ﺧﯩﺘﺎﻱ ﮬﯚﻛﯜﻣﯩﺘﻰ ﻳﯧﯖﻰ ﺩﯨﻨﯩﻲ ﺋﯩﺸﻼﺭﻧﻰ ﺑﺎﺷﻘﯘﺭﯗﺵ ﺑﻪﻟﮕﯩﻠﯩﻤﯩﺴﯩﻨﻰ ﺋﯧﻼﻥ ﻗﯩﻠﺪﻯ

ﺧﯩﺘﺎﻱ ﮬﯚﻛﯜﻣﻪﺕ ﻣﻪﺗﺒﯘﺋﺎﺗﻠﯩﺮﯨﻨﯩﯔ ﺑﯩﻠﺪﯛﺭﯛﺷﯩﭽﻪ، ﺧﯩﺘﺎﻱ ﮬﯚﻛﯜﻣﯩﺘﻰ 1994 - ﻳﯩﻠﻰ ﺑﯧﻜﯩﺘﻜﻪﻥ ﺩﯨﻨﯩﻲ ﺋﯩﺸﻼﺭﻧﻰ ﺑﺎﺷﻘﯘﺭﯗﺵ ﺑﻪﻟﮕﯩﻠﯩﻤﯩﺴﯩﻨﯩﯔ ﺋﻮﺭﻧﯩﻐﺎ، ﻛﯩﻠﻪﺭ ﻳﯩﻠﻰ 3 - ﺋﺎﻳﺪﯨﻦ ﺑﺎﺷﻼﭖ ﻳﯧﯖﻰ ﺑﻪﻟﮕﯩﻠﯩﻤﯩﻨﻰ ﻳﻮﻟﻐﺎ ﻗﻮﻳﯩﺪﯨﻜﻪﻥ. ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺋﯚﺗﻜﻪﻥ ﻳﻪﻛﺸﻪﻧﺒﻪ ﻛﯜﻧﻰ ﻣﻪﺯﻛﯘﺭ ﻳﯧﯖﻰ ﺑﻪﻟﮕﯩﻠﯩﻤﯩﻨﯩﯔ ﻣﻪﺯﻣﯘﻧﯩﻨﻰ ﺋﯧﻼﻥ ﻗﯩﻠﻐﺎﻥ ﺑﻮﻟﯘﭖ، ﺋﯘﻧﯩﯖﺪﺍ ﺑﯩﺮ ﺗﻪﺭﻩﭘﺘﯩﻦ ﺩﯨﻨﯩﻲ ﺋﻪﺭﻛﯩﻨﻠﯩﻜﻜﻪ ﮬﯚﺭﻣﻪﺕ ﻗﯩﻠﯩﺶ ﻛﯚﺭﺳﯩﺘﯩﻠﮕﻪﻥ ﺑﻮﻟﺴﺎ، ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ﺩﯨﻨﯩﻲ ﺗﻪﺷﻜﯩﻼﺗﻼﺭﻏﺎ ﺑﻮﻟﻐﺎﻥ ﻛﻮﻧﺘﺮﻭﻟﻠﯘﻗﻨﻰ ﻛﯜﭼﻪﻳﺘﯩﺶ ﺗﻪﻛﯩﺘﻠﻪﻧﮕﻪﻥ.

