ﯞﻩﺗﯩﻨﯩﻢ ﺗﻮﺭ ﺑﯧﺘﯩﺪﻩ ﺋﯧﻼﻥ ﻗﯩﻠﯩﻨﻐﺎﻥ " ﺗﯩﻠﻐﺎ ﺗﯩﻎ ﺳﺎﻟﻐﺎﻥ ﺋﯚﺯﯨﻤﯩﺰ " ﻧﺎﻣﻠﯩﻖ ﻣﺎﻗﺎﻟﻪ، ﺋﯘﻳﻐﯘﺭ ﺯﯨﻴﺎﻟﯩﻴﻠﯩﺮﯨﻨﯩﯔ ﺋﯘﻳﻐﯘﺭ ﺗﯩﻠﯩﻨﻰ ﻗﻮﻏﺪﺍﺵ، ﺋﯘﻳﻐﯘﺭ ﺗﯩﻠﯩﻨﯩﯔ ﻗﻪﺩﯨﺮ - ﻗﯩﻤﻤﯩﺘﯩﻨﻰ ﺋﻪﺳﻠﯩﮕﻪ ﻛﻪﻟﺘﯜﺭﯛﺵ ﻳﻮﻟﯩﺪﯨﻜﻰ ﺋﯩﺰﺩﯨﻨﯩﺸﻠﯩﺮﯨﻨﯩﯔ ﺑﯩﺮ ﺋﯩﭙﺎﺩﯨﺴﻰ ﺩﯦﻴﯩﺶ ﻣﯘﻣﻜﯩﻦ.

ﻣﺎﻗﺎﻟﯩﺪﻩ ﺋﺎﭘﺘﻮﺭ 20 ﻳﯩﻠﻠﯩﻖ ﺗﻪﺭﺟﯩﻤﺎﻧﻠﯩﻖ ﺧﯩﺰﻣﯩﺘﻰ ﺟﻪﺭﻳﺎﻧﯩﺪﺍ، ﺋﯚﺯﻯ ﺋﯘﭼﺮﺍﺗﻘﺎﻥ ﺋﯘﻳﻐﯘﺭ ﭘﯧﺸﻘﻪﺩﻩﻣﻠﯩﺮﻯ، ﺋﯘﻳﻐﯘﺭ ﻫﯚﻛﯜﻣﻪﺕ ﻛﺎﺩﯨﺮﻟﯩﺮﻯ، ﺩﯨﻨﯩﻲ ﺯﺍﺗﻼﺭ، ﺳﯩﻴﺎﺳﯩﻲ ﻛﯧﯖﻪﺵ ﺋﻪﺯﺍﻟﯩﺮﻯ، ﺧﻪﻟﻖ ﯞﻩﻛﯩﻠﻠﯩﺮﻯ ﻗﺎﺗﺎﺭﻟﯩﻖ ﻛﯩﺸﯩﻠﻪﺭﻧﯩﯔ ﺋﯘﻳﻐﯘﺭ ﺗﯩﻠﯩﻐﺎ ﺗﯘﺗﻘﺎﻥ ﭘﻮﺯﯨﺘﺴﯩﻴﯩﺴﯩﺪﯨﻜﻰ ﺑﻪﺯﻯ ﺋﻪﻣﻪﻟﯩﻲ ﻣﯩﺴﺎﻟﻼﺭﻧﻰ ﺳﯚﺯﻟﻪﺵ ﺋﺎﺭﻗﯩﻠﯩﻖ، ﺋﯘﻳﻐﯘﺭ ﺗﯩﻠﯩﻨﯩﯔ ﺑﯜﮔﯜﻧﻜﻰ ﻛﯜﻧﺪﻩ ﺋﯘﭼﺮﺍﯞﺍﺗﻘﺎﻥ ﭘﺎﺟﯩﺌﻪﻟﯩﺮﯨﻨﯩﯔ ﺳﻪﯞﻩﺑﯩﻨﻰ ﻛﯚﺭﺳﯩﺘﯩﭗ ﺑﯧﺮﯨﺸﻜﻪ ﺗﯩﺮﯨﺸﻘﺎﻥ.

