қарашларға сорун һазирлап бериши керәк.

•    Әркин асия радиоси мухбирлири һәрқандақ әпқачти гәп, сөз-чөчәк вә яки дәлилләнмигән учурларни һәрқандақ хәвәр вә программиларға арилаштурмаслиқи, мақалини мумкин қәдәр бирдин артуқ мәнбәдин пайдилинип йезиши керәк.

•     Әгәр әркин асия радиоси мухбирлири хата материял, хәвәр, обзорлар вә учурларни радиода берип яки торда елан қилип қалған болса, дәрһал хаталиқини етирап қилиши һәмдә хаталиқ қәйәрдә көрүлгән болса шу шу хил васитини қоллинип хаталиқни түзитиши керәк.

•    Әркин радиоси мухбирлири башқа ахбарат орунлири яки хәвәр мәнбәлириниң зиярәт хатириси, хәвәр- доклатлири яки материяллиридин нәқил елип ишләткәндә уларни толуқ тилға елиши вә уларниң әҗрини һөрмәтләп, толуқ изаһ бериши керәк.

•    Әркин асия радиоси мухбирлири чоқум һәрқандақ бир сиясий партийә, өктичи гуруппа, сәргәрдан тәшкилат яки әркин асия хәвәр-учурлири аңлитилидиған дөләтләрдики диний гәвдиләрдин мустәқил туруши һәмдә әркин асия радиосиниң обйектиплиқ вә битәрәплик мәйданиға дағ тәгкүзидиған яки дағ тәгкүзүш еһтималлиқи болған һәрқандақ сиясий көз қарашларни һимайә қилмаслиқи керәк.

•    Әркин асия радиоси хадимлири сирттин мақалә әвәткүчиләрни чоқум ениқ тонуштуруши, обзор-мақалиләрниң ахирида, улар оттуриға қойған көз-қарашларниң әркин асия радиосиға вәкиллик қилмайдиғанлиқини ениқ изаһлиши керәк. Қандақ болушидин қәтий нәзәр, уларниң әсәрлирини тәһрирләш һоқуқи әркин асия радиосида болиду вә қайси мәзмунларни радиода бериш  қарарни  радио чиқириду.

•     Әркин асия радиоси мухбирлири әркин асия радиосиниң хәвәр программилириға тәсир көрситиш еһтималлиқи болған һәрқандақ хәвәр қилинидиған шәхс, орган вә тәшкилаттин соға-салам, тартуқ яки һәқсиз саяһәт қилдуруш һәдийилирини қобул қилмаслиқи керәк.

•    Әркин асия радиоси хадимлири сирттин, радиодики мәсулийәтлиригә дәхли йәткүзидиған хизмәтләрни қобул қилмаслиқи, һәрқандақ хизмәтчи сиртта әркин асия радиосиға мунасивәтлик болған нутуқ сөзләш яки аммиви сорунларда оттуриға чиқиш қатарлиқ паалийәтләрни өз ичигә алған шундақ мәсулийәт вә паалийәтләр билән шуғулланмақчи болса чоқум, алди билән әркин асия радиуси чиқарған «мәнпәәт тоқунуши сиясити» дә көрситилгән қаидиләр бойичә мунасивәтлик орунлардин тәстиқ елиши керәк.

•    Мухбирлар әркин асия радиоси үчүн хәвәр ишләш җәрянида, өзини һәрқандақ бир тәшкилат яки башқа ахбарат оргини, һөкүмәт аппарати вә яки һөкүмәттин хали тәшкилатларниң вәкили салаһийитидә көрсәтмәслики керәк.

Пикирләр (0)
  • Принт
  • Һәмбәһр
  • Елхәт
Толуқ бәт