• ﻣﯘﺧﺒﯩﺮﯨﻤﯩﺰ ﺋﺎﺭﺯﯗﻧﯩﯔ ﺑﯘ ﮬﻪﻗﺘﯩﻜﻰ ﭘﺮﻭﮔﺮﺍﻣﻤﯩﺴﻰ
• Download story audio

ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺧﻪﯞﯨﺮﯨﺪﻩ، "ﻣﻪﺯﻛﯜﺭ ﻳﯧﯖﻰ ﺑﻪﻟﮕﯩﻠﯩﻤﻪ، ﺧﯩﺘﺎﻳﻨﯩﯔ ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻧﻘﻰ ﺋﯩﻘﺘﯩﺴﺎﺩﯨﻲ ﯞﻩ ﺟﻪﻣﺌﯩﻴﻪﺕ ﺗﻪﺭﻩﻗﻘﯩﻴﺎﺗﯩﻐﺎ ﺋﻪﮔﯩﺸﯩﭗ ﺷﻪﻛﯩﻠﻠﻪﻧﮕﻪﻥ ﻳﯧﯖﻰ ﯞﻩﺯﯨﻴﻪﺗﺘﯩﻜﻰ ﺩﯨﻨﯩﻲ ﺋﯩﺸﻼﺭﻧﻰ ﺗﯧﺨﯩﻤﯘ ﻳﺎﺧﺸﻰ ﺑﯩﺮ ﺗﻪﺭﻩﭖ ﻗﯩﻠﯩﭗ، ﭘﯘﻗﺮﺍﻻﺭﻧﯩﯔ ﺩﯨﻨﯩﻲ ﺋﻪﺭﻛﯩﻨﻠﯩﻜﯩﻨﻰ ﺗﯧﺨﯩﻤﯘ ﻳﺎﺧﺸﻰ ﻛﺎﭘﺎﻟﻪﺗﻜﻪ ﺋﯩﮕﻪ ﻗﯩﻠﯩﺸﻨﻰ ﻣﻪﻗﺴﻪﺕ ﻗﯩﻠﯩﺪﯗ" ﺩﻩﭖ ﻛﯚﺭﺳﻪﺗﻜﻪﻥ.

ﻳﯧﯖﻰ ﺑﻪﻟﮕﯩﻠﯩﻤﯩﺪﻩ،" ﮬﻪﺭ ﻗﺎﻧﺪﺍﻕ ﺗﻪﺷﻜﯩﻼﺕ ﯞﻩ ﺷﻪﺧﺲ، ﭘﯘﻗﺮﺍﻻﺭﻧﻰ ﺑﯩﺮﻩﺭ ﺩﯨﻨﻐﺎ ﺋﯧﺘﯩﻘﺎﺩ ﻗﯩﻠﯩﺸﻘﺎ ﯞﻩ ﻳﺎﻛﻰ ﺩﯨﻨﯩﻲ ﺋﯧﺘﯩﻘﺎﺗﯩﺪﯨﻦ ﯞﺍﺯ ﻛﯧﭽﯩﺸﻜﻪ ﻣﻪﺟﺒﯘﺭﻟﯩﻤﺎﺳﻠﯩﻘﻰ ﻛﯧﺮﻩﻙ. ﭘﯘﻗﺮﺍﻻﺭ ﺋﯚﺯﯨﻨﯩﯔ ﺩﯨﻨﯩﻲ ﺋﯧﺘﯩﻘﺎﺩﯨﻨﯩﯔ ﺑﺎﺭ- ﻳﻮﻗﻠﯩﻘﻰ ﺳﻪﯞﻩﺑﯩﺪﯨﻦ ﻛﻪﻣﺴﯩﺘﯩﻠﯩﺸﻜﻪ ﺋﯘﭼﺮﯨﻤﺎﺳﻠﯩﻘﻰ ﻛﯧﺮﻩﻙ" ﺩﯦﻴﯩﻠﮕﻪﻥ. ﻣﻪﺯﻛﯘﺭ ﺑﻪﻟﮕﯩﻠﯩﻤﯩﺪﻩ ﻳﻪﻧﻪ، "ﮬﯚﻛﯜﻣﻪﺕ ﺋﻪﻣﻪﻟﺪﺍﺭﻟﯩﺮﻯ ﺩﯨﻨﯩﻲ ﺋﯩﺸﻼﺭﻧﻰ ﺑﺎﺷﻘﯘﺭﯗﺵ ﺟﻪﺭﻳﺎﻧﯩﺪﺍ ﮬﻮﻗﯘﻗﯩﻨﻰ ﻗﺎﻻﻳﻤﯩﻘﺎﻥ ﺋﯩﺸﻠﻪﺗﻤﻪﺳﻠﯩﻜﻰ ﻛﯧﺮﻩﻙ، ﺑﻮﻟﻤﯩﺴﺎ ﺗﯧﮕﯩﺸﻠﯩﻚ ﺟﺎﺯﺍﻏﺎ ﺋﯘﭼﺮﺍﻳﺪﯗ" ﺩﻩﭖ ﺑﻪﻟﮕﯩﻠﻪﻧﮕﻪﻥ.

ﺋﯘﻳﻐﯘﺭﻻﺭﻏﺎ ﻗﺎﺭﺍﺗﻘﺎﻥ ﺑﺎﺳﺘﯘﺭﯗﺵ ﻛﯜﭼﯩﻴﯩﺸﻰ ﻣﯘﻣﻜﯩﻦ

ﺑﺎﺵ ﺷﯩﺘﺎﺑﻰ ﺋﺎﻣﯧﺮﯨﻜﯩﺪﯨﻜﻰ ﺧﯩﺘﺎﻱ ﻛﯩﺸﯩﻠﯩﻚ ﮬﻮﻗﯘﻕ ﺗﻪﺷﻜﯩﻼﺗﯩﻨﯩﯔ ﺗﻪﺗﻘﯩﻘﺎﺕ ﺩﯦﺮﯨﻜﺘﻮﺭﻯ ﻧﯩﻜﻮﻻﺱ ﺑﻪﻛﯘﻟﯩﻦ ﺧﯩﺘﺎﻱ ﮬﯚﻛﯜﻣﯩﺘﯩﻨﯩﯔ ﻳﯧﯖﻰ ﺑﻪﻟﮕﯩﻠﯩﻤﯩﺪﯨﻦ ﭘﺎﻳﺪﯨﻠﯩﻨﯩﭗ، ﺋﯘﻳﻐﯘﺭﻻﺭﻧﯩﯔ ﺩﯨﻨﯩﻲ ﯞﻩ ﺳﯩﻴﺎﺳﯩﻲ ﺋﻪﺭﻛﯩﻨﻠﯩﻜﯩﻨﻰ ﺗﯧﺨﯩﻤﯘ ﻗﺎﺗﺘﯩﻖ ﺑﺎﺳﺘﯘﺭﯨﺸﯩﺪﯨﻦ ﺋﻪﻧﺪﯨﺸﻪ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﯛﭖ، ﻣﯘﻧﺪﺍﻕ ﺩﯨﺪﻯ:

- ﺑﻮﻟﯘﭘﻤﯘ ﺋﯘﻳﻐﯘﺭ ﺋﯧﻠﯩﺪﻩ، ﺧﯩﺘﺎﻱ ﮬﯚﻛﯜﻣﯩﺘﻰ ﺋﯘﻳﻐﯘﺭﻻﺭﻧﯩﯔ ﺩﯨﻨﯩﻲ ﭘﺎﺋﺎﻟﯩﻴﻪﺗﻠﯩﺮﯨﻨﻰ ﮬﻪﻣﻤﯩﺪﯨﻦ ﻗﺎﺗﺘﯩﻖ ﻛﻮﻧﺘﺮﻭﻝ ﻗﯩﻠﯩﺪﯗ. ﮬﻪﺗﺘﺎ ﺋﻪﯓ ﺋﺎﺳﺎﺳﯩﻲ ﺩﯨﻨﯩﻲ ﺋﻪﺭﻛﯩﻨﻠﯩﻜﻠﯩﺮﯨﻨﯩﻤﯘ ﺩﻩﭘﺴﻪﻧﺪﻩ ﻗﯩﻠﯩﺪﯗ. ﺑﯩﺰﻧﯩﯔ ﮬﺎﺯﯨﺮ ﺋﻪﻧﺪﯨﺸﻪ ﻗﯩﻠﯩﯟﺍﺗﻘﯩﻨﯩﻤﯩﺰ، ﺧﯩﺘﺎﻱ ﮬﯚﻛﯜﻣﯩﺘﻰ ﻳﯧﯖﻰ ﺑﻪﻟﮕﯩﻠﯩﻤﯩﮕﻪ "ﺩﯨﻨﯩﻲ ﺭﺍﺩﯨﻜﺎﻝ" ﺩﯨﮕﻪﻥ ﺋﯘﻗﯘﻣﻨﻰ ﻳﯧﯖﯩﺪﯨﻦ ﻛﯩﺮﮔﯜﺯﯛﭘﺘﯘ. ﺑﯩﺰ ﺧﯩﺘﺎﻱ ﮬﯚﻛﯜﻣﯩﺘﯩﻨﯩﯔ ﺋﯘﺯﯗﻧﺪﯨﻦ ﺑﯘﻳﺎﻥ ﺋﺎﺗﺎﻟﻤﯩﺶ " ﺭﺍﺩﯨﻜﺎﻝ ﺩﯨﻨﯩﻲ ﭘﺎﺋﺎﻟﯩﻴﻪﺗﻠﻪﺭ ﺑﯩﻠﻪﻥ ﺷﯘﻏﯘﻟﻠﯩﻨﯩﺶ" ﺩﯨﮕﻪﻥ ﻧﺎﻡ ﺑﯩﻠﻪﻥ ﺋﯘﻳﻐﯘﺭﻻﺭﻧﻰ ﺗﯘﺗﯘﭖ، ﺑﺎﺳﺘﯘﺭﯗﭖ ﻛﯧﻠﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﯩﻤﯩﺰ. ﺧﯩﺘﺎﻳﻨﯩﯔ ﺭﺍﺩﯨﻜﺎﻝ ﺩﯨﻨﯩﻲ ﭘﺎﺋﺎﻟﯩﻴﻪﺗﻠﻪﺭ ﺩﯦﮕﯩﻨﻰ ﺋﻪﻣﻪﻟﯩﻴﻪﺗﺘﻪ ﺋﺎﺩﻩﺗﺘﯩﻜﻰ ﺩﯨﻨﯩﻲ ﭘﺎﺋﺎﻟﯩﻴﻪﺗﻠﻪﺭ، ﮬﻪﺟﮕﻪ ﺑﯧﺮﯨﺶ ﺩﯦﮕﻪﻧﺪﻩﻛﻠﻪﺭ، ﭘﻪﻗﻪﺕ ﺷﯘ ﮬﯚﻛﯜﻣﻪﺗﻨﯩﯔ ﺭﯗﺧﺴﯩﺘﯩﻨﻰ ﺋﺎﻟﻤﯩﻐﺎﻥ. ﺧﯩﺘﺎﻱ ﮬﯚﻛﯜﻣﯩﺘﯩﻨﯩﯔ "ﺩﯨﻨﯩﻲ ﺭﺍﺩﯨﻜﺎﻝ" ﺩﯨﮕﻪﻥ ﺋﯘﻗﯘﻣﯩﻨﯩﯔ ﮬﯧﭽﻘﺎﻧﺪﺍﻕ ﺋﯩﺰﺍﮬﺎﺗﻰ ﻳﻮﻕ. ﺷﯘﯕﺎ ﺑﯩﺰ ﺋﯘﻻﺭﻧﯩﯔ ﺑﯘ ﻛﺎﺗﯩﮕﻮﺭﯨﻴﯩﺪﯨﻦ ﭘﺎﻳﺪﯨﻠﯩﻨﯩﭗ، ﺧﯩﺘﺎﻱ ﮬﯚﻛﯜﻣﯩﺘﯩﮕﻪ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﮔﻪﻥ ﺋﯘﻳﻐﯘﺭﻻﺭ، ﮬﯚﻛﯜﻣﻪﺗﻨﯩﯔ ﺭﯗﺧﺴﯩﺘﯩﺪﯨﻦ ﺳﯩﺮﺕ ﺩﯨﻨﯩﻲ ﭘﺎﺋﺎﻟﯩﻴﻪﺕ ﺑﯩﻠﻪﻥ ﺷﻮﻏﯘﻟﻼﻧﻐﺎﻧﻼﺭ، ﮬﻪﺗﺘﺎﻛﻰ ﺑﻪﺯﻯ ﺩﯨﻨﯩﻲ ﺗﻪﻟﯩﻤﺎﺗﻼﺭﻧﻰ ﺗﺎﺭﻗﺎﺗﻘﺎﻧﻼﺭﻧﻰ ﺗﯧﺨﯩﻤﯘ ﻗﺎﺗﺘﯩﻖ ﺑﺎﺳﺘﯘﺭﯗﺷﯩﺪﯨﻦ ﺋﻪﻧﺪﯨﺸﻪ ﻗﯩﻠﯩﻤﯩﺰ.