ﺋﺎﭘﺘﻮﺭ ﻣﺎﻗﺎﻟﯩﺴﯩﻨﻰ ﻣﯘﻧﺪﺍﻕ ﺑﺎﺷﻼﻳﺪﯗ، "ﻣﻪﻣﻠﯩﻜﻪﺗﻠﯩﻚ ﯞﻩ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺧﻪﻟﻖ ﻗﯘﺭﯗﻟﺘﯩﻴﻰ ﯞﻩﻛﯩﻠﻠﯩﺮﻯ ﯞﻩ ﺳﯩﻴﺎﺳﯩﻲ ﻛﯧﯖﻪﺵ ﺋﻪﺯﺍﻟﯩﺮﻯ ﺋﯩﭽﯩﺪﻩ، ﻣﯘﺋﻪﻳﻴﻪﻥ ﺳﺎﻟﻤﺎﻗﻨﻰ ﺋﯩﮕﯩﻠﻪﻳﺪﯨﻐﺎﻥ ﺋﯘﻳﻐﯘﺭﻻﺭﻧﯩﯔ ﮔﯧﭙﯩﻨﻰ ﻗﯩﻠﯩﺸﻘﺎ ﻫﻮﻗﯘﻕ ﺑﯧﺮﯨﻠﮕﻪﻥ ﺋﯘﻳﻐﯘﺭ ﯞﻩﻛﯩﻠﻠﻪﺭ ﯞﻩ ﺋﯘﻳﻐﯘﺭ ﺋﻪﺯﺍﻻﺭ ﺑﺎﺭ. ﻣﻪﻥ ﺋﯘﻻﺭﻧﯩﯔ ﭼﻮﯓ ﻳﯩﻐﯩﻨﻼﺭﺩﺍ، ﮔﯘﺭﯗﭘﭙﺎ ﻳﯩﻐﯩﻨﻠﯩﺮﯨﺪﺍ ﺳﯚﺯﮔﻪ ﭼﯩﻘﯩﭗ ﭘﯩﻜﯩﺮ ﺑﺎﻳﺎﻥ ﻗﯩﻠﻐﺎﻧﺪﺍ ﺑﯩﺮﻩﺭﺳﯩﻨﯩﯖﻤﯘ ﺋﺎﻧﺎ ﺗﯩﻠﺪﺍ ﺳﯚﺯﻟﯩﮕﯩﻨﯩﻨﻰ ﺋﯘﭼﺮﺍﺗﻤﯩﺪﯨﻢ، ﺋﯘﻻﺭﻧﯩﯔ ﻗﻮﻻﺷﻤﯩﻐﺎﻥ ﻧﺎﻫﺎﻳﯩﺘﻰ ﻗﺎﺗﺘﯩﻖ ﺧﻪﻧﺰﯗﭼﻪ ﺗﻪﻟﻪﭘﭙﯘﺯﻯ ﺑﻪﺯﯨﻠﻪﺭﮔﻪ ﺧﯘﺵ ﻳﺎﻗﻤﯩﺴﺎ، ﺑﻪﺯﯨﻠﻪﺭﻧﻰ ﻛﯚﻟﺪﯛﺭﯛﯞﯨﺘﻪﺗﺘﻰ."

ﺋﺎﭘﺘﻮﺭ ﻳﻪﻧﻪ، ﺗﯩﺒﻪﺕ ﯞﻩﻛﯩﻠﻠﯩﺮﯨﻨﻰ ﺋﯘﻳﻐﯘﺭ ﯞﻩﻛﯩﻠﻠﯩﺮﻯ ﺑﯩﻠﻪﻥ ﺳﯧﻠﯩﺸﺘﯘﺭﯗﭖ ﻣﯘﻧﺪﺍﻕ ﺩﻩﻳﺪﯗ :" ﺋﻪﻣﻤﺎ ﺗﯩﺒﻪﺕ ﺧﻪﻟﻘﯩﺪﯨﻦ ﺑﻮﻟﻐﺎﻥ ﺧﻪﻟﻖ ﻗﯘﺭﯗﻟﺘﯩﻴﻰ ﯞﻩﻛﯩﻠﻠﯩﺮﻯ، ﺳﯩﻴﺎﺳﯩﻲ ﻛﯧﯖﻪﺵ ﺋﻪﺯﺍﻟﯩﺮﻯ ﻫﻪﺭﮔﯩﺰ ﺑﯩﺰﻧﯩﯖﻜﯩﻠﻪﺭﮔﻪ ﺋﻮﺧﺸﯩﻤﺎﻳﺪﯗ، ﺋﯘﻻﺭ ﺋﺎﻧﺎ ﺗﯩﻠﯩﺪﺍ ﺳﯚﺯﻟﻪﻳﺪﯗ، ﺗﻪﺭﺟﯩﻤﺎﻧﻠﯩﺮﯨﺪﯨﻦ ﺗﻮﻟﯘﻕ ﭘﺎﻳﺪﯨﻠﯩﻨﯩﺪﯗ."