ﮬﯧﭽﻘﺎﻧﺪﺍﻕ ﺋﯩﻠﮕﯩﺮﯨﻠﻪﺵ ﻳﻮﻕ

ﻧﯩﻜﻮﻻﺱ ﺑﻪﻛﯘﻟﯩﻦ ﺋﻪﭘﻪﻧﺪﻯ ﻳﻪﻧﻪ، ﺑﯘ ﻳﯧﯖﻰ ﺑﻪﻟﮕﯩﻠﯩﻤﯩﺪﻩ، ﺩﯨﻨﯩﻲ ﺋﻪﺭﻛﯩﻨﻠﯩﻜﻨﻰ ﺋﯩﻠﮕﯩﺮﻯ ﺳﯜﺭﯨﺪﯨﻐﺎﻥ ﺋﻪﮬﻤﯩﻴﻪﺗﻠﯩﻚ ﻣﻪﺯﻣﯘﻧﻨﯩﯔ ﻛﻪﻣﭽﯩﻠﻠﯩﻜﯩﻨﻰ ﺑﯩﻠﺪﯛﺭﯛﭖ، ﻣﯘﻧﺪﺍﻕ ﺩﯨﺪﻯ:

- ﻣﯧﻨﯩﯖﭽﻪ، ﺑﯘ ﻳﯧﯖﻰ ﺑﻪﻟﮕﯩﻠﯩﻤﻪ ﭘﻪﻗﻪﺕ ﺧﯩﺘﺎﻱ ﮬﯚﻛﯜﻣﯩﺘﯩﻨﯩﯔ ﻧﯚﯞﻩﺗﺘﻪ ﻳﯜﺭﮔﯜﺯﯨﯟﺍﺗﻘﺎﻥ ﺩﯨﻨﯩﻲ ﺳﯩﻴﺎﺳﯩﺘﯩﻨﻰ ﺗﻮﻟﯘﻗﻼﭖ ﺋﯩﺰﺍﮬﻠﯩﻐﺎﻥ. ﺩﯨﻨﯩﻲ ﺋﻪﺭﻛﯩﻨﻠﯩﻚ ﺟﻪﮬﻪﺗﺘﻪ ﮬﯧﭽﻘﺎﻧﺪﺍﻕ ﺑﯩﺮ ﺋﯩﻠﮕﯩﺮﯨﻠﻪﺷﺘﯩﻦ ﺩﯦﺮﻩﻙ ﺑﻪﺭﻣﻪﻳﺪﯗ. ﭼﯜﻧﻜﻰ، ﺋﯘﻧﯩﯖﺪﺍ ﭘﻪﻗﻪﺕ ﺧﯩﺘﺎﻱ ﮬﯚﻛﯜﻣﯩﺘﻰ " ﻧﻮﺭﻣﺎﻝ" ﺩﻩﭖ ﻗﺎﺭﯨﻐﺎﻥ ﺩﯨﻨﯩﻲ ﭘﺎﺋﺎﻟﯩﻴﻪﺗﻠﻪﺭﮔﻪ ﻛﺎﭘﺎﻟﻪﺕ ﻗﯩﻠﯩﻨﻐﺎﻥ. ﮬﺎﻟﺒﯘﻛﻰ ﻧﯧﻤﯩﻨﯩﯔ "ﻧﻮﺭﻣﺎﻝ"، ﻧﯧﻤﯩﻨﯩﯔ "ﻗﺎﻧﯘﻧﺴﯩﺰ" ﺩﯨﻨﯩﻲ ﭘﺎﺋﺎﻟﯩﻴﻪﺕ ﺋﯩﻜﻪﻧﻠﯩﻜﯩﻨﻰ ﭘﻪﻗﻪﺕ ﺧﯩﺘﺎﻱ ﮬﯚﻛﯜﻣﯩﺘﻰ ﺋﯚﺯﻯ ﺧﺎﻟﯩﻐﺎﻧﭽﻪ ﺑﻪﻟﮕﯩﻠﻪﻳﺪﯗ. ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ﺧﯩﺘﺎﻱ ﮬﯚﻛﯜﻣﯩﺘﻰ ﺩﯨﻨﯩﻲ ﮔﯘﺭﯗﭘﭙﯩﻼﺭﻧﻰ ﺗﯩﺰﯨﻤﻐﺎ ﺋﺎﻟﺪﯗﺭﯗﺵ ﺗﯜﺯﯛﻣﯩﻨﻰ ﻳﻮﻟﻐﺎ ﻗﻮﻳﻐﺎﻧﺪﺍ، ﺋﯚﺯ ﺧﺎﮬﯩﺸﻰ ﺑﻮﻳﯩﭽﻪ ﺩﯨﻨﯩﻲ ﮔﯘﺭﯗﭘﭙﯩﻼﺭﻧﻰ ﺗﯩﺰﯨﻤﻐﺎ ﺋﯧﻠﯩﺶ ﻳﺎﻛﻰ ﺋﺎﻟﻤﺎﺳﻠﯩﻘﻨﻰ ﺑﯧﻜﯩﺘﯩﺪﯗ. ﺷﯘﯕﺎ، ﺧﯩﺘﺎﻳﺪﯨﻜﻰ ﺑﺎﺭﻟﯩﻖ ﺩﯨﻨﯩﻲ ﭘﺎﺋﺎﻟﯩﻴﻪﺗﻠﻪﺭ ﮬﯚﻛﯜﻣﻪﺗﻨﯩﯔ ﻛﻮﻧﺘﺮﻭﻟﻠﯩﻘﯩﺪﺍ، ﺧﯩﺘﺎﻳﺪﺍ ﺩﯨﻨﯩﻲ ﺋﻪﺭﻛﯩﻨﻠﯩﻜﺘﯩﻦ ﺋﯧﻐﯩﺰ ﺋﯧﭽﯩﺶ ﺗﻪﺱ.

ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﯩﻨﯩﯔ ﺋﯩﻨﻜﺎﺳﻰ

ﺑﺎﺵ ﺷﯩﺘﺎﺑﻰ ﻟﻮﻧﺪﻭﻧﺪﯨﻜﻰ ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﯩﻨﯩﯔ ﺧﯩﺘﺎﻱ ﺋﯩﺸﻠﯩﺮﯨﻐﺎ ﻣﻪﺳﺌﯘﻝ ﺧﺎﺩﯨﻤﻰ ﻟﯩﻴﯘﺱ ﯞﯨﺸﯩﻦ، ﺧﯩﺘﺎﻱ ﮬﯚﻛﯜﻣﯩﺘﯩﻨﯩﯔ ﻳﯧﯖﻰ ﺑﻪﻟﮕﯩﻠﯩﻤﯩﺴﯩﻨﯩﯔ ﺧﯩﺘﺎﻳﺪﺍ ﺩﯨﻨﯩﻲ ﺋﻪﺭﻛﯩﻨﻠﯩﻜﻜﻪ ﻳﻮﻝ ﺋﺎﭼﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﭖ ﻣﯘﻧﺪﺍﻕ ﺩﯨﺪﻯ:

- ﺧﯩﺘﺎﻱ ﮬﯚﻛﯜﻣﯩﺘﯩﻨﯩﯔ ﻳﯜﺭﮔﯜﺯﯨﯟﺍﺗﻘﺎﻥ ﺩﯨﻨﯩﻲ ﺳﯩﻴﺎﺳﻪﺗﻠﯩﺮﻯ ﺋﺎﺳﺎﺳﻠﯩﻘﻰ ﺩﯨﻨﻨﻰ ﻛﻮﻧﺘﺮﻭﻝ ﻗﯩﻠﯩﺸﻨﻰ ﻣﻪﻗﺴﻪﺕ ﻗﯩﻠﻐﺎﻥ. ﺷﯘﯕﯩﻤﯘ ﺧﯩﺘﺎﻱ ﮬﯚﻛﯜﻣﯩﺘﻰ ﺋﯘﻳﻐﯘﺭ ﺋﯧﻠﯩﺪﻩ ﻣﻪﺳﭽﯩﺘﻠﻪﺭﻧﻰ ﻗﺎﺗﺘﯩﻖ ﻧﺎﺯﺍﺭﻩﺕ ﺋﺎﺳﺘﯩﻐﺎ ﺋﺎﻟﻐﺎﻥ. ﮬﯚﻛﯜﻣﻪﺗﻨﯩﯔ ﺭﯗﺧﺴﯩﺘﯩﻨﻰ ﺋﺎﻟﻤﯩﻐﺎﻥ ﻣﻪﺳﭽﯩﺘﻠﻪﺭﻧﻰ ﺗﺎﻗﺎﭖ، ﺋﯚﺯ ﺋﺎﻟﺪﯨﻐﺎ ﺋﯩﺶ ﺋﯧﻠﯩﭗ ﺑﺎﺭﻏﺎﻥ ﺋﯩﻤﺎﻣﻼﺭﻧﻰ ﺗﯘﺗﻘﯘﻥ ﻗﯩﻠﻐﺎﻥ. ﺧﯩﺘﺎﻳﻨﯩﯔ ﺑﺎﺷﻘﺎ ﺟﺎﻳﻠﯩﺮﯨﺪﯨﻤﯘ ﯞﻩﺯﯨﻴﻪﺕ ﺋﻮﺧﺸﺎﺵ. ﺑﯘ ﻳﯧﯖﻰ ﺑﻪﻟﮕﯩﻠﯩﻤﻪ ﺑﻪﻟﻜﯩﻢ، ﺧﯩﺘﺎﻳﻨﯩﯔ ﯞﻩﺯﯨﻴﯩﺘﯩﻨﻰ ﺋﯘﻗﻤﺎﻳﺪﯨﻐﺎﻧﻼﺭﻏﺎ، ﺧﯘﺩﺩﻯ ﺧﯩﺘﺎﻱ ﮬﯚﻛﯜﻣﯩﺘﻰ ﻧﯘﺭﻏﯘﻥ ﻛﯩﺸﯩﻠﻪﺭﻧﯩﯔ ﺩﯨﻨﯩﻲ ﺋﻪﺭﻛﯩﻨﻠﯩﻜﯩﻨﻰ ﻗﻮﻏﺪﺍﻳﺪﯨﻐﺎﻧﺪﻩﻙ ﻛﯚﺭﺳﯩﺘﯩﺸﻰ ﻣﯘﻣﻜﯩﻦ. ﺑﯩﺮﺍﻕ، ﺋﻪﻣﯩﻠﯩﻴﻪﺗﺘﻪ ﺑﯘ ﺑﻪﻟﮕﯩﻠﯩﻤﻪ ﭘﻪﻗﻪﺕ ﮬﯚﻛﯜﻣﻪﺗﻜﻪ ﺑﻮﻳﺴﯘﻧﯘﭖ، ﮬﯚﻛﯜﻣﻪﺗﻨﯩﯔ ﺑﻪﻟﮕﯩﻠﯩﮕﻪﻥ ﺩﺍﺋﯩﺮﯨﺴﻰ ﺋﯩﭽﯩﺪﯨﻼ ﺩﯨﻨﯩﻲ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﺎﺭﻏﺎﻥ ﻛﯩﺸﯩﻠﻪﺭﻧﯩﯔ ﺩﯨﻨﯩﻲ ﮬﻮﻗﻮﻗﻠﯩﺮﯨﻐﺎ ﻛﺎﭘﺎﻟﻪﺕ ﻗﯩﻠﯩﺪﯗ. ﺋﯚﺯ ﺋﺎﻟﺪﯨﻐﺎ ﺩﯨﻨﯩﻲ ﺋﯧﺘﯩﻘﺎﺩﯨﻨﻰ ﻳﯜﺭﮔﯜﺯﯨﺪﯨﻐﺎﻥ ﻛﯩﺸﯩﻠﻪﺭﻧﻰ ﺧﯩﺘﺎﻱ ﮬﯚﻛﯜﻣﯩﺘﻰ ﺩﺍﯞﺍﻣﻠﯩﻖ ﺑﺎﺳﺘﯘﺭﯨﺪﯗ.

ﺩ ﺋﯘ ﻕ ﻧﯩﯔ ﺋﯩﻨﻜﺎﺳﻰ

ﺑﯩﺮ ﻗﯩﺴﯩﻢ ﺋﯘﻳﻐﯘﺭ ﻛﯜﺯﻩﺗﻜﯜﭼﯩﻠﻪﺭﻣﯘ ، ﺧﯩﺘﺎﻱ ﮬﯚﻛﯜﻣﯩﺘﯩﻨﯩﯔ ﻛﯩﻠﻪﺭ ﻳﯩﻠﻰ 3 - ﺋﺎﻳﻨﯩﯔ 1 - ﻛﯜﻧﯩﺪﯨﻦ ﺑﺎﺷﻼﭖ ﻳﯜﺭﮔﯜﺯﻣﻪﻛﭽﻰ ﺑﻮﻟﻐﺎﻥ ﺑﯘ ﻳﯧﯖﻰ ﺩﯨﻨﯩﻲ ﺋﯩﺸﻼﺭ ﺑﺎﺷﻘﯘﺭﯗﺵ ﺑﻪﻟﮕﯩﻠﯩﻤﯩﺴﯩﺪﯨﻦ ﺋﯜﻣﯩﺪ ﻛﯜﺗﻤﻪﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﺷﻤﻪﻛﺘﻪ.

ﻣﻪﺭﻛﯩﺰﻯ ﮔﯧﺮﻣﺎﻧﯩﻴﯩﺪﯨﻜﻰ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺩﯨﻨﯩﻲ ﺋﯩﺸﻼﺭ ﻛﻮﻣﯩﺘﯧﺘﯩﻨﯩﯔ ﻣﻪﺳﺌﯘﻟﻰ ﺧﯩﺘﺎﻱ ﮬﯚﻛﯜﻣﯩﺘﯩﻨﯩﯔ ﺑﯘ ﺑﻪﻟﮕﯩﻠﯩﻤﯩﺴﯩﻨﯩﯔ ﺋﯘﻳﻐﯘﺭﻻﺭﻧﯩﯔ ﺩﯨﻨﯩﻲ ﯞﻩﺯﯨﻴﯩﺘﯩﮕﻪ ﻳﺎﺧﺸﯩﻠﯩﻨﯩﺶ ﺋﯧﻠﯩﭗ ﻛﯧﻠﯩﺸﯩﮕﻪ ﺋﯩﺸﻪﻧﻤﻪﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﭖ، ﻣﯘﻧﺪﺍﻕ ﺩﯨﺪﻯ:

• ﺋﯘ ﺑﯘ ﮬﻪﻗﺘﻪ ﻣﯘﻧﺪﺍﻕ ﺩﯦﺪﻯ
• Download story audio

ﺋﯘ ﺋﺎﺧﯩﺮﯨﺪﺍ، ﺧﯩﺘﺎﻱ ﮬﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭﻧﯩﯔ ﺩﯨﻨﯩﻲ ﺋﻪﺭﻛﯩﻨﻠﯩﻜﯩﻨﻰ ﺧﺎﻟﯩﻐﺎﻧﭽﻪ ﺩﻩﭘﺴﻪﻧﺪﻩ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﻗﺎﺗﺘﯩﻖ ﺋﻪﻳﯩﭙﻠﯩﺪﻯ.