ﺋﺎﭘﺘﻮﺭ ﺋﯘﻳﻐﯘﺭ ﻛﺎﺩﯨﺮﻟﯩﺮﯨﻐﺎ ﻣﻪﺧﺴﯘﺱ ﺗﻪﺭﺟﯩﻤﺎﻥ ﺋﺎﺟﺮﯨﺘﯩﭗ ﺑﯧﺮﯨﻠﮕﻪﻥ ﺗﯘﺭﯗﻗﻠﯘﻕ ﺋﯘﻻﺭﻧﯩﯔ ﻳﻪﻧﯩﻼ ﻗﯩﻴﻨﯩﻠﯩﭗ ﺗﯘﺭﯗﭖ ﺧﯩﺘﺎﻱ ﺗﯩﻠﯩﺪﺍ ﺳﯚﺯﻟﯩﺸﯩﺪﯨﻐﺎﻧﻠﯩﻘﯩﻨﻰ ﻣﯘﻧﺪﺍﻕ ﺑﺎﻳﺎﻥ ﻗﯩﻠﯩﺪﯗ.

" ﺋﯘﻻﺭﻏﺎ ﺧﯩﻞ ﺗﻪﺭﺟﯩﻤﺎﻧﻼﺭ ﺳﻪﭘﻠﻪﭖ ﺑﯧﺮﯨﻠﮕﻪﻥ ﺗﯘﺭﯗﻗﻠﯘﻕ، ﻳﻪﻧﻪ ﺷﯘﻧﺪﺍﻕ ﻗﻮﻻﺷﻤﯩﻐﺎﻥ ﺗﻪﻟﻪﭘﭙﯘﺯﯨﻨﻰ ﻛﯚﺯ - ﻛﯚﺯ ﻗﯩﻠﯩﭗ، ﺧﯘﺩﺩﻯ ﺷﯘ ﺗﯩﻠﺪﺍ ﺳﯚﺯﻟﯩﻤﯩﺴﻪ ﯞﻩﺯﯨﭙﯩﺴﯩﺪﯨﻦ ﺋﯧﻠﯩﭗ ﺗﺎﺷﻼﻳﺪﯨﻐﺎﻧﺪﻩﻙ ﺗﻪﺧﯩﺮﺳﯩﺰ ﻗﯩﻴﺎﭘﻪﺗﺘﻪ ﺧﻪﻧﺰﯗﭼﻪ ﺳﯚﺯﻟﻪﻳﺪﯗ. ﺷﯘﻏﯩﻨﯩﺴﻰ ﻗﯩﺰﺯﯨﻘﻜﻰ، ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺳﯩﻴﺎﺳﯩﻲ ﻛﯧﯖﻪﺵ ﻳﺎﻛﻰ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﭘﺎﺭﺗﻜﻮﻡ ﺋﯘﻻﺭﻧﻰ ﺧﻪﻧﺰﯗ ﺗﯩﻠﯩﺪﺍ ﺳﯚﺯﻟﻪﺷﻜﻪ ﻗﯩﺴﺘﯩﻤﺎﻳﺪﯗ، ﺋﻪﻛﺴﯩﭽﻪ ﻳﯩﻐﯩﻦ ﺋﯜﭼﯜﻥ 42 ﺗﻪﺭﺟﯩﻤﺎﻥ ﺋﺎﺟﺮﯨﺘﯩﭗ ﺑﯧﺮﯨﭗ، ﺋﯘﻻﺭﻧﻰ ﺋﺎﻧﺎ ﺗﯩﻠﯩﺪﺍ ﺋﯚﺯ ﺟﺎﻳﯩﺪﯨﻜﻰ ﺧﻪﻟﻘﻨﯩﯔ ﺗﯘﺭﻣﯘﺷﯩﺪﺍ ﺳﺎﻗﻼﻧﻐﺎﻥ ﻣﻪﺳﯩﻠﯩﻠﻪﺭﻧﻰ ﺋﻪﻳﻨﻪﻥ ﻳﻪﺗﻜﯜﺯﯛﭖ ﺑﯧﺮﯨﺸﻨﻰ، ﺑﯘ ﻫﻪﻗﺘﻪ ﭘﺎﺭﺗﻜﻮﻡ، ﻫﯚﻛﯜﻣﻪﺗﻨﯩﯔ ﺗﻪﺩﺑﯩﺮ ﺑﻪﻟﮕﯩﻠﯩﺸﯩﻨﻰ ﺋﯩﻠﻤﯩﻴﻼﺷﺘﯘﺭﯗﺵ ﺋﯜﭼﯜﻥ ﺋﯩﺠﺎﺩﯨﻲ ﺗﻪﻛﻠﯩﭙﻠﻪﺭﻧﻰ ﺑﯧﺮﯨﺸﯩﻨﻰ ﺗﻪﻟﻪﭖ ﻗﯩﻠﯩﺪﯗ، ﺷﯘﻧﺪﺍﻕ ﺗﯘﺭﺳﯩﻤﯘ ﺋﯘﻻﺭ ﻳﻪﻧﯩﻼ ﺋﯚﺯﻟﯩﺮﯨﻨﯩﯔ ﻓﯘﻧﻜﺴﯩﻴﯩﺴﯩﻨﻰ ﺋﯘﻧﺘﯘﭖ، ﻗﻮﻻﺷﻤﯩﻐﺎﻥ ﺧﻪﻧﺰﯗﭼﻪ ﺗﻪﻟﻪﭘﭙﯘﺯﯨﻨﻰ ﻛﯚﺯ - ﻛﯚﺯ ﻗﯩﻠﯩﺸﯩﺪﯗ. ﺋﺎﺷﯘ ﺋﻪﺯﺍﻟﯩﺮﯨﻤﯩﺰ ( ﯞﻩﻛﯩﻠﻠﯩﺮﯨﻤﯩﺰ ) ﺋﺎﻧﺎ ﺗﯩﻠﻨﯩﯔ ﺗﻪﻗﺪﯨﺮﻯ ﻫﻪﻗﻘﯩﺪﻩ ﺋﻮﻳﻠﯩﺸﯩﭙﻤﯘ ﺑﺎﻗﻤﺎﻳﺪﯗ. ﺩﯦﻤﻪﻙ، ﺗﯩﻠﯩﻤﯩﺰﻏﺎ ﺗﯩﻎ ﺋﯘﺭﯗﯞﺍﺗﻘﺎﻧﻼﺭ ﺋﯚﺯﯨﻤﯩﺰ ﺑﻮﻟﻤﺎﻱ ﻛﯩﻢ ؟ ﺑﺎﻻ ﻳﯩﻐﻠﯩﻤﯩﺴﺎ ﺋﺎﻧﺎ ﺋﻪﻣﭽﻪﻙ ﺳﺎﻟﻤﺎﻳﺪﯗ، ﺋﯘﻻﺭ ﺋﯚﺯﻟﯩﺮﯨﻨﻰ ﺷﯘﻧﺪﺍﻕ ﺳﺎﻧﺎﭖ ﻫﺎﻛﯩﻤﯩﻴﻪﺕ ﺋﯩﺸﻠﯩﺮﯨﻐﺎ ﻗﺎﺗﻨﺎﺷﻘﺎﻧﺪﯨﻜﯩﻦ، ﻫﺎﻛﯩﻤﯩﻴﻪﺕ ﺋﯩﺸﻠﯩﺮﯨﻨﻰ ﻣﯘﻫﺎﻛﯩﻤﻪ ﻗﯩﻠﻐﺎﻧﺪﯨﻦ ﻛﯧﻴﯩﻦ، ﭘﺎﺭﺗﻜﻮﻡ، ﻫﯚﻛﯜﻣﻪﺕ، ' ﺋﯘﻳﻐﯘﺭ ﻣﯩﻠﻠﯩﺘﯩﮕﻪ ﯞﻩﻛﯩﻞ ﺑﻮﻟﻐﺎﻥ ﺑﯘ ﻳﻮﻟﺪﺍﺷﻼﺭﻧﯩﯔ ﻗﯩﺰﻏﯩﻨﻠﯩﻘﯩﺪﯨﻦ ﻗﺎﺭﯨﻐﺎﻧﺪﺍ ﭘﯜﺗﻜﯜﻝ ﺧﻪﻟﻖ ﻣﯘﺷﯘﻧﺪﺍﻕ ﺋﻮﻳﺪﺍ ﺋﻮﺧﺸﺎﻳﺪﯗ ' ﺩﻩﭖ ﺋﻮﻳﻼﭖ، ﺋﯘﻳﻐﯘﺭ ﺗﯩﻠﯩﻐﺎ ﺑﻮﻟﻐﺎﻥ ﺋﯧﻬﺘﯩﻴﺎﺟﻨﻰ ﺳﯘﺳﻼﺷﺘﯘﺭﯗﭖ ﻗﻮﻳﻐﺎﻥ ... "

ﺋﺎﭘﺘﻮﺭﻧﯩﯔ ﺑﯘ ﻣﺎﻗﺎﻟﯩﺴﻰ ﺋﯧﻼﻥ ﻗﯩﻠﯩﻨﻐﺎﻧﺪﯨﻦ ﻛﯧﻴﯩﻦ ﺗﻮﺭﺩﺍﺷﻼﺭ ﺋﺎﺭﯨﺴﯩﺪﺍ ﺑﻪﺱ - ﻣﯘﻧﺎﺯﯨﺮﯨﻠﻪﺭ ﻗﻮﺯﻏﯩﻐﺎﻥ ﺑﻮﻟﯘﭖ، ﺑﺎﺷﻘﺎ ﺋﯘﻳﻐﯘﺭ ﺗﻮﺭ ﺑﻪﺗﻠﯩﺮﻯ ﺑﯘ ﻣﺎﻗﺎﻟﯩﻨﻰ ﻛﯚﭼﯜﺭﯛﭖ ﺋﯚﺯ ﺗﻮﺭ ﺑﻪﺗﻠﯩﺮﯨﺪﻩ ﺋﯧﻼﻥ ﻗﯩﻠﻐﺎﻥ.

ﺑﯩﺰ ﺋﯩﺰﺩﻩﺵ ﺋﺎﺭﻗﯩﻠﯩﻖ ﻣﺎﻗﺎﻟﯩﻨﯩﯔ ﺋﻪﺳﻠﻰ ﺋﺎﭘﺘﻮﺭﻯ ﺑﯩﻠﻪﻥ ﺳﯚﻫﺒﻪﺗﻠﯩﺸﯩﺶ ﭘﯘﺭﺳﯩﺘﯩﮕﻪ ﺋﯧﺮﯨﺸﺘﯘﻕ، ﺷﯘﻧﺪﺍﻗﻼ ﻣﺎﻗﺎﻟﻪ ﺋﺎﭘﺘﻮﺭﻯ ﺋﯚﺯ ﻗﺎﺭﺍﺷﻠﯩﺮﯨﻨﻰ ﺑﺎﻳﺎﻥ ﻗﯩﻠﯩﭗ، ﻛﻪﯓ ﺋﺎﻣﻤﯩﻐﺎ ﺳﯘﻧﺪﻯ. 

ﺋﯘﻳﻐﯘﺭ ﺯﯨﻴﺎﻟﯩﻴﻠﯩﺮﻯ ﺋﺎﺭﯨﺴﯩﺪﺍ ﺋﯘﻳﻐﯘﺭ ﺗﯩﻠﯩﻨﻰ ﺗﻪﺷﻪﺑﺒﯘﺱ ﻗﯩﻠﯩﺶ، ﺋﯘﻳﻐﯘﺭ ﺗﯩﻠﯩﻨﯩﯔ ﻗﻪﺩﯨﺮ ﻗﯩﻤﻤﯩﺘﯩﻨﻰ ﺳﯚﺯﻟﻪﺵ، ﻗﺎﻧﺪﺍﻕ ﻗﯩﻠﻐﺎﻧﺪﺍ ﺋﺎﻧﺎ ﺗﯩﻠﻨﻰ ﻗﻮﻏﺪﺍﭖ ﻗﺎﻟﻐﯩﻠﻰ ﺑﻮﻟﯩﺪﯗ ﺩﯦﮕﻪﻥ ﻣﻪﺳﯩﻠﯩﻠﻪﺭ ﻫﻪﻗﻘﯩﺪﻩ ﺋﯩﺰﺩﯨﻨﯩﺶ، ﺗﻪﺩﺑﯩﺮ ﺋﯧﻠﯩﺶ ﻛﻪﻳﭙﯩﻴﺎﺗﻰ ﺋﻮﻣﯘﻣﻴﯜﺯﻟﯜﻙ ﻗﻮﺯﻏﺎﻟﻐﺎﻥ ﺑﻮﻟﯘﭖ، ﺋﯘﻳﻐﯘﺭ ﺗﻮﺭ ﺑﻪﺗﻠﯩﺮﯨﺪﻩ ﺑﯘ ﺧﯩﻠﺪﯨﻜﻰ ﻣﺎﻗﺎﻟﯩﻠﻪﺭﻧﻰ ﻛﯚﭘﻠﻪﭖ ﺋﯘﭼﺮﯨﺘﯩﺶ ﻣﯘﻣﻜﯩﻦ